Nehemia 9:19 - BAIBLO ALOO NGMAMI KLƆUKLƆU Ɔ

¹⁹ Jamɛ a be ɔ mi po, o ngmɛɛ we a he ngɛ nga kplanaa a nɔ; ejakaa o naa mɔbɔ saminya. O je we bɔku ɔ nɛ tsɔɔ mɛ blɔ piani ɔ, kɛ la a hu nɛ tsɔɔ mɛ blɔ nyɔ mi ɔ kɛ ji a he.

Nehemia 9:19 ပူးပေါင်းရင်းမြစ်များ

La 106:45

E kai somi nɛ e kɛ mɛ so ɔ, nɛ e suɔmi babauu ɔ he je ɔ, e ngɔ a he kɛ ke mɛ.

Nehemia 9:27

Lɔ ɔ he ɔ, o ha a he nyɛli ba ye a nɔ, nɛ a hao mɛ. Ngɛ a fimi be ɔ mi ɔ, a fa kue kɛ tsɛ mo, nɛ o bu mɛ tue kɛ je hiɔwe. O mɔbɔ nami babauu ɔ nya a, o ha mɛ hɛ mi nyɛɛli nɛ kpɔ mɛ kɛ je a he nyɛli a dɛ.

Malaki 3:6

“Imi ji Yawɛ ɔ nɛ; i tsakee we. Enɛ ɔ he je nɛ nyɛ, Yakob nina a, nyɛ hɛ mi kpataa we lolo ɔ nɛ.

Nehemia 9:12

O ngɔ bɔku kɛ tsɔɔ mɛ blɔ piani; se nyɔ mi lɛɛ o ha mɛ la nɛ a kɛ hyɛ a blɔ mi.

Daniel 9:18

Ye Mawu lee, wa kpa mo pɛɛ nɛ o bu wɔ tue. Hyɛ haomi mi nɛ wa ngɛ, kɛ bɔ nɛ ma a nɛ a kɛ o biɛ wo lɛ ɔ pee ma doku ha. Wa ngɛ kue fae ha mo, ejakaa mɔbɔ nalɔ ji mo, se pi kaa wa pee nɔ́ nɛ da.

Daniel 9:9

E ngɛ mi kaa wa tsɔ o hɛ mi atuã mohu lɛɛ, se mɔbɔ nalɔ ji mo, nɛ o kɛ nɔ he yayami paa nɔ.

Mose IV, 14:14

a maa sɛɛ ha zugba nɛ ɔ nɔ bi. Nimli nɛ ɔmɛ nu momo kaa mo Yawɛ, o ngɛ wa kpɛti. Nimli nɛ ɔmɛ nu momo kaa mo Yawɛ, o bɔku ɔ ba daa si ngɛ wa yi mi, nɛ a naa mo paa hɛ mi kɛ hɛ mi. A nu momo kaa piani ɔ, o nyɛɛɔ wa hɛ mi ngɛ bɔku titima mi, nɛ nyɔ mi lɛɛ o nyɛɛɔ wa hɛ mi ngɛ la titima mi.

Ezekiel 20:22

Se i ha we nɛ e ba mi ja; ejakaa je ma amɛ nɛ na bɔ nɛ i kpaka ye ma a kɛ je Egipt ɔ, ye biɛ he guɛ ma gbo ngɛ a hɛ mi.

Ezekiel 20:14

Se i ha we nɛ e ba mi ja, ejakaa je ma amɛ nɛ na bɔ nɛ i kpaka ye ma a kɛ je Egipt ɔ, ye biɛ he guɛ ma gbo ngɛ a hɛ mi.

Kɔmɔ Yemi 3:22

kaa Yawɛ suɔmi se pui gblegbleegble; e naa mɔbɔ daa.

Yesaya 44:21

Yawɛ ke, “Israel, o hɛ ko je nɔ́ nɛ ɔ nɔ! Kai kaa ye tsɔlɔ ji mo. Imi lɛ i bɔ mo, konɛ o pee ye tsɔlɔ; lɔ ɔ he ɔ, ye hɛ be o nɔ jee gblegbleegble.

Nehemia 9:31

O kua we mɛ; o na mɛ mɔbɔ, nɛ o kpataa we a hɛ mi hulɔ. Ejakaa Mawu mɔbɔ nalɔ kɛ dloolɔ ji mo!

Mose II, 40:38

Ngɛ Israel ma a blɔ nyɛɛmi ɔ tsuo mi ɔ, Yawɛ jeɔ e he kpo tsɔɔ mɛ ngɛ kpe he bo tsu ɔ yi mi; piani ɔ, a naa lɛ kaa bɔku, nɛ nyɔ mi lɛɛ a naa lɛ kaa la nɛ ngɛ tsoe.

Samuel I, 12:22

Yawɛ be e ma nɛ e hla a he ngmɛɛe. Ke e pee ja pɛ kɛkɛ e biɛ kpetekpleenyɛ ɔ puɛ; ejakaa e sa e hɛ mi kaa e kɛ nyɛ maa pee lɛ nitsɛ e ma.

Mose II, 40:36

Ngɛ Israel bi ɔmɛ a blɔ nyɛɛmi ɔ tsuo mi ɔ, ke bɔku ɔ wo e he nɔ kɛ je kpe he bo tsu ɔ he pɛ kɛkɛ a pue blɔ.

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

La 136:16

Lɛ nɛ e hɛɛ e ma a kɛ gu nga kplanaa a nɔ; ejakaa e suɔmi ɔ ngɛ kɛ yaa neneene!

Ezekiel 20:17

“Se kɛ̃ ɔ, i na mɛ mɔbɔ; i kpataa we a hɛ mi pɛsɛpɛsɛ ngɛ nga a nɔ.