Nehemia 9:15 - BAIBLO ALOO NGMAMI KLƆUKLƆU Ɔ

¹⁵ “Benɛ hwɔ ye mɛ ɔ, o ha mɛ niye ní kɛ je hiɔwe, nɛ benɛ kuma ye mɛ ɔ, o ha mɛ nyu kɛ je tɛ sa mi. O de mɛ ke zugba a nɛ o wo si ke o ma ha mɛ ɔ, a ya ngɔ nɛ a hi nɔ.

Nehemia 9:15 ပူးပေါင်းရင်းမြစ်များ

Mose I, 14:22

Abram he nɔ ke, “I na Mawu Hiɔwe No ɔ, nɔ nɛ pee hiɔwe kɛ zugba a,

Nehemia 9:20

O ha nɛ o mumi kpakpa a tsɔɔ mɛ ní, nɛ o ha mɛ a nya mi ngma, kɛ nyu nɛ a nu.

La 114:8

lɛ nɛ haa tɛ sa plɛɔ peeɔ taku kɛ e mi nyu buɛii, nɛ nyu paa si kɛ jeɔ tslɛbo mi.

Mose II, 16:4

Kɛkɛ nɛ Yawɛ de Mose ke, “Hyɛ, ma ha abolo maa nɛ kɛ je hiɔwe pue si ha nyɛ. Daa ligbi ɔ, ma a maa ya nɛ a ya bua nɔ́ nɛ maa su mɛ ligbi kake yemi nya, nɛ ma kɛ ka mɛ ma hyɛ kaa a maa ye ye mlaa amɛ a nɔ lo.

Mose II, 17:3

Se kuma ngɛ ma a yee, nɛ a tu munyu huitihuiti kɛ si Mose, nɛ a de ke, “Mɛni he je o je wɔ kɛ je Egipt nɛ o ma ha nɛ kuma ba gbe wɔ, wa bimɛ, kɛ wa lohwehi tsuo nɛ ɔ?”

Mose II, 17:6

O nɛ, ma da o hɛ mi ngɛ tɛ sa a nɔ ngɛ Sinai yo ɔ nɔ. Ngɔɔ tso ɔ kɛ fia tɛ sa a, nɛ nyu maa je mi kɛ ba ha ma a nɛ a nu.” Nɛ Mose pee ja ngɛ Israel ma nimeli ɔmɛ a hɛ mi.

Mose II, 6:8

Ma ngɔ nyɛ kɛ ya zugba nɛ i wo si kaa i kɛ ma ha Abraham, Isak, kɛ Yakob ɔ nɔ; ma ngɔ kɛ ha nyɛ, nɛ e maa pee nyɛ nitsɛmɛ nyɛ nɔ. Imi Yawɛ nɛ i de.’ ”

Yesaya 48:21

Benɛ Yawɛ kɛ e ma a nyɛɛ nga kplanaa a nɔ ɔ, kuma yi mɛ; ejakaa e ha nyu je tɛ sa mi ha mɛ; tɛ sa a mi gba, kɛkɛ nɛ nyu je mi kaa pa.

Yeremia 32:23

Se benɛ a ba su zugba a nɔ nɛ a ngɔ kɛ pee a weto ní ɔ, a bui mo tue; o mlaa amɛ hu a yi nɔ fɛɛ. Níhi nɛ o fa mɛ ke a pee ɔ, a pee we ekoeko fɛɛ. Enɛ ɔ he je nɛ o kɛ haomi nɛ ɔmɛ tsuo ba a nɔ ɔ nɛ.

Ezekiel 20:15

Jehanɛ hu, i ka mɛ kita ngɛ nga a nɔ ke zugba kpakpa nɛ baa ní saminya, nɛ e ngɛ fɛu pe kulaa nɛ i ngɔ ha mɛ ɔ, i kɛ mɛ be lejɛ ɔ yae hu,

Mose IV, 14:30

a ti nɔ kake be zugba a nɛ i ka kita ke i kɛ ma ha nyɛ nɛ nyɛɛ hi nɔ ɔ nae, ja Yefune bi Kaleb, kɛ Nun bi Yoshua pɛ.

Mose V, 1:8

Zugba nɛ ɔ tsuo nɛ imi Yawɛ, i wo nyɛ nɛmɛ Abraham, Isak, kɛ Yakob si ke ma ngɔ ha mɛ, kɛ a nina a nɛ. Nyɛɛ ya nɛ nyɛ ya ngɔ zugba a tsuo kulaa.”

Mose V, 8:3

E ha hwɔ ye nyɛ, nɛ e ha nyɛ abolo nɛ je hiɔwe nɛ nyɛ nɛmɛ nɛ hyɛ ɔ nɛ nyɛ ye. E pee enɛ ɔ, konɛ nyɛ na nɛ nyɛɛ le kaa pi abolo pɛ nɛ haa nɔmlɔ yi naa wami, se mohu munyu tsuaa munyu nɛ jeɔ Yawɛ nya mi ɔ nɛ haa nɔ yi naa wami.