Nehemia 9:13 - BAIBLO ALOO NGMAMI KLƆUKLƆU Ɔ

¹³ O kple si kɛ je hiɔwe kɛ ba Sinai yo ɔ nɔ, nɛ o kɛ o ma a ba tu munyu; o ha mɛ mlaa kpakpahi, kɛ ní tsɔɔmi nɛ hi kɛ pi si.

Nehemia 9:13 ပူးပေါင်းရင်းမြစ်များ

Matsɛmɛ II, 17:37

Mlaa slɔɔtohi nɛ i ngma ha nyɛ ɔ, nyɛɛ ye a nɔ daa. Nyɛ ko ja mawu kpahi;

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

La 119:137

Yawɛ, dalɔ ji mo, nɛ o mlaa amɛ hu da pɛpɛɛpɛ!

La 119:160

O munyu ɔ tsuo, anɔkuale sisiisi; o mlaa amɛ da, nɛ eko tsuaa eko maa si kpɛii kɛ yaa neneene.

La 119:4

Yawɛ, o wo o mlaa amɛ, konɛ a ye nɔ sisiisi.

Mose II, 16:23

Mose de mɛ ke, “Bɔ nɛ Yawɛ de ji nɛ ɔ nɛ: ‘Hwɔɔ ji he jɔɔmi ligbi, Yawɛ Hejɔɔmi ligbi klɔuklɔu. Nyɛɛ sã nɔ́ tsuaa nɔ́ nɛ nyɛ ngɛ sami, nɛ nyɛɛ hoo nɔ́ tsuaa nɔ́ nɛ nyɛ ngɛ hoomi, nɛ nɔ́ nɛ maa piɛ ngɛ se ɔ, nyɛ ngɔ to si kɛ yaa si mɔtu.’ ”

Mose II, 19:11

nɛ benɛ e maa su ligbi nɛ ji etɛ ɔ, a dla a he; ejakaa hiɛmɛ nɛ ɔ ligbi nɛ ji etɛ ɔ, imi Yawɛ, ma kple si kɛ ba Sinai yo ɔ nɔ, nɛ nɔ tsuaa nɔ maa na mi.

Mose II, 20:1

Mawu tu munyu, nɛ e de ke,

Mose II, 20:22

Yawɛ fa Mose ke e ya de Israel bi ɔmɛ ke, “Nyɛ nitsɛmɛ nyɛ na kaa hiɔwe nɛ i kɛ nyɛ tu munyu kɛ je ɔ nɛ.

Yesaya 64:1

I ná nɛ hiɔwe mi gba enyɔ nɛ o kple si kɛ ba!

Yesaya 64:3

Blema, benɛ o pee nyakpɛ níhi nɛ wa hyɛ we blɔ ɔ, o kple si kɛ ba; yo ɔmɛ mimiɛ ngɛ o hɛ mi!

Habakuk 3:3

Mawu je Edom kɛ ma ekohu; Mawu Klɔuklɔu ɔ ngɛ si kplee ngɛ Paran yo ɔmɛ a nɔ kɛ ma. E hɛ mi nyami ɔ ha hiɔwe ɔ tsuo; nɛ a ngɛ e yi jee ngɛ je ɔ mi he tsuaa he.

Romabi 7:16

Ke nɔ́ nɛ i sume ɔ nɔuu mohu i peeɔ ɔ, lɛɛ e tsɔɔ kaa imi hu i kplɛɛ kaa mlaa a hi.

Mose V, 33:2

Yawɛ kple si kɛ je Sinai yo ɔ nɔ kaa pu nɛ gba ngɛ Edom yo ɔ nɔ, nɛ e tso ha e ma a kɛ je Paran yo ɔ he. Mawu bɔfohi akpe nyɔngma piɛ e he; a ngɛ kaa la nɛ ngɛ tsoe plamplam ngɛ e hiɔ nɔ.

Mose V, 4:33

Anɛ ma ko nu mawu ko gbi hyɛ nɛ e kɛ mɛ tu munyu kɛ je la mi nɛ a gbo we, se a ngɛ hɛ ngmengmle kaa bɔ nɛ nyɛ ngɛ nɛ ɔ lo?

Mose V, 4:36

E ha nyɛ nu e gbi kɛ je hiɔwe, konɛ e kɛ tsɔse nyɛ; nyɛ na e la klɔuklɔu ɔ ngɛ zugba a nɔ, nɛ e kɛ nyɛ tu munyu kɛ je mi.

Mose V, 4:8

Jehanɛ hu, ma kpetekpleenyɛ te nɛ ngɛ nɛ e mlaahi da kaa ní nɛmɛ tsuo nɛ i ngɛ nyɛ tsɔɔe mwɔnɛ nɛ ɔ?

Mose V, 5:4

Yawɛ kɛ nyɛ tu munyu hɛ mi kɛ hɛ mi kɛ je la mi, ngɛ yo ɔ nɔ.