Nehemia 9:11 - BAIBLO ALOO NGMAMI KLƆUKLƆU Ɔ

¹¹ O je blɔ kɛ gu wo ɔ mi kɛ ha o ma a, nɛ o kpaka mɛ kɛ nyɛɛ wo ɔ mi ngɛ zugba gbigbli nɔ. Nihi nɛ nyɛɛ a se ɔ gbo tlɔ nyu nɛ mi kuɔ ɔ sisi, kaa bɔ nɛ tɛ muɔ kɛ yaa wo nɛ gli sisi ɔ.

Nehemia 9:11 ပူးပေါင်းရင်းမြစ်များ

La 66:6

E ha wo ɔ plɛ pee zugba gbigbli; nɛ nimli adesahi kɛ a nane po wo ɔ. Wa nyá ngɛ lejɛ ɔ ngɛ nɔ́ nɛ o pee ha wɔ ɔ he.

La 78:13

E gba wo ɔ mi, nɛ nyu ɔ da si glekugleku ngɛ hiɔ nɔ kɛ muɔ nɔ; nɛ e ha nɛ e ma a gu mi kɛ be.

Mose II, 14:14

Yawɛ maa hwu ha nyɛ; nyɛɛ lɛɛ nyɛɛ buɛ dii!”

Mose II, 14:25

Yawɛ ha nɛ Egipt bi ɔmɛ a ta zugba lɛ ɔmɛ a nanehi pu zu, nɛ a nyɛɛmi pee dengme. Egipt bi ɔmɛ a nya hé gbi nɛ a de ke, “Nyɛ ha waa tu fo ngɛ Israel bi ɔmɛ a nya; ejakaa Yawɛ piɛ a he nɛ e kɛ wɔ Egipt bi ɔmɛ ngɛ fiae.”

Mose II, 14:29

Se Israel bi ɔmɛ lɛɛ a nyɛɛ zugba gbigbli nɔ kɛ po wo ɔ, nɛ nyu ɔ wlua kaa gbogbo ngɛ a hiɔ nɔ kɛ a muɔ nɔ.

Yeremia 32:20

Blema lokoo ɔ, o pee okadihi, kɛ nyakpɛ níhi ngɛ Egipt zugba a nɔ. Kɛ ba si mwɔnɛ ligbi nɛ ɔ, o ngɛ jamɛ a nyakpɛ ní ɔmɛ, kɛ okadi ɔmɛ pee kɛ mwɔɔ, nɛ o kɛ he biɛ.

1 Korintobi 10:1

Ye nyɛmimɛ, i suɔ kaa ma kai nyɛ nɔ́ nɛ ba wa nɛmɛ ɔmɛ nɛ nyɛɛ Mose se ɔ a nɔ. Mɛ tsuo a hi bɔku ɔ sisi, nɛ mɛ tsuo a po Wo Tsu ɔ.

Hebribi 11:29

Hemi kɛ yemi lɛ ha Israel ma a po Wo Tsu ɔ kaa nɔ́ nɛ zugba gbigbli nɔ nɛ a ngɛ nyɛɛe. Se benɛ Egipt bi ɔmɛ ka kaa mɛ hu a maa pee ja a, a tlɔ wo ɔ mi, nɛ a gbo.

Kpojemi 18:21

Jehanɛ ɔ, bɔfo kpetekpleenyɛ ko wo tɛ nɛ ngɛ kaa wɛ nguaa ko, nɛ e hɛ ngɔ fɔ wo mi, nɛ e de ke, “Kikɛ nɛ ɔ a maa hɛ Babilon ma kpetekpleenyɛ ɔ ngɔ fɔ he, nɛ a be lɛ nae hu gblegbleegble.