Nehemia 9:10 - BAIBLO ALOO NGMAMI KLƆUKLƆU Ɔ

¹⁰ O pee okadihi, kɛ nyakpɛ níhi ngɛ Farao ɔ, kɛ e ma ní tsuli ɔmɛ, kɛ e ma a tsuo a hɛ mi, ejakaa o le bɔ nɛ a wa o ma a yi mi. O he biɛ kɛ je jamɛ a be ɔ mi tɔɔ kɛ ba su mwɔnɛ ɔ.

Nehemia 9:10 ပူးပေါင်းရင်းမြစ်များ

Nehemia 9:16

Se wa nɛmɛ ɔmɛ ba wo a he nɔ nɛ a wa tue, nɛ a yi o mlaa amɛ a nɔ.

Nehemia 9:29

O wo mɛ ga ke a ye o mlaa amɛ a nɔ, se a ya wo a he nɔ mohu, nɛ a yi mlaa amɛ a nɔ. A ye o mlaa amɛ a nɔ jinɛ a yi ko na wami. Se akɛnɛ a kuɛ wa, nɛ a bui nɔ́ ko nɔ́ ko he je ɔ, a kua mlaa amɛ a nɔ yemi.

La 83:18

konɛ a le kaa mo Yawɛ, mo nɔ kake too lɛ o ngɛ he wami pe nɔ tsuaa nɔ ngɛ je ɔ mi tsuo.

Mose II, 18:11

Kpaako loko i ná le paa kaa Yawɛ kle pe mawu ɔmɛ kulaa; ejakaa e he ma a yi wami kɛ je Egipt bi ɔmɛ a dɛ mi, benɛ a ngɛ mɛ nisɛ ní pee ɔ.”

Mose II, 3:20

Lɔ ɔ he ɔ, ma ngɔ ye nyakpɛ níhi tsuo nɛ ma pee ngɛ a kpɛti ɔ kɛ fia mɛ ní kɛ tsɔɔ mɛ ye nine si wami. Enɛ ɔ se ɔ, e maa ngmɛɛ nyɛ he.

Mose II, 5:2

Se Farao ɔ bi mɛ ke, “Mɛnɔ ji jamɛ a Yawɛ ɔ? Mɛni he je nɛ e sa kaa ma bu e gbi tue nɛ ma ha Israel nɛ ho ɔ? I li Yawɛ nɛ ɔ, nɛ pohu i be hae nɛ a ya.”

Mose II, 7:1

Yawɛ de Mose ke, “O nɛ, i pee mo kaa Mawu ha Farao ɔ, nɛ o nyɛmi Aaron maa pee o gbalɔ.

Mose II, 9:16

Se i ha nɛ o ngɛ je mi, bɔ nɛ pee nɛ ma je ye he wami kpo ngɔ tsɔɔ mo, konɛ a wo ye biɛ ta ngɛ je ɔ mi tsuo.

Yesaya 42:20

Israel, o naa níhi babauu, se o kɔ se lo? O ngɛ tue hu nɛ o kɛ nuɔ nɔ́, se mɛni tutuutu o nu?”

Yesaya 63:12

Nɔ nɛ ngɔ he wami kpetekpleenyɛ kɛ wo Mose mi kɛ tsu ní nguanguahi, nɔ nɛ gba wo ɔ mi ha mɛ, nɛ a nyɛɛ muɔ voovoo ɔmɛ a mi kɛ po wo ɔ nɛ e kɛ na biɛ nɛ maa hi si kɛ maa ya neneene ɔ, jije e ngɛ?” Yawɛ nitsɛ lɛ kpaka mɛ kɛ gu muɔ voovoo ɔmɛ a mi slɔkee kaa bɔ nɛ ke okpɔngɔ ngɛ fo tue ngɛ nga kplanaa nɔ nɛ́ e tɛ we si ɔ.

Yesaya 63:14

Yawɛ ha e ma a he jɔmi. Bɔ nɛ ke a kpaka na kɛ ya kɔ̃ mi nɛ e naa niye ní kpakpa nɛ e yeɔ ɔ, jã Yawɛ kpaka e ma a saminya, nɛ e kɛ na biɛ kpakpa kɛ hɛ mi nyami.

Yeremia 32:20

Blema lokoo ɔ, o pee okadihi, kɛ nyakpɛ níhi ngɛ Egipt zugba a nɔ. Kɛ ba si mwɔnɛ ligbi nɛ ɔ, o ngɛ jamɛ a nyakpɛ ní ɔmɛ, kɛ okadi ɔmɛ pee kɛ mwɔɔ, nɛ o kɛ he biɛ.

Ezekiel 20:9

Se i ha we nɛ e ba mi ja; ejakaa lɔ ɔ ko gbe ye biɛ he guɛ ngɛ je ma amɛ a hɛ mi. Ye ma a ngɛ je ma amɛ a kpɛti, nɛ mɛ tsuo a hɛ mi nɛ i de ngɛ ke ma je Israel bi ɔmɛ kɛ je Egipt zugba a nɔ ɔ nɛ.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Daniel 9:15

“Nyɔmtsɛ, wa Mawu, mo lɛ o kɛ kɔni si wami je o ma a kɛ je Egipt nɛ o he biɛ nɛ ngɛ kɛ ba su mwɔnɛ ɔ. Wa pee yayami; wa tɔ.

Ni Tsumi 7:36

Lɛ nɛ e nyɛɛ a hɛ mi kɛ je Egipt, nɛ e pee nyakpɛ níhi, kɛ okadihi ngɛ lejɛ ɔ, kɛ Wo Tsu ɔ mi, kɛ nga a nɔ jeha nyingmi eywiɛ.

Romabi 9:17

Ejakaa ngmami ɔ deɔ ke Mawu de Egipt matsɛ ɔ ke, “I wo mo tsɛ, bɔ nɛ pee nɛ ma je ye he wami kpo ngɔ tsɔɔ mo, konɛ o wo ye biɛ ta ngɛ je ɔ mi tsuo.”

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Mose V, 7:19

Nyɛ kai gbenɔ hiɔhi nɛ a nya wa nɛ nyɛ na kɛ nyɛ hɛngmɛ ɔ. Nyɛ kai okadihi, kɛ nyakpɛ níhi nɛ Yawɛ, nyɛ Mawu ɔ kɛ kɔni si wami pee kɛ kpɔ̃ nyɛ ɔ. Bɔ nɛ Yawɛ kpata Egipt bi ɔmɛ a hɛ mi ɔ, jã kɛ̃ e maa pee je ma amɛ tsuo nɛ nyɛ ngɛ mɛ gbeye yee ɔ.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”