Nehemia 8:9 - BAIBLO ALOO NGMAMI KLƆUKLƆU Ɔ

⁹ Benɛ ma a tsuo nu mlaa a mi munyu ɔmɛ ɔ, a wo yana. Se Nehemia, amlaalo ɔ, kɛ osɔfo Ezra, mlaa tsɔɔlɔ ɔ, kɛ Levi bi ɔmɛ nɛ ngɛ mlaa a sisi tsɔɔe ɔ de ma a tsuo ke, “Mwɔnɛ ligbi nɛ ɔ ji ligbi klɔuklɔu ha Yawɛ, nyɛ Mawu ɔ. Lɔ ɔ he ɔ, nyɛ ko ye kɔmɔ, nɛ nyɛ ko wo yana.

Nehemia 8:9 ပူးပေါင်းရင်းမြစ်များ

Matsɛmɛ II, 22:11

Benɛ Matsɛ Yosia nu mlaa womi ɔ mi munyuhi nɛ a ngɛ kanee ɔ, e kɛ aywilɛho hía e tade ɔmɛ,

Matsɛmɛ II, 22:19

nɛ o pia o he, nɛ o ba o he si ha mi. Benɛ o nu bɔ nɛ i to nɛ ma gbla Yerusalem, kɛ ma mi bi ɔmɛ a tue, kɛ bɔ nɛ i to nɛ ma pee ma a ma doku, nɛ a ma tsɛ ma a biɛ kɛ gbiɛ nɔ ɔ, o kɛ aywilɛho hía o tade ɔmɛ, nɛ o fo ya. Kue nɛ o fa ha mi ɔ, i nu.

Kronika II, 15:3

Be saii ji nɛ ɔ nɛ Israel ma a ngɛ kɛkɛ, nɛ a ja we anɔkuale Mawu ɔ; osɔfohi be nɛ maa tsɔɔ mɛ ní ɔ, mlaa ko hu be.

Kronika II, 30:22

Hezekia je Levi bi ɔmɛ a yi wawɛɛ nitsɛ, ejakaa a je a he kpo kaa nihi nɛ le Yawɛ sɔmɔmi ní tsumi ɔ saminya. Ma a ye Abolokplolo nyami be ɔ ligbi kpaago sɔuu; a sã tue mi jɔmi bɔhi, nɛ a na Yawɛ, a nɛmɛ a Mawu ɔ si. Ligbi kpaago ɔmɛ a se ɔ,

Kronika II, 34:19

Benɛ matsɛ ɔ nu mlaa womi ɔ mi munyu ɔmɛ nɛ a ngɛ kanee ɔ, e hía e tade ɔmɛ ngɛ e he,

Kronika II, 34:21

“Nyɛɛ ya nɛ nyɛ ya bi Yawɛ ga womi ha imi, kɛ nihi tsuo nɛ piɛ ngɛ Israel, kɛ Yuda a. Nyɛ ya bi lɛ womi nɛ a ya na nɛ ɔ mi munyu ɔmɛ a he sane. Yawɛ mi mi fu wɔ wawɛɛ nitsɛ, ejakaa wa nɛmɛ ɔmɛ yi Yawɛ mlaa a nɔ; níhi nɛ a ngma ngɛ womi nɛ ɔ mi ke a pee ɔ, a pee we fɛɛ.”

Kronika II, 35:3

Levi bi ɔmɛ nɛ a pee a he klɔuklɔu kɛ ha Yawɛ, nɛ mɛ lɛ a tsɔɔ Israel ma a ní ɔ, Yosia de mɛ ke, “Nyɛ wo somi daka klɔuklɔu ɔ kɛ ya ma Yawɛ we ɔ nɛ Israel matsɛ, David bi Salomo po ɔ. Jehanɛ lɛɛ nyɛ be somi daka a hɛɛe kɛ ya kɛ ba hu; nyɛ ní tsumi ji nyɛ sɔmɔ Yawɛ, nyɛ Mawu ɔ, kɛ e ma Israel.

Ezra 2:63

Amlaalo nɛ yeɔ Yuda zugba a nɔ ɔ de nimli nɛ ɔmɛ ke a be he blɔ kaa a yeɔ niye ní nɛ a kɛ sã bɔ ha Mawu kɛ yaa su be nɛ a maa na osɔfo nɛ maa ngɔ Urim kɛ Tumim kɛ bi Mawu gbi ha mɛ.

Ezra 7:11

Womi nɛ Matsɛ Artaherhes ngɔ ha Ezra nɛ ji osɔfo, kɛ womi ngmalɔ nɛ le Yawɛ mlaa amɛ, kɛ blɔ nya tomi ɔmɛ fitsofitso kɛ ha Israel ma a ní tsɔɔmi ɔ mi munyu ji nɛ ɔ nɛ:

Nehemia 10:1

Kekleekle nɔ nɛ ngma e biɛ ji ɔ, Hakalia bi Nehemia, amlaaho ɔ. Nɔ nɛ nyɛɛ e se ji Zedekia. Seraya, Azaria, Yeremia, Pashur, Amaria, Malkiya, Hatush, Shebania, Haluk, Harim, Meremot, Obadia, Daniel, Gineton, Baruk, Meshulam, Abiya, Miyamin, Maazia, Bilgai, kɛ Shemaya. Azania bi Yeshua, Hanadad weku ɔ mi no Binui, Kadmiel, Shebania, Hodia, Kelita, Pelaya, Hanan, Mika, Rehob, Hashabia, Zakur, Sherebia, Shebania, Hodia, Bani, kɛ Beninu.

Nehemia 12:26

Nihi nɛ a wo a ta nɛ ɔ hi si ngɛ Yeshua bi Yoyakim, Yehozadak bibi ɔ yi nɔ. Jamɛ a be ɔ kɛ̃ nɛ Nehemia ye amlaalo, nɛ osɔfo Ezra hu ji mlaa tsɔɔlɔ ɔ nɛ.

Nehemia 7:65

Yuda nɔ yelɔ ɔ de mɛ ke a be he blɔ kaa a yeɔ niye ní nɛ a kɛ sã bɔ ha Mawu kɛ yaa su be nɛ a ma na osɔfo nɛ maa ngɔ Urim kɛ Tumim kɛ bi Mawu gbi ha mɛ.

Nehemia 7:70

Nihi babauu ba ke ní, konɛ a kɛ ma sɔlemi we ɔ ekohu. Amlaalo ɔ ha sika tsu kilo kpaanyɔ, kahi 50, kɛ osɔfo tade 530; weku ɔmɛ a nya dali nikɔtɔma amɛ ha sika tsu kilo 168, kɛ sika hiɔ kilo 1,250; níhi nɛ ma a mi bi ɔmɛ nɛ piɛ ɔ ha ji sika tsu kilo 168, sika hiɔ kilo 140, kɛ osɔfo tade 67.

Nehemia 8:2

Kɛkɛ nɛ Ezra ya ngɔ mlaa womi ɔ kɛ ba he nɛ ma a kpe ngɛ ɔ. Nihi babauu nitsɛ nɛ ba kpe: nyumuhi, yihi, kɛ jokuɛwi nɛ hɛ mi fa bɔ nɛ a maa nu nɔ́ sisi.

Fiɛlɔ 3:4

Ya fomi be ngɛ, nɛ muɔmi be ngɛ. Kɔmɔ yemi be ngɛ, nɛ domi be ngɛ.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

Malaki 2:13

Nɔ́ kake hu nɛ nyɛ peeɔ ji kaa nyɛ nyaa awe, nyɛ woɔ yana, nɛ nyɛ foɔ vo nyu kɛ pueɔ Yawɛ bɔ sami la tɛ ɔ nɔ; ejakaa nike ní nɛ nyɛ kɛ baa Yawɛ hɛ mi ɔ, e he we hu.

Romabi 3:20

Ejakaa ke nɔ ko ye mlaa a nɔ ɔ, lɔ ɔ tsɔɔ we kaa Mawu buu lɛ nɔ nɛ da; nɔ́ nɛ mlaa a tsuɔ ji kaa e haa nɔ leɔ kaa e pee yayami.

Romabi 7:9

Imi nitsɛ hu, i hi si hyɛ nɛ i li mlaa; se benɛ mlaa a ba a, e tle yayami si wawɛɛ ngɛ ye mi, nɛ e ba pee gbenɔ ha mi.

Mose V, 12:12

Nyɛɛ kɛ nyɛ bimɛ ɔmɛ, nyɛ tsɔli nyumu ɔmɛ, nyɛ mawayi ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ tsuo nyɛ nya ngɛ Yawɛ, nyɛ Mawu ɔ hɛ mi; nyɛ kai kaa Levi bi ɔmɛ lɛɛ a be zugba ko nae kaa mɛ nitsɛmɛ a nɔ́.

Mose V, 12:7

Nyɛɛ kɛ nyɛ we ɔmɛ tsuo maa ye ní ngɛ lejɛ ɔ, nɛ nyɛ bua maa jɔ niba ní kpakpahi nɛ Yawɛ, nyɛ Mawu ɔ kɛ gbaa nyɛ dengme gbomi nɔ ha nyɛ ɔ a he.

Mose V, 16:11

Nyɛɛ kɛ nyɛ bimɛ ɔmɛ, nyɛ mawa amɛ, Levi bi ɔmɛ, kɛ yalɔyi ɔmɛ nɛ ngɛ nyɛ ma amɛ a mi ɔ nyɛ bua nɛ jɔ, nɛ nyɛ nya ngɛ Yawɛ, nyɛ Mawu ɔ hɛ mi. Nyɛɛ pee enɛ ɔ ngɛ he kake nɛ Yawɛ, nyɛ Mawu ɔ to nɛ a ja lɛ ngɛ ɔ.

Mose V, 26:14

Benɛ i ngɛ kɔmɔ yee ɔ, i yi mi dlami nyɔngma mi kake ɔ eko; benɛ ye he tsɔ we ɔ, i ngɔɛ eko kɛ ji ye we ɔ mi; jehanɛ hu, i kɛ eko sɛ̃ bɔ ha gbogboe ko. Niinɛ, Yawɛ, ye Mawu, i bu mo tue. Mlaahi tsuo nɛ o wo mi nɛ kɔɔ mi dlami nyɔngma mi kake ɔ he ɔ, i ye nɔ.

Yakobo 4:9

Nyɛɛ ye kɔmɔ; nyɛɛ wo yana, nɛ nyɛ nya awe. Nyɛ kpa muɔmi, nɛ nyɛɛ wo yana. Nyɛ kpa nyami, nɛ nyɛɛ nu sawale!