Nehemia 8:8 - BAIBLO ALOO NGMAMI KLƆUKLƆU Ɔ

⁸ A je blɔ kane Mawu mlaa a, nɛ a tsɔɔ sisi fitsofitso, bɔ nɛ pee nɛ ma a tsuo nɛ nu sisi.

Nehemia 8:8 ပူးပေါင်းရင်းမြစ်များ

Matsɛmɛ II, 23:2

nɛ a kɛ mɛ, kɛ osɔfo ɔmɛ, kɛ ma a tsuo, nimli wawihi kɛ nimli nguahi ho Yawɛ we ɔ ya. Matsɛ ɔ ya kane mlaa womi ɔ nɛ a na a ngɛ lejɛ ɔ.

Ezra 4:18

Womi nɛ nyɛ ngma a, a kane ha mi, nɛ i nu sisi saminya.

Nehemia 8:12

Kɛkɛ nɛ ma a tsuo ho a we ɔmɛ a mi ya. A ya ngmɛ okplɔɔ nɛ a kɛ a sibi ye ní kɛ bua jɔmi, ejakaa a nu nɔ́ nɛ a kane ha mɛ ɔ sisi saminya.

Nehemia 8:7

Jehanɛ, a te da si ngɛ he nɛ a ngɛ ɔ, nɛ Levi bi nɛ ɔmɛ tsɔɔ mɛ mlaa a sisi fitsofitso. Mɛ ji Yeshua, Bani, Sherebia, Yamin, Akub, Shabetai, Hodia, Maaseya, Kelita, Azaria, Yozabad, Hanan, kɛ Peleya.

Nehemia 8:9

Benɛ ma a tsuo nu mlaa a mi munyu ɔmɛ ɔ, a wo yana. Se Nehemia, amlaalo ɔ, kɛ osɔfo Ezra, mlaa tsɔɔlɔ ɔ, kɛ Levi bi ɔmɛ nɛ ngɛ mlaa a sisi tsɔɔe ɔ de ma a tsuo ke, “Mwɔnɛ ligbi nɛ ɔ ji ligbi klɔuklɔu ha Yawɛ, nyɛ Mawu ɔ. Lɔ ɔ he ɔ, nyɛ ko ye kɔmɔ, nɛ nyɛ ko wo yana.

Nehemia 9:3

A kane Yawɛ, a Mawu ɔ mlaa a ngmlɛfia etɛ, nɛ ngmlɛfia etɛ nɛ tsa nɔ ɔ, a jaje a he yayami ɔmɛ, nɛ a ja Yawɛ, a Mawu ɔ.

Ezekiel 46:10

Ke ma a ma ja Yawɛ ɔ, ganɔ ɔ kɛ mɛ nɛ ba; ke a maa kpale kɛ ya a, e kɛ mɛ nɛ ho.

Habakuk 2:2

Heto nɛ Yawɛ ha mi ji nɛ ɔ nɛ: “Ngmaa nina nɛ ma je ngɔ tsɔɔ mo nɛ ɔ saminya ngɛ tɛ tɛtlɛɛhi a nɔ, konɛ ke nɔ ko hɛngmɛ gba nɔ ɔ, e kanemi ko wa ha lɛ.

Luka 24:27

Jehanɛ ɔ, Yesu tsɔɔ mɛ níhi tsuo nɛ ngmami ɔmɛ de ngɛ lɛ nitsɛ e he ɔ a sisi; e je sisi kɛ je Mose womi ɔmɛ, kɛ gbali ɔmɛ tsuo a ni ɔmɛ a nɔ.

Luka 24:32

A de a he ke, “Benɛ wa ngɛ blɔ ɔ nɔ kɛ ma nɛ e ngɛ wɔ ngmami ɔmɛ a sisi tsɔɔe ɔ, hyɛ bɔ nɛ wa nɔ gbagba te ha!”

Luka 24:45

Jehanɛ ɔ, e bli a juɛmi nya, konɛ a nu ngmami ɔmɛ a sisi.

Ni Tsumi 28:23

Lɔ ɔ he ɔ, a to Paulo be kpa; nɛ jamɛ a ligbi ɔ, nihi babauu ba e ngɔ ngɛ he nɛ e ba to ɔ. E gbá níhi a mi tsɔɔ mɛ kɛ je mɔtu kɛ ya si gbɔkuɛ. E tsɔɔ mɛ sɛ gbi nɛ kɔɔ Mawu matsɛ yemi ɔ he ɔ, nɛ e kɛ níhi nɛ a ngma ngɛ Mose mlaa, kɛ gbali ɔmɛ a womi ɔmɛ a mi ɔ fi e munyu ɔ se, konɛ a na anɔkuale ɔ nɛ kɔɔ Yesu he ɔ.