Nehemia 8:7 - BAIBLO ALOO NGMAMI KLƆUKLƆU Ɔ

⁷ Jehanɛ, a te da si ngɛ he nɛ a ngɛ ɔ, nɛ Levi bi nɛ ɔmɛ tsɔɔ mɛ mlaa a sisi fitsofitso. Mɛ ji Yeshua, Bani, Sherebia, Yamin, Akub, Shabetai, Hodia, Maaseya, Kelita, Azaria, Yozabad, Hanan, kɛ Peleya.

Nehemia 8:7 ပူးပေါင်းရင်းမြစ်များ

Matsɛmɛ I, 8:14

Israel ma kpekpemi ɔ tsuo daa si ngɛ lejɛ ɔ kɛ mwɔɔ. Kɛkɛ nɛ Matsɛ Salomo plɛ e hɛ mi ngɔ kpee mɛ nɛ e gbaa mɛ.

Kronika II, 30:22

Hezekia je Levi bi ɔmɛ a yi wawɛɛ nitsɛ, ejakaa a je a he kpo kaa nihi nɛ le Yawɛ sɔmɔmi ní tsumi ɔ saminya. Ma a ye Abolokplolo nyami be ɔ ligbi kpaago sɔuu; a sã tue mi jɔmi bɔhi, nɛ a na Yawɛ, a nɛmɛ a Mawu ɔ si. Ligbi kpaago ɔmɛ a se ɔ,

Kronika II, 35:3

Levi bi ɔmɛ nɛ a pee a he klɔuklɔu kɛ ha Yawɛ, nɛ mɛ lɛ a tsɔɔ Israel ma a ní ɔ, Yosia de mɛ ke, “Nyɛ wo somi daka klɔuklɔu ɔ kɛ ya ma Yawɛ we ɔ nɛ Israel matsɛ, David bi Salomo po ɔ. Jehanɛ lɛɛ nyɛ be somi daka a hɛɛe kɛ ya kɛ ba hu; nyɛ ní tsumi ji nyɛ sɔmɔ Yawɛ, nyɛ Mawu ɔ, kɛ e ma Israel.

Ezra 8:18

Mawu dloomi nya a, a ha wɔ Sherebia, nyumu ko nɛ hɛ mi ka si. E je Mahli we puɔ nya. E tsɛ ji Levi, nɛ e nɛ̃ biɛ ji Israel. E kɛ e binyumuhi, kɛ e nyɛminyumuhi nɛ piɛ e he kɛ ba a, a yibɔ ji nyɔngma kɛ kpaanyɔ.

Nehemia 11:16

Shabetai kɛ Yozabad ji Levi bi nɛ hyɛɛ Mawu we ɔ kpo nɔ je ní tsumi ɔ nɔ.

Nehemia 12:33

Osɔfo nɛ ɔmɛ ngɛ bɛhi kpae kɛ nyɛɛ a se: Azaria, Ezra, Meshulam, Yuda, Benyamin, Shemaya, kɛ Yeremia. Jehanɛ, Yonatan bi Zakaria, Shemaya bibi ɔ ba. E nɛmɛ ɔ ekomɛ ji Matania, Mikaya, kɛ Zakur nɛ je Asaf weku ɔ mi ɔ.

Nehemia 3:17

Levi bi nɛ fia gbogbo ɔ hehi babauu ji nɛ ɔmɛ nɛ. Bani binyumu Rehum fia fa ko nɛ tsa nɔ ɔ. Hashabia, Keila zugba a mi dlami fa nɔ yelɔ ɔ da e nɔ yemi he ɔ nane mi, nɛ e fia gbogbo ɔ eko kɛ tsa nɔ.

Nehemia 3:19

Yeshua binyumu Ezer, Mizpa zugba a nɔ yelɔ ɔ fia gbogbo ɔ fa nɛ ngɛ he nɛ a guu kɛ kuɔɔ kɛ yaa ta hwumi níhi a to he ɔ hanɔ ɔ; e fia gbogbo ɔ kɛ ya su kɔ̃ ɔ nya.

Nehemia 3:23

Benyamin kɛ Hashub fia e nɔ tsami ɔ nɛ ngɛ a we ɔmɛ a hanɔ ɔ. Jehanɛ Anania binyumu Maaseya bi Azaria fia gbogbo ɔ he nɛ ngɛ e we ɔ hɛ mi ɔ.

Nehemia 8:12

Kɛkɛ nɛ ma a tsuo ho a we ɔmɛ a mi ya. A ya ngmɛ okplɔɔ nɛ a kɛ a sibi ye ní kɛ bua jɔmi, ejakaa a nu nɔ́ nɛ a kane ha mɛ ɔ sisi saminya.

Nehemia 8:4

Mlaa tsɔɔlɔ Ezra ya da si ngɛ kpoku ko nɔ. Kpoku nɛ ɔ, a je blɔ nɛ a kɛ tso pee kɛ ha kpe ɔ peemi. Jamɛ a be ɔ mi ɔ, Matitia, Shema, Anaya, Uria, Hilkia, kɛ Maaseya hiɔ daa si ngɛ e hiɔ nɔ, nɛ Pedaya, Mishael, Malkiya, Hashum, Hashbadana, Zekaria kɛ Meshulam daa si ngɛ e muɔ nɔ.

Nehemia 8:6

Jehanɛ Ezra de ke, “Nyɛ je Yawɛ Mawu kpetekpleenyɛ ɔ yi!” Ma a tsuo wo a nine nɔ nɛ a he nɔ ke, “Amen! Amen”. Kɛkɛ nɛ a kpla si nɛ a kɛ a hɛ mi bu si nɛ a ja Yawɛ.

Nehemia 8:8

A je blɔ kane Mawu mlaa a, nɛ a tsɔɔ sisi fitsofitso, bɔ nɛ pee nɛ ma a tsuo nɛ nu sisi.

Nehemia 9:3

A kane Yawɛ, a Mawu ɔ mlaa a ngmlɛfia etɛ, nɛ ngmlɛfia etɛ nɛ tsa nɔ ɔ, a jaje a he yayami ɔmɛ, nɛ a ja Yawɛ, a Mawu ɔ.

Nehemia 9:4

A pee kpoku ko ha Levi bi ɔmɛ, nɛ lɔ ɔ nɔ nɛ Yeshua, Bani, Kadmiel, Shebania, Buni, Sherebia, Bani, kɛ Kenani da si ngɛ. A sɔle boboobo kɛ ha Yawɛ, a Mawu ɔ.

Mose III, 10:11

Nyɛɛ tsɔɔ Israel bi ɔmɛ mlaa amɛ tsuo kulaa nɛ́ imi Yawɛ, i wo mɛ kɛ gu Mose nɔ ɔ.”

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Mose V, 33:10

A maa tsɔɔ Israel bi ɔmɛ o mlaa a, konɛ a ye nɔ. A maa sã bɔ ɔmɛ ngɛ o bɔ sami la tɛ ɔ nɔ.