Nehemia 8:3 - BAIBLO ALOO NGMAMI KLƆUKLƆU Ɔ

³ Ezra kane mlaa a kɛ ha mɛ ngɛ ma kpe he ɔ, ngɛ Nyu Agbo ɔ nya kɛ je mɔtu ma kɛ ya si piani. Ma a tsuo bu tue saminya.

Nehemia 8:3 ပူးပေါင်းရင်းမြစ်များ

Kpojemi 3:22

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue.”

Kpojemi 2:29

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue!

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.

Ni Tsumi 28:23

Lɔ ɔ he ɔ, a to Paulo be kpa; nɛ jamɛ a ligbi ɔ, nihi babauu ba e ngɔ ngɛ he nɛ e ba to ɔ. E gbá níhi a mi tsɔɔ mɛ kɛ je mɔtu kɛ ya si gbɔkuɛ. E tsɔɔ mɛ sɛ gbi nɛ kɔɔ Mawu matsɛ yemi ɔ he ɔ, nɛ e kɛ níhi nɛ a ngma ngɛ Mose mlaa, kɛ gbali ɔmɛ a womi ɔmɛ a mi ɔ fi e munyu ɔ se, konɛ a na anɔkuale ɔ nɛ kɔɔ Yesu he ɔ.

Ni Tsumi 17:11

Beroya bi ɔmɛ a tue wɛ kaa Tesalonika bi ɔmɛ. Mɛɛ lɛɛ a he munyu ɔ ye kɛ a tsui tsuo, nɛ daa nɛ ɔ, a kpaa ngmami ɔmɛ a mi kaa níhi nɛ Paulo de a ngɛ mi ja lo.

Ni Tsumi 16:14

A ti nɔ kake ji Lidia. Yo nɛ ɔ je Tiatira ma a mi, nɛ e juaa bo tsu he jua wawɛ. Mawu jalɔ ji lɛ; nɛ Nyɔmtsɛ ɔ bli e juɛmi nya nɛ́ nɔ́ nɛ Paulo ngɛ dee ɔ, e bu tue saminya.

Ni Tsumi 15:21

Ejakaa kɛ je blema lokoo ɔ, daa Hejɔɔmi ligbi ɔ, a kaneɔ Mose mlaa a, nɛ a fiɛɔ e munyu ɔ ngɛ kpe he ɔ ngɛ ma tsuaa ma mi.”

Ni Tsumi 13:27

Se nihi nɛ ngɛ Yerusalem, kɛ ma nimeli ɔmɛ li Yesu, nɛ jehanɛ ɔ, gbali ɔmɛ a munyu ɔmɛ nɛ a kaneɔ daa Hejɔɔmi ligbi ɔ hu a nui sisi. Lɔ ɔ he ɔ, a bu lɛ fɔ; enɛ ɔ ha gbali ɔmɛ a munyu ɔ ba mi.

Ni Tsumi 13:15

Benɛ a kane Mose mlaa a, kɛ gbali ɔmɛ a womi ɔ se ɔ, kpe he ɔ nikɔtɔma amɛ tsɔ ba de Paulo kɛ Barnaba ke, “Nyɛmimɛ, ke nyɛ ngɛ munyu ko nɛ maa wo ni ɔmɛ he wami ɔ, nyɛɛ tu.”

Luka 19:48

Se a li blɔ nɔ nɛ a maa gu kɛ pee ja; ejakaa ma a tsuo ngɛ e munyu ɔ tue bue kɛ mwɔɔ, nɛ a sume kaa a ma si lɛ.

Luka 8:18

“Lɔ ɔ he ɔ, nyɛɛ bu tue saminya; ejakaa nɔ tsuaa nɔ nɛ nɔ́ ko ngɛ e dɛ ɔ, a ma ha lɛ fuu kɛ piɛ he. Se nɔ nɛ be nɔ́ ko ɔ, bɔɔ nɛ e susu kaa e ngɛ ɔ tete po a ma he ngɛ e dɛ.”

Marko 12:37

Ke David nitsɛ tsɛɔ lɛ Nyɔmtsɛ ɔ, lɛɛ kɛ peeɔ kɛɛ nɛ Kristo ɔ peeɔ David nina mɔ?” Nihi babauu ba bu Yesu tue kɛ bua jɔmi.

Ni Tsumi 20:11

Benɛ Paulo kpale e se kɛ ya mɔ ɔ nɔ ɔ, e ku abolo, nɛ e ye. Lɔ ɔ se ɔ, e kɛ ni ɔmɛ sɛɛ ní hluu kɛ ya si je mi tsɔ wɛsɛɛ; kɛkɛ nɛ e si mɛ.

Ni Tsumi 20:7

Otsi ɔ mi kekleekle ligbi ɔ, wa bua wa he nya, konɛ waa ye suɔmi niye ní ɔ. Paulo tu munyu tsɔɔ ni ɔmɛ, nɛ e tsa fiɛmi ɔ nɔ kɛ ya su nyɔ mi kɔ̃kɔ̃ɔ̃kɔ̃; ejakaa e nɔ jena nɔuu e maa je.

Nehemia 8:1

Nyɔhiɔ kpaago ɔ mi ɔ, Israel bi ɔmɛ ba he si ngɛ a ma amɛ a mi. Jamɛ a nyɔhiɔ ɔ kekleekle ligbi ɔ, ma a tsuo ba bua a he nya ngɛ Yerusalem, ngɛ ma kpe he ɔ, ngɛ Nyu Agbo ɔ nya. A de osɔfo Ezra, mlaa tsɔɔlɔ ɔ ke e ngɔ womi ɔ nɛ mlaa a nɛ Yawɛ ha Israel kɛ gu Mose nɔ ɔ ngɛ mi ɔ kɛ ba.

Nehemia 8:4

Mlaa tsɔɔlɔ Ezra ya da si ngɛ kpoku ko nɔ. Kpoku nɛ ɔ, a je blɔ nɛ a kɛ tso pee kɛ ha kpe ɔ peemi. Jamɛ a be ɔ mi ɔ, Matitia, Shema, Anaya, Uria, Hilkia, kɛ Maaseya hiɔ daa si ngɛ e hiɔ nɔ, nɛ Pedaya, Mishael, Malkiya, Hashum, Hashbadana, Zekaria kɛ Meshulam daa si ngɛ e muɔ nɔ.

Nehemia 8:5

Benɛ Ezra ya daa si ngɛ kpoku ɔ nɔ ɔ, e ya hiɔwe pe ma a tsuo nɛ pueɔ si ɔ. Kɛkɛ nɛ e bli womi ɔ nya, nɛ ma a tsuo te da si.

Mose V, 31:9

Mose ngma Mawu mlaa a ngɔ wo womi mi, nɛ e ngɔ ha osɔfo ɔmɛ nɛ ji Levi bi ɔmɛ nɛ hyɛɛ somi daka a nɔ ɔ, kɛ Israel ma nimeli ɔmɛ tsuo.

Yoshua 8:35

Yoshua kane Mose mlaa amɛ tsuo fitsofitso nɛ e si we ekoeko ha Israel ma kpekpemi ɔ; yihi, jokuɛwi kɛ nibwɔhi nɛ ngɛ a kpɛti tsuo piɛ he.

Nehemia 8:18

Kɛ je kekleekle ligbi ɔ nɔ kɛ ya si be nɛ a gbe nyami be ɔ nya a, a kaneɔ Mawu mlaa a fa ko daa ligbi. A ye Gbasisihimi nyami be nɛ ɔ ligbi kpaago, nɛ ligbi kpaanyɔne ɔ, a pee nyagbe kpe kaa bɔ nɛ mlaa a tsɔɔ ɔ.

Nehemia 10:29

wa piɛ wa ma nimeli ɔmɛ a he kɛ ngɛ kita kae ke gbiɛmi nɛ ba wa nɔ ke wa tɔ kita a. Wa ngɛ kita kae ke Mawu mlaa a nɛ e wo wɔ kɛ gu e tsɔlɔ Mose nɔ ɔ, wa maa ye nɔ. Wa ngɛ kita kae ke níhi tsuo kulaa nɛ Yawɛ, wa Mawu ɔ fa wɔ ke waa pee ɔ, wa maa pee. Wa ngɛ kita kae ekohu ke wa maa ye e mlaa amɛ, kɛ blɔ nya tomi ɔmɛ tsuo a nɔ.

Nehemia 13:1

Benɛ a ngɛ mlaa a kanee, nɛ ma a tsuo ngɛ tue bue ɔ, a na he nɛ a ngma ngɛ ke a ko ngmɛ Amon no, loo Moab no ko blɔ nɛ e ba futu Mawu ma a mi bi ɔmɛ kɔkɔɔkɔ ɔ.