Nehemia 8:2 - BAIBLO ALOO NGMAMI KLƆUKLƆU Ɔ

² Kɛkɛ nɛ Ezra ya ngɔ mlaa womi ɔ kɛ ba he nɛ ma a kpe ngɛ ɔ. Nihi babauu nitsɛ nɛ ba kpe: nyumuhi, yihi, kɛ jokuɛwi nɛ hɛ mi fa bɔ nɛ a maa nu nɔ́ sisi.

Nehemia 8:2 ပူးပေါင်းရင်းမြစ်များ

Nehemia 10:29

wa piɛ wa ma nimeli ɔmɛ a he kɛ ngɛ kita kae ke gbiɛmi nɛ ba wa nɔ ke wa tɔ kita a. Wa ngɛ kita kae ke Mawu mlaa a nɛ e wo wɔ kɛ gu e tsɔlɔ Mose nɔ ɔ, wa maa ye nɔ. Wa ngɛ kita kae ke níhi tsuo kulaa nɛ Yawɛ, wa Mawu ɔ fa wɔ ke waa pee ɔ, wa maa pee. Wa ngɛ kita kae ekohu ke wa maa ye e mlaa amɛ, kɛ blɔ nya tomi ɔmɛ tsuo a nɔ.

Nehemia 13:1

Benɛ a ngɛ mlaa a kanee, nɛ ma a tsuo ngɛ tue bue ɔ, a na he nɛ a ngma ngɛ ke a ko ngmɛ Amon no, loo Moab no ko blɔ nɛ e ba futu Mawu ma a mi bi ɔmɛ kɔkɔɔkɔ ɔ.

Nehemia 8:18

Kɛ je kekleekle ligbi ɔ nɔ kɛ ya si be nɛ a gbe nyami be ɔ nya a, a kaneɔ Mawu mlaa a fa ko daa ligbi. A ye Gbasisihimi nyami be nɛ ɔ ligbi kpaago, nɛ ligbi kpaanyɔne ɔ, a pee nyagbe kpe kaa bɔ nɛ mlaa a tsɔɔ ɔ.

Nehemia 8:9

Benɛ ma a tsuo nu mlaa a mi munyu ɔmɛ ɔ, a wo yana. Se Nehemia, amlaalo ɔ, kɛ osɔfo Ezra, mlaa tsɔɔlɔ ɔ, kɛ Levi bi ɔmɛ nɛ ngɛ mlaa a sisi tsɔɔe ɔ de ma a tsuo ke, “Mwɔnɛ ligbi nɛ ɔ ji ligbi klɔuklɔu ha Yawɛ, nyɛ Mawu ɔ. Lɔ ɔ he ɔ, nyɛ ko ye kɔmɔ, nɛ nyɛ ko wo yana.

Nehemia 9:1

Jamɛ a nyɔhiɔ ɔ ligbi nyingmi enyɔ kɛ eywiɛne ɔ nɔ ɔ, Israel bi ɔmɛ ba kpe konɛ a ha hwɔ, nɛ a pia a he ngɛ a yayami ɔmɛ a he. Jamɛ a be ɔ mi ɔ, Israel bi ɔmɛ tsɔ a he kɛ je nibwɔ ɔmɛ tsuo a he momo. Israel bi ɔmɛ bu kpekpe ya bo, nɛ a ngɔ bunyuku ngɔ pue a yi mi kɛ ye kɔmɔ. Jehanɛ, a da si nɛ a bɔni mɛ nitsɛmɛ, kɛ a nɛmɛ ɔmɛ a he yayamihi nɛ a pee ɔ jajemi.

Yesaya 28:9

A ngɛ munyu tue kɛ ngɛ mi sie ke, “Mɛnɔ ní jamɛatsɛ ɔ susu kaa e ngɛ tsɔɔe ɔ? E sɛ gbi ɔ, mɛnɔ ngɛ hlae? E sɛ gbi ɔ hi ha bimwɔwi nɛ kpaako a je nyɔ nya!

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Mose IV, 29:1

Nyɔhiɔ nɛ ji kpaago ɔ we kekleekle ligbi ɔ, nyɛ bua nyɛ he nya nɛ nyɛ ja Mawu; nyɛ ko tsu ní tsumi ko nɛ he wa. Jamɛ a ligbi ɔ, nyɛ kpa titimati ɔmɛ,

Ni Tsumi 15:21

Ejakaa kɛ je blema lokoo ɔ, daa Hejɔɔmi ligbi ɔ, a kaneɔ Mose mlaa a, nɛ a fiɛɔ e munyu ɔ ngɛ kpe he ɔ ngɛ ma tsuaa ma mi.”

Mose V, 17:18

Ke matsɛ ɔ ba hi sɛ ɔ nɔ ɔ, nɔ́ nɛ é pee mohu ji e ha nɛ a ngma Mawu mlaa amɛ, kɛ tsɔɔmi ɔmɛ kɛ je mlaa womi ɔ nitsɛ mi kɛ wo womi mi. Mlaa womi ɔ nitsɛ ɔ, Levi bi ɔmɛ nɛ ji osɔfo ɔmɛ a dɛ e hii.

Yoshua 8:35

Yoshua kane Mose mlaa amɛ tsuo fitsofitso nɛ e si we ekoeko ha Israel ma kpekpemi ɔ; yihi, jokuɛwi kɛ nibwɔhi nɛ ngɛ a kpɛti tsuo piɛ he.