Nehemia 8:12 - BAIBLO ALOO NGMAMI KLƆUKLƆU Ɔ

¹² Kɛkɛ nɛ ma a tsuo ho a we ɔmɛ a mi ya. A ya ngmɛ okplɔɔ nɛ a kɛ a sibi ye ní kɛ bua jɔmi, ejakaa a nu nɔ́ nɛ a kane ha mɛ ɔ sisi saminya.

Nehemia 8:12 ပူးပေါင်းရင်းမြစ်များ

Kronika I, 29:22

Jamɛ a ligbi ɔ, ma a bua jɔ a he wawɛɛ nitsɛ, ejakaa a ye ní, nɛ a nu ní ngɛ Yawɛ hɛ mi. Kɛkɛ nɛ a wo Salomo matsɛ si enyɔne. A pɔ lɛ nu ngɛ Yawɛ biɛ mi kaa ganɔ, nɛ a pɔ Zadok hu nu kaa osɔfo.

Nehemia 8:10

Mohu nyɛɛ ya nyɛ we ɔmɛ a mi, nɛ nyɛ ya ye ní kpakpa, nɛ nyɛɛ nu wai ngɔngɔɛ. Nyɛ nyɛmimɛ ɔmɛ nɛ a be eko ɔ, nyɛ ha mɛ eko. Mwɔnɛ ligbi nɛ ɔ ji ligbi klɔuklɔu ha Yawɛ nyɛ Mawu ɔ, lɔ ɔ he ɔ, nyɛ ko pee mɔbɔmɔbɔ. Bua jɔmi nɛ Yawɛ ngɛ nyɛ hae ɔ ma ha nɛ nyɛ ma na he wami.”

Nehemia 8:11

Levi bi ɔmɛ kpa ní ɔmɛ tsuo a nɔ kɛ wo mɛ bua, nɛ a de mɛ ke a ko pee a ní mɔbɔmɔbɔ ngɛ ligbi klɔuklɔu kaa kikɛ nɛ ɔ nɔ.

Nehemia 8:13

E nɔ jena a, we puɔ nyatsɛmɛ ɔmɛ, osɔfo ɔmɛ kɛ Levi bi ɔmɛ ba bua a he nya ngɛ Ezra, mlaa tsɔɔlɔ ɔ ngɔ, nɛ a kase mlaa a.

Ester 9:22

Ligbi nɛ ɔmɛ a nɔ nɛ Yuda bi ɔmɛ kpata a he nyɛli ɔmɛ a hɛ mi ɔ nɛ. Jinɛ nyɔhiɔ nɛ ɔ maa pee aywilɛho kɛ kɔmɔ yemi be, se e ba plɛ pee bua jɔmi kɛ nyami be mohu. Bɔ nɛ a tsɔɔ mɛ ke a ye nyami ligbi nɛ ɔmɛ ji a tsɛ nihi ní yemi, nɛ a nya; a ke a sibi, kɛ ohiatsɛmɛ niye ní, kɛ ohiatsɛmɛ hu ní kpakpahi.

Hiob 23:12

Nɔ́ nɛ Mawu fa mi ke ma pee ɔ, lɔ ɔ i peeɔ. I pee we imi nitsɛ ye suɔmi nya ní; Mawu suɔmi nya ní lɛ i peeɔ.

La 119:111

O mlaa amɛ ji ye weto ní kɛ yaa neneene. O mlaa amɛ haa ye tsui nɔɔ ye mi fuaa.

La 119:127

Imi lɛɛ i suɔ o mlaa amɛ pe sika tsu, ee, pe sika tsu ngmingmiingmi.

La 119:130

Ke a tsɔɔ o mlaa a sisi ɔ, e ngɛ kaa la, nɛ e haa kuasia po leɔ ní.

La 119:14

Ye bua jɔɔ o mlaa amɛ a he pe ní nami babauu.

La 119:16

Ye bua jɔɔ o mlaa amɛ a he; ye hɛ be o munyu ɔmɛ a nɔ jee.

La 119:171

Ma je o yi daa; ejakaa o tsɔɔ mi o mlaa amɛ.

La 119:174

Yawɛ, i ngɛ mo blɔ hyɛe; ba he ye yi wami koo! O mlaa a pɛ lɛ haa ye bua jɔɔ ye he.

La 119:72

O mlaa a nɛ o ha mi ɔ hi ha mi pe je nɛ ɔ mi sika tsu, kɛ sika hiɔ babauu.

La 119:97

I suɔ o mlaa a kaa nɔ́ ko! Ke je na kikɛ nɛ ɔ, e he pɛ i susuɔ.

Yeremia 15:16

O kɛ mi tu munyu, nɛ i nu nɔ́ tsuaa nɔ́ nɛ o de mi ɔ fitsofitso. Yawɛ Tabohiatsɛ Mawu, o nɔ́ ji mi, nɛ enɛ ɔ he je ɔ, o munyu ɔ ha nɛ i na bua jɔmi kɛ be nɔ.

Luka 24:32

A de a he ke, “Benɛ wa ngɛ blɔ ɔ nɔ kɛ ma nɛ e ngɛ wɔ ngmami ɔmɛ a sisi tsɔɔe ɔ, hyɛ bɔ nɛ wa nɔ gbagba te ha!”

Romabi 7:18

I le kaa nɔ́ kpakpa ko be ye he lo su ɔ mi. Ejakaa nɔ́ kpakpa jloɔ mi nɛ ma pee, se i nyɛ we.

Kpojemi 11:10

Nihi tsuo ngɛ je nɛ ɔ mi ɔ ma nya kaa nimli enyɔ nɛ ɔmɛ gbo. A tsui maa nɔ a mi, nɛ a maa ke a sibi ní, ejakaa jamɛ a gbali enyɔ ɔmɛ ngɔ haomi babauu kɛ ba je ɔ mi.