Nehemia 7:7 - BAIBLO ALOO NGMAMI KLƆUKLƆU Ɔ

⁷ A nɔ hyɛli nikɔtɔmahi nɛ kɛ mɛ ba a ji Zerubabel, Yoshua, Nehemia, Azaria, Raamia, Nahamani, Mordekai, Bilshan, Misperet, Bigvai, Nehum, kɛ Baana.

Nehemia 7:7 ပူးပေါင်းရင်းမြစ်များ

Ezra 2:2

Nihi nɛ kɛ mɛ ba ji Zerubabel, Yoshua, Nehemia, Seraya, Reelaya, Mordekai, Bilshan, Mispar, Bigvai, Rehum, kɛ Baana. Israel bi nɛ kpale kɛ je ma se kɛ ba a ji nɛ ɔmɛ nɛ:

Ezra 5:2

Kɛkɛ nɛ Shealtiel bi Zerubabel, kɛ Yehozadak bi Yoshua ya bɔni Mawu we ɔ mami ekohu, nɛ Mawu gbali ɔmɛ piɛ a he kɛ tsu ní ɔ.

Nehemia 11:3

Israel ma a, osɔfo ɔmɛ, Levi bi ɔmɛ, sɔlemi we ɔ ní tsuli ɔmɛ, kɛ Salomo tsɔli ɔmɛ a nina amɛ lɛɛ a hi mɛ nitsɛmɛ a zugba nɔ, ngɛ a ma amɛ kɛ kɔpe ɔmɛ a mi. Yuda zugba a nɔ ma nimeli nɛ hi Yerusalem ji nɛ ɔmɛ nɛ.

Nehemia 12:1

Osɔfohi kɛ Levi bi nɛ kpale kɛ je ma se kɛ ba a, a kɛ Shaeltiel bi Zerubabel, kɛ osɔfo nɔkɔtɔma pe kulaa nɛ a tsɛɛ Yoshua a nɛ ba. A biɛhi ji nɛ ɔmɛ nɛ:

Nehemia 12:10

Yoshua bi ji Yoyakim; Yoyakim bi ji Eliashib, nɛ Eliashib hu bi ji Yoyada.

Nehemia 2:2

lɔ ɔ he ɔ, e bi mi ke, “Mɛni he je o hɛ mi pee mɔbɔmɔbɔ kikɛ nɛ ɔ? Pi hiɔ nɛ o ngɛ nue; i na kaa o bua jɔɛ.” Kɛkɛ nɛ sawale nu mi,

Nehemia 7:6

Nihi nɛ Matsɛ Nebukadnezar nuu kɛ ho Babilonia ya a, a kpɛti ni komɛ kpale kɛ ba Yerusalem kɛ Yuda; nɛ nɔ tsuaa nɔ ho lɛ nitsɛ e ma mi ya.

Nehemia 7:8

Israel bi a wekuhi nɛ kpale kɛ je ma se kɛ ba a, a hiɛhi kɛ a yibɔ ji nɛ ɔmɛ nɛ: Parosh - 2,172 Shefatia - 372 Ara - 652 Pahat Moab nɛ ji Yeshua kɛ Yoab a nina - 2,818 Elam - 1,254 Zatu - 845 Zakai - 760 Binui - 648 Bebai - 628 Azgad - 2,322 Adonikam - 667 Bigvai - 2,067 Adin - 655 Ater nɛ e biɛ kpa ji Hezekia a - 98 Hashum - 328 Bezai - 324 Harif - 112 Gibeon - 95

Ezekiel 1:11

A gbɛ a pɛli ɔmɛ a mi; a wo enyɔɔnyɔ nɔ ya bua nya ngɛ hiɔwe, nɛ nɔ tsuaa nɔ nɔ́ kɛ nɔ nɛ ngɛ e kasa nya a nɔ́ tsa; nɛ enyɔ ɔmɛ nɛ piɛ ɔ, a kɛ ha a nɔmlɔ tso ɔmɛ a he.

Hagai 1:1

Persia matsɛ, Darius yi nɔ, jeha enyɔne ɔ mi, nyɔhiɔ ekpane ɔ we kekleekle ligbi ɔ, Yawɛ ngɔ sɛ gbi kɛ gu gbalɔ Hagai nɔ kɛ ha nimli nɛ ɔmɛ: Sheatiel bi Zerubabel, Yuda amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a.