Nehemia 7:63 - BAIBLO ALOO NGMAMI KLƆUKLƆU Ɔ

^63-64 Jã kɛ̃ osɔfohi a weku nɛ ɔmɛ hu a biɛ be womi ko mi nɛ tsɔɔ a weku kpa: Hobaya, Hakoz, kɛ Barzilai. Osɔfohi a weku nɛ a tsɛɛ Barzilai ɔ na a biɛ ɔ kɛ je osɔfohi a weku nɛ ngɛ Gilead ɔ mi; nyumu ko ya ngɔ Barzilai biyo, lɔ ɔ he ɔ, a ngɔ biɛ ɔ ngɔ wo lɛ kɛ e nina tsuo. Akɛnɛ a nɛ womi nɛ tsɔɔ a sipoku saminya he je ɔ, a bui mɛ ngɔ si osɔfo ɔmɛ a nɔ.

Nehemia 7:63 ပူးပေါင်းရင်းမြစ်များ

Matsɛmɛ I, 2:7

“Gilead no Bazilai binyumu ɔmɛ lɛɛ, naa mɛ mɔbɔ, nɛ o ngɔ mɛ ngɔ piɛ ni nɛmɛ nɛ yeɔ ní ngɛ o we okplɔɔ ɔ he ɔ a he; ejakaa benɛ i ngɛ o wetsɛ Absalom nya fo tue ɔ, mɛ lɛ a na mi mɔbɔ.

Samuel II, 17:27

Benɛ David ba su Mahanaim ɔ, Nahash binyumu Shobi nɛ je Amon bi a ma, Raba a, kɛ Amiel bi Makir nɛ je Lodebar a, kɛ Barzilai nɛ je Rogelim ngɛ Gilead ɔ kɛ lɛ ba kpe.

Kronika I, 4:8

Koz bimɛ ji Anub kɛ Zobeba; nɛ e nina ji weku ɔmɛ nɛ a kɛ Harum binyumu Aharhel biɛ wo mɛ ɔ nɛ.

Nehemia 3:4

Hakoz binyumu Uria binyumu Meremot ɔ fia gbogbo ɔ kɛ tsa nɔ. Nɔ nɛ fia kɛ tsa nɔ ji Meshezabel binyumu Berekia e binyumu Meshulam. Baana binyumu Zadok ji nɔ nɛ fia kɛ tsa nɔ.