Nehemia 7:3 - BAIBLO ALOO NGMAMI KLƆUKLƆU Ɔ

³ I de mɛ ke ke pee a ko bli Yerusalem agbo ɔmɛ ngɔ fɔ si, se a mlɛ saii kɛ yaa si be nɛ pu maa te si loko a bli. I de mɛ ke, a nga agbo ɔmɛ, nɛ a la a se dade ɔmɛ loko pu nɛ nɔ si be mi nɛ buli ɔmɛ kpa we lolo. I de mɛ hulɔ ke, a hla buli kɛ je Yerusalem ma mi bi ɔmɛ a kpɛti, nɛ a ngɔ ní tsumi pɔtɛɛ komɛ ngɔ wo a dɛ. Jehanɛ hu, á to ni kpahi nɛ maa bu hehi nɛ mɛ nitsɛmɛ a we ɔmɛ ngɛ ɔ.

Nehemia 7:3 ပူးပေါင်းရင်းမြစ်များ

Mateo 10:16

“Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.

La 127:1

Ke pi Yawɛ nɛ maa tsu ɔ, tsu mali gboɔ yaka dengme. Ke pi Yawɛ nɛ buɔ ma he ɔ, bulɔ fɔɔ nyɔ yaka gu kɛ buɔ ma he.

Nehemia 13:19

Lɔ ɔ he ɔ, i fa ke ke pu yaa nɔ si nɛ a maa je Hejɔɔmi ligbi tsuaa Hejɔɔmi ligbi yemi sisi ɔ, a nga ma agbo ɔmɛ, nɛ a ko bli kɛ yaa si Hejɔɔmi ligbi ɔ maa be. I ngɔ ye tsɔli ɔmɛ ekomɛ ngɔ to agbo ɔmɛ a nya, konɛ a hyɛ nɛ a ko ngɔ tlomi ko kɛ ba ma a mi Hejɔɔmi ligbi ɔ.

Nehemia 3:23

Benyamin kɛ Hashub fia e nɔ tsami ɔ nɛ ngɛ a we ɔmɛ a hanɔ ɔ. Jehanɛ Anania binyumu Maaseya bi Azaria fia gbogbo ɔ he nɛ ngɛ e we ɔ hɛ mi ɔ.

Nehemia 7:2

I ngɔ nihi enyɔ ngɔ to Yerusalem kaa ma a nɔ hyɛli. Mɛ ji ye nyɛmi Hanani, kɛ Hanania, mɔ nɔ hyɛlɔ nɔkɔtɔma a. Hanania yeɔ anɔkuale, nɛ e yee Mawu gbeye pe nihi tsuo.

Nehemia 7:4

Yerusalem ji ma ngua lɛɛ, se nihi nɛ ngɛ ma a mi ɔ, a he pi, nɛ a na we nɛ a ma wehi fuu ngɛ mi lolo.

La 147:13

Ejakaa e peeɔ o we agbo ɔmɛ a se lami ní ɔmɛ kpɛii, nɛ e gbaa o bimɛ ɔmɛ.