Nehemia 6:9 - BAIBLO ALOO NGMAMI KLƆUKLƆU Ɔ

⁹ Mɛ tsuo a susu kaa a maa wo wa he gbeye, konɛ wa nine mi nɛ jɔ̃, nɛ wa kpa ní ɔ tsumi. Lɔ ɔ he ɔ, i sɔle ke, “Jehanɛ Mawu, moo wo mi he wami koo!”

Nehemia 6:9 ပူးပေါင်းရင်းမြစ်များ

Kronika II, 15:7

Se nyɛɛ lɛɛ, nyɛ wlua nyɛ! Nyɛ ko ha nɛ nyɛ nine mi nɛ je wu, ejakaa ní tsumi nɛ nyɛ ngɛ tsue ɔ, nyɛ ma na he hiɔwo.”

Kronika II, 32:18

Tsɔli ɔmɛ nɛ ngɔ womi ɔmɛ kɛ ba a kpa ngmlaa kɛ tu munyu nɛ ɔmɛ ngɛ Hebri gbi mi, bɔ nɛ pee nɛ a kɛ wo Yerusalem ma mi bi ɔmɛ nɛ ngɛ gbogbo ɔ nɔ ɔ a he gbeye, nɛ sawale nu mɛ. A pee ja konɛ ma a ngɔmi nɛ ko wa ha mɛ.

Ezra 1:6

Nihi tsuo nɛ a kɛ mɛ ngɛ ɔ tsuo wo mɛ blɔ kɛ níhi babauu; sika hiɔ ní, sika tsu, tlomi, lohwehi, nike ní kpahi nɛ a he jua wa, kɛ nike níhi nɛ je tsui mi faa kɛ ba Mawu we ɔ.

Nehemia 6:14

I sɔle ke, “Mawu, i kpa mo pɛɛ nɛ o kai nɔ́ nɛ Tobia kɛ Sanbalat pee ɔ, nɛ o gbla a tue. Mo kai jamɛ a gbalɔyo Nodia, kɛ gbali kpa amɛ nɛ a ka kaa a maa wo ye he gbeye ɔ.”

La 138:3

Ligbi ɔ nɛ i tsɛ mo ɔ, o he nɔ. O wo mi kã, nɛ ye nɔ gbagba te.

La 56:3

Ke i ngɛ gbeye yee kikɛ nɛ ɔ, mo Hiɔwe no ɔ pɛ o nɔ i ngɔɔ ye hɛ kɛ fɔɔ.

La 68:35

Mawu, Israel Mawu ɔ he ngɛ gbeye ngɛ e hi he klɔuklɔu ɔ. E haa e ma a he wami, kɛ nyɛmi. A je Mawu yi.

La 71:1

Yawɛ, o ngɔ nɛ i ba sa we ngɛ nɛ ɔ nɛ; ko ha nɛ ye hɛ mi nɛ pue si kɔkɔɔkɔ.

Yesaya 40:29

Ni nɛmɛ nɛ gbɔjɔ, nɛ pɔ tɔ mɛ ɔ, e haa mɛ he wami.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yeremia 38:4

Kɛkɛ nɛ ma nimeli ɔmɛ ho nɛ a ya de matsɛ ɔ ke, “Ha nɛ a gbe nyumu nɛ ɔ. Munyuhi nɛ e ngɛ tue ɔ ha nɛ ta buli nɛ piɛ ngɛ ma a mi, kɛ nihi tsuo nɛ ngɛ ma a mi ɔ a kɔni mi ngɛ jɔe. Nyumu nɛ ɔ, ma a si gbeemi e ngɛ hlae, se pi ma a nɔ yami.”

Ezekiel 30:24

Lɔ ɔ se ɔ, ma wo Babilonia matsɛ ɔ dɛ mi klaate, konɛ e na he wami ekohu. Se Egipt matsɛ ɔ lɛɛ, ma kplɔ e kɔni ɔmɛ ngɛ e he. E ma kɛmɛ ngɛ e he nyɛlɔ ɔ hɛ mi; nyagbe ɔ, e ma gbo.

Zakaria 10:12

Ma ha ye ma a he wami he; nɛ a maa nyɛɛ ngɛ ye biɛ mi.” Yawɛ lɛ de.

2 Korintobi 12:9

Se e he nɔ ke, “Dloomi nɛ i kɛ ha mo ɔ, lɔ ɔ kɛkɛ hiɛ ha mo; ejakaa ye he wami ɔ tsuɔ ní wawɛɛ ngɛ nihi nɛ gbɔjɔ ɔ a mi.” I suɔ saminya nɛ ma fĩa kaa i gbɔjɔ, konɛ ma na kaa Kristo he wami ɔ ngɛ ye he bue.

Efesobi 3:16

I kpaa Mawu pɛɛ, konɛ kɛ gu e ní babauu nɛ hɛ mi ngɛ nyami ɔ nɔ ɔ, e ha nɛ e Mumi Klɔuklɔu ɔ nɛ wo nyɛ mumi mi he wami.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

Hebribi 12:12

Lɔ ɔ he ɔ, nyɛ ninehi nɛ mi jɔ, kɛ nakutsohi nɛ ngɛ kpokpoe ɔ, nyɛ wlua nyɛ, nɛ nyɛ nɔ gbagba nɛ te.

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.

Samuel I, 30:6

David hao wawɛɛ nitsɛ; ejakaa e we bi ɔmɛ a hɛ dɔ ngɛ a bimɛ ɔmɛ nɛ a be ɔ a he. Jehanɛ hu a de ke a maa fia lɛ tɛ. Se Yawɛ, David Mawu ɔ wo lɛ he wami.