Nehemia 6:6 - BAIBLO ALOO NGMAMI KLƆUKLƆU Ɔ

⁶ Bɔ nɛ a ngma ji nɛ ɔ nɛ: “Geshem ba de ke huitihuiti ngɛ pɛe ngɛ je ma amɛ a mi kaa o kɛ Yuda bi ɔmɛ to nɛ nyɛ ma tsɔ atuã, nɛ enɛ ɔ he je nɛ o ngɛ gbogbo ɔ fiae ɔ nɛ. E de hu ke o to o yi mi kaa o maa wo o he matsɛ,

Nehemia 6:6 ပူးပေါင်းရင်းမြစ်များ

Ezra 4:12

Nɛnɛ, wa ngɛ hae nɛ o le kaa Yuda bi ɔmɛ nɛ je o ngɔ kɛ ba a ba to si ngɛ Yerusalem, nɛ a bɔni jamɛ a atuã tsɔli, kɛ yiwutsotsɛmɛ a ma a mami ekohu. A bɔni gbogbo ɔmɛ fiami, nɛ e be kɛe kulaa nɛ a maa po ma a kɛ gbe nya.

Ezra 4:15

Ha nɛ a hyɛ o nɛmɛ ɔmɛ a yi nɔ sanehi womi ɔmɛ a mi fitsofitso. Ke o pee ja a, o maa na kaa ma nɛ ɔ, kɛ je blema a, atuã pɛ a tsɔɔ; a nɔ yemi yee. A matsɛmɛ, kɛ nihi nɛ yeɔ kpokpa amɛ a nɔ ɔ, a dooɔ a nya. Enɛ ɔ he je nɛ a kpata ma a hɛ mi ɔ nɛ.

Nehemia 2:19

Se benɛ Sanbalat nɛ je Bet Horon, Tobia, ma ní tsulɔ ɔ nɛ je Amon zugba a nɔ, kɛ Arabia no ɔ nɛ a tsɛɛ lɛ Geshem ɔ nu he ɔ, a muɔ wɔ, nɛ a ye wa he fɛu, nɛ a de ke, “Mɛni sane nyɛ ngɛ yee nɛ ɔ? Nyɛ ma tsɔ matsɛ ɔ hɛ mi atuã lo?”

Nehemia 6:13

A bɔ lɛ apaa ke e wo ye he gbeye, konɛ ma pee nɔ́ ko nɛ dɛ, bɔ nɛ pee nɛ a puɛ ye biɛ, nɛ a bɔ mi ahlua.

Nehemia 6:5

Jehanɛ, Sanbalat tsɔ kɛ ba si enuɔne. Tsɔlɔ ɔ hɛɛ sɛ gbi nɛ a ngma ngɛ womi nɛ a sɔu we nya mi kɛ ba.

Nehemia 6:7

nɛ jehanɛ, o hla gbali komɛ ngɔ to nɛ a fiɛ ngɛ Yerusalem ke mo ji matsɛ ngɛ Yuda zugba a nɔ. Akɛnɛ bɔ tsuaa bɔ matsɛ ɔ nitsɛ maa nu munyu nɛ ɔ he je ɔ, i suɔ kaa o kɛ mi ba kpe, konɛ wa susu he.”

Yeremia 20:10

I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

Mateo 5:11

“A gbaa nyɛ, ke nihi jɛ nyɛ, nɛ a wa nyɛ yi mi, nɛ a tu munyu yaya slɔɔtohi kɛ si nyɛ ngɛ ye he.

Luka 23:2

Nɛ a bɔni e nya pomi ke, “Wa nu nyumu nɛ ɔ nɛ e ngɛ wa ma mi bi ɔmɛ a tue puɛe. Wa nu nɛ e ngɛ mɛ dee ke a ko tsu tó ha Kaisare ɔ, se lɛ nitsɛ ji Kristo, matsɛ ɔ nɛ.”

Yohane 19:13

Benɛ Pilato nu kikɛmɛ a munyu nɛ ɔ, e kɛ Yesu je kpo, nɛ e ya hi kojomi sɛ ɔ nɔ ngɛ he nɛ a ka tɛ ngɛ, nɛ Hebri mi ɔ, a tsɛɛ “Gabata” a.

Romabi 3:8

Mɛni he je nɛ e sɛ́ kaa wa deɔ ke, “Wa maa pee yayami konɛ kpakpa nɛ je mi kɛ ba,” kaa bɔ nɛ ni komɛ poo ngɔ fɔɔ wa nɔ ke wa deɔ ɔ? Jamɛtsɛmɛ ɔmɛ ɔ, fɔ nɛ a bu mɛ ɔ sa mɛ.

2 Korintobi 6:8

Ni komɛ woɔ wa hɛ mi nyami, se ni komɛ gbeɔ wa he guɛ; ni komɛ jɛɔ wɔ, se ni komɛ hu jeɔ wa yi. A tsɛɔ wɔ nɔ sisili, se anɔkuale wa tuɔ.

1 Petro 3:16

Se nyɛɛ pee enɛ ɔ kɛ bu, nɛ nyɛ ko nyɛ a nɔ. Nyɛɛ hi si saminya, nɛ nyɛ he nile ko bu nyɛ fɔ. Ke nyɛ pee jã a, nyɛ je mi bami kpakpa kaa Kristo se nyɛɛli ɔ ma ha zo maa gbe nihi nɛ tuɔ munyu yaya kɛ siɔ nyɛ ɔ.