Nehemia 6:19 - BAIBLO ALOO NGMAMI KLƆUKLƆU Ɔ

¹⁹ Ni komɛ hu ba sɛɛɔ Tobia he ní kpakpa kɛ haa mi, nɛ a ya deɔ lɛ níhi nɛ i deɔ ɔ. Lɔ ɔ he e ngmaa mi womi, konɛ e kɛ wo ye he gbeye.

Nehemia 6:19 ပူးပေါင်းရင်းမြစ်များ

1 Yohane 4:5

Jamɛ a lakpa gbali ɔmɛ ɔ, munyu nɛ kɔɔ je nɛ ɔ mi níhi a he nɛ a tuɔ. Nɛ je ɔ buɔ mɛ tue, ejakaa je ɔ mi nɛ a je.

Yohane 15:19

Kaa je ɔ mi bi ji nyɛ ɔ, jinɛ a ko suɔ nyɛ sane saminya, ejakaa nyɛ piɛ a he. Se nyɛɛ lɛɛ i hla nyɛ kɛ je je ɔ mi, nɛ nyɛ pi je ɔ mi bi hu; lɔ ɔ he nɛ je ɔ ngɛ nyɛ nyɛe ɔ nɛ.

Yohane 7:7

Je ɔ be nyɛ nyɛe, se a nyɛɔ mi, ejakaa a yeɔ odase kɛ siɔ mɛ ngɛ ní yayamihi nɛ a peeɔ ɔ he.

Abɛ Womi 28:4

Nɔ nɛ bui mlaa a, e kɛ nimli yayamihi lɛ bɔɔ. Se nɔ nɛ yeɔ mlaa nɔ ɔ, lɛɛ e kɛ mɛ toɔ ní.

Nehemia 6:13

A bɔ lɛ apaa ke e wo ye he gbeye, konɛ ma pee nɔ́ ko nɛ dɛ, bɔ nɛ pee nɛ a puɛ ye biɛ, nɛ a bɔ mi ahlua.

Nehemia 6:9

Mɛ tsuo a susu kaa a maa wo wa he gbeye, konɛ wa nine mi nɛ jɔ̃, nɛ wa kpa ní ɔ tsumi. Lɔ ɔ he ɔ, i sɔle ke, “Jehanɛ Mawu, moo wo mi he wami koo!”

Nehemia 6:18

Yuda bi ɔmɛ babauu ngɛ Tobia se, ejakaa Ara binyumu Shekania ngatsɛ ji lɛ. Tsa pi lɔ ɔ he kɛkɛ, se e binyumu Yehohanan hu ngɔ Berekia binyumu Meshulam biyo.

Nehemia 7:1

Jehanɛ, wa fia gbogbo ɔ gbe nya, nɛ wa ma agbo ɔmɛ a nya sinya amɛ. Wa to agbo nya buli, nɛ wa hla nihi nɛ ma la ngɛ he klɔuklɔu ɔ. Levi bi nɛ piɛ ɔ hu, wa ngɔ a ní tsumi ɔmɛ ngɔ wo a dɛ.