Nehemia 6:17 - BAIBLO ALOO NGMAMI KLƆUKLƆU Ɔ

¹⁷ Jamɛ a be ɔ mi tsuo ɔ, Yuda nikɔtɔma amɛ kɛ Tobia hii a sibi womi ngmae.

Nehemia 6:17 ပူးပေါင်းရင်းမြစ်များ

Nehemia 13:28

Osɔfo nɔkɔtɔma pe kulaa Eliashib bi ji Yoyada; se Yoyada bimɛ ɔmɛ a ti nɔ kake ya ngɔ Sanbalat nɛ je Bet Horon ɔ biyo. Lɔ ɔ he ɔ, i fie Yoyada kɛ je Yerusalem.

Nehemia 5:7

nɛ i to ye yi mi kaa ma pee he nɔ́ ko amlɔ. I kuɛ wo ma nimeli ɔmɛ, kɛ ma ní tsuli ɔmɛ, nɛ i kã a hɛ mi ke, “Nyɛ ngɛ nyɛ nitsɛmɛ nyɛ nyɛmimɛ ɔmɛ yi mi wae!” Jehanɛ i tsɛ ma a kpe, konɛ waa hyɛ munyu nɛ ɔ mi.

Nehemia 3:5

Gbogbo ɔ he nɛ tsa nɔ ɔ, Tekoa bi nɛ fia. Se Tekoa ma nimeli ɔmɛ lɛɛ, ní tsumi nɛ a nɔ hyɛli ɔmɛ ha mɛ ke a tsu ɔ, a kua tsumi.

Nehemia 6:16

Benɛ wa he nyɛli nɛ ngɛ je mahi nɛ bɔle wɔ kɛ kpe ɔ a mi ɔ nu enɛ ɔ, a ye gbeye, nɛ a nini je a nɔ; ejakaa mɛ tsuo a le kaa wa Mawu ɔ piɛ wa he kɛ tsu ní ɔ.

Nehemia 6:18

Yuda bi ɔmɛ babauu ngɛ Tobia se, ejakaa Ara binyumu Shekania ngatsɛ ji lɛ. Tsa pi lɔ ɔ he kɛkɛ, se e binyumu Yehohanan hu ngɔ Berekia binyumu Meshulam biyo.

Nehemia 13:4

Osɔfo Eliashib, nɔ nɛ hyɛɛ wa Mawu ɔ we ɔ nito he tsu ɔmɛ a nɔ ɔ, e huɛ ji Tobia.