Nehemia 6:16 - BAIBLO ALOO NGMAMI KLƆUKLƆU Ɔ

¹⁶ Benɛ wa he nyɛli nɛ ngɛ je mahi nɛ bɔle wɔ kɛ kpe ɔ a mi ɔ nu enɛ ɔ, a ye gbeye, nɛ a nini je a nɔ; ejakaa mɛ tsuo a le kaa wa Mawu ɔ piɛ wa he kɛ tsu ní ɔ.

Nehemia 6:16 ပူးပေါင်းရင်းမြစ်များ

Yoshua 5:1

Amor bi ɔmɛ a matsɛmɛ ɔmɛ tsuo nɛ ngɛ Yordan pa a se ngɛ bonyoku je ɔ, kɛ Kanaan bi ɔmɛ a matsɛmɛ ɔmɛ tsuo nɛ ngɛ Mediterenia wo ɔ nya a nu kaa Yawɛ ha Yordan nyu ɔ mii ha Israel bi ɔmɛ kɛ ya su be nɛ mɛ tsuo a po pa a ta. Nɔ́ nɛ ɔ ha nɛ a tsui po, nɛ mɛ tsuo a ka nya ta ngɛ Israel bi ɔmɛ a he.

La 126:2

Jamɛ a be ɔ mi ɔ, wa muɔ jɛɛ, nɛ wa la bua jɔmi la boboobo. Je ma amɛ hu de a sibi ke, “Yawɛ tsu ní nguanguahi ha mɛ.”

Nehemia 4:7

Sanbalat, Tobia, Arabia bi ɔmɛ, Amon bi ɔmɛ, kɛ Ashdod bi ɔmɛ nu kaa wa ngɛ Yerusalem gbogbo ɔ fiae mlamlaamla, nɛ wa ngɛ puɔ ɔmɛ tsie. Kɛkɛ nɛ a mi mi fu wawɛɛ nitsɛ.

Nehemia 4:1

Benɛ Sanbalat nu kaa wɔ Yuda bi ɔmɛ, wa bɔni gbogbo ɔmɛ fiami ɔ, e mi mi fu wawɛɛ nitsɛ, nɛ e ye wa he fɛu.

Nehemia 2:10

Se benɛ Sanbalat nɛ je Bet Horon, kɛ Tobia, ma ní tsulɔ ko nɛ je Amon zugba a nɔ ɔ nu kaa nɔ ko ba nɛ e ba ngɛ nɔ́ kpakpa hlae ha Israel bi ɔmɛ ɔ, e dɔ mɛ wawɛɛ nitsɛ.

Ni Tsumi 5:38

Lɔ ɔ he ɔ, sane nɛ ɔ mi hu, ga nɛ i ngɛ nyɛ woe ji nyɛ ko pee nimli nɛ ɔmɛ nɔ́ ko; nyɛɛ ngmɛɛ a he nɛ a ho. Ke yi mi nɛ a to, kɛ nɔ́ nɛ a ngɛ tsue nɛ ɔ, adesa dɛ mi nɛ e je ɔ, e be he ko sue.

Mose IV, 23:23

Kunya ko kunya ko be Yakob nyɛe, Israel ɔ, klaami he wami ko be lɛ nyɛe. Lɛɛ a ma de ngɛ Yakob, loo Israel he ke, ‘Nyɛɛ hyɛ nyakpɛ níhi nɛ Mawu tsu ha mɛ!’

Mose II, 14:25

Yawɛ ha nɛ Egipt bi ɔmɛ a ta zugba lɛ ɔmɛ a nanehi pu zu, nɛ a nyɛɛmi pee dengme. Egipt bi ɔmɛ a nya hé gbi nɛ a de ke, “Nyɛ ha waa tu fo ngɛ Israel bi ɔmɛ a nya; ejakaa Yawɛ piɛ a he nɛ e kɛ wɔ Egipt bi ɔmɛ ngɛ fiae.”

Nehemia 6:17

Jamɛ a be ɔ mi tsuo ɔ, Yuda nikɔtɔma amɛ kɛ Tobia hii a sibi womi ngmae.

Yeremia 33:9

Yerusalem ma ha nɛ ma na biɛ, yi jemi, kɛ hɛ mi nyami ngɛ je ma amɛ tsuo a kpɛti, ke je ma amɛ nu ní kpakpahi tsuo nɛ i pee ha ma a. Ke je ma amɛ nu ní nɛ ɔmɛ a he, nɛ a na bɔ nɛ kplɔkɔtɔ, kɛ he jɔmi ba ma a mi ɔ, a tsui maa po nɛ a he maa do blibliibli.”

Yoshua 2:9

E de mɛ ke, “I le kaa Yawɛ ngɔ zugba a ngɔ ha nyɛ. Nyɛ he sawale nu wɔ, nɛ zugba a nɔ bi ɔmɛ tsuo a tsui ngɛ poe.

Yoshua 2:11

Benɛ wa nu sane nɛ ɔmɛ ɔ, wa tsui po, nɛ nyumu ɔmɛ a kã nya ta; ejakaa Yawɛ, nyɛ Mawu ɔ pɛ ji Mawu nɛ ngɛ hiɔwe kɛ zugba.

La 109:27

Ha nɛ ye he nyɛli ɔmɛ nɛ a le kaa nɔ́ nɛ ɔ, o nine ngɛ mi; mo Yawɛ nitsɛ lɛ o tsu.

La 129:5

Nihi tsuo nɛ sume Zion ɔ, zo nɛ gbe mɛ nɛ a kpale a se!

La 147:2

Yawɛ ngɛ Yerusalem sisi toe ekohu; e ngɛ Israel bi ɔmɛ nɛ gbɛ fĩa a a nya buae kɛ ba.