Nehemia 6:13 - BAIBLO ALOO NGMAMI KLƆUKLƆU Ɔ

¹³ A bɔ lɛ apaa ke e wo ye he gbeye, konɛ ma pee nɔ́ ko nɛ dɛ, bɔ nɛ pee nɛ a puɛ ye biɛ, nɛ a bɔ mi ahlua.

Nehemia 6:13 ပူးပေါင်းရင်းမြစ်များ

Yeremia 20:10

I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

Yakobo 4:17

Lɔ ɔ he ɔ, nɔ nɛ le nɔ́ kpakpa nɛ e pee we ɔ, yayami e pee ɔ nɛ.

2 Timoteo 1:7

Ejakaa mumi nɛ Mawu ha wɔ ɔ ha we nɛ wa yeɔ gbeye; mohu e ji mumi nɛ woɔ wɔ he wami, nɛ haa wa suɔ nɔmlɔ, nɛ wa yeɔ wa he nɔ.

Yeremia 18:18

Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

Abɛ Womi 29:5

Nɔ nɛ kɛ e nyɛmi tuɔ munyu dɔkɔbii ɔ, klama e ngɛ lɛ tsɔe ɔ nɛ.

Nehemia 6:6

Bɔ nɛ a ngma ji nɛ ɔ nɛ: “Geshem ba de ke huitihuiti ngɛ pɛe ngɛ je ma amɛ a mi kaa o kɛ Yuda bi ɔmɛ to nɛ nyɛ ma tsɔ atuã, nɛ enɛ ɔ he je nɛ o ngɛ gbogbo ɔ fiae ɔ nɛ. E de hu ke o to o yi mi kaa o maa wo o he matsɛ,

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Tito 2:8

Munyu nɛ maa je o nya a, e pee munyu kpakpa nɛ a be he nɔ́ yaya ko nae nɛ a de. Kɛkɛ ɔ, ke nihi nɛ teɔ si woɔ wɔ ɔ nɛ́ nɔ́ yayami ko nɛ a de ngɛ wa he ɔ, zo maa gbe mɛ.

1 Timoteo 5:14

Lɔ ɔ he ɔ, ma suɔ mohu kaa yalɔyihi nɛ wɛ lolo ɔ, a gba nɛ a fɔ bimɛ; nɛ a hyɛ a we nɔ saminya, konɛ wa he nyɛli ko na he blɔ ko kulaa kɛ tu munyu yaya kɛ si wɔ.

2 Korintobi 11:12

Ma ya nɔ ma pee kaa bɔ nɛ i peeɔ daa a. I be yemi kɛ buami ko bie ngɛ nyɛ dɛ. Ke i bi ɔ, jamɛ a ni ɔmɛ ma na he blɔ ɔ nɛ a ngɛ hlae ɔ nɛ a maa fĩa ke a ngɛ Mawu ní tsue kaa bɔ nɛ wɔ hu wa ngɛ tsue ɔ nɔuu.

Ni Tsumi 6:13

Jehanɛ a kɛ lakpa odase yeli komɛ ba, nɛ a ba de ke, “Daa nɛ ɔ, kikɛmɛ a nɔmlɔ nɛ ɔ tuɔ munyu kɛ siɔ wa sɔlemi we klɔuklɔu ɔ, kɛ Mose mlaa a.

Mateo 26:59

Osɔfo nikɔtɔma amɛ, kɛ kpe ngua a tsuo hla kaa a maa na lakpa odase ko ngɛ Yesu he, konɛ a gbe lɛ;

Mateo 22:15

Jehanɛ, Farisi bi ɔmɛ ho nɛ a ya so, bɔ nɛ a maa pee nɛ a ma na Yesu he blɔ kɛ gu lɛ nitsɛ e munyu tumi nɔ.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Ezekiel 2:6

“Se mo nɔmlɔ adesa, jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu. Ke a te si kɛ wo mo, nɛ a bui mo tue ɔ, e maa pee kaa miohi a mi o ngɛ, nɛ nyingmogblakotohi a nɔ o hii si ngɛ, se jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu.

Yeremia 1:17

Yeremia, moo mia! Yaa nɛ o ya de mɛ nɔ́ tsuaa nɔ́ nɛ i fa mo ke o de ɔ. Koo ye gbeye; ke pi ja a, ke o ya da a hɛ mi ɔ, ma ha nɛ sawale nɛ nya wa maa nu mo.

Yesaya 57:11

Yawɛ ke, “Mɛnɔ gbeye nyɛ ya ye, loko nyɛ ye lakpa, nɛ nyɛ hɛ je ye nɔ pɛsɛɛ kikɛ nɛ ɔ? Akɛnɛ i pee dii kɛ je blema lokoo he je ɔ, nyɛ bui mi, nɛ nyɛ yi mi gbeye hulɔ, pi jã?

Yesaya 51:7

“Nyɛ nɛ nyɛ le nɔ́ nɛ da, nɛ nyɛ suɔ ye mlaa a saminya, nyɛ ko ye gbeye kaa nimli adesahi maa ye nyɛ he fɛu, loo a ma jɛ nyɛ. Ke a ngɛ nyɛ he fɛu yee ɔ, nyɛ ko ye tsui!

Fiɛlɔ 7:1

Biɛ kpakpa hi pe nu je via nɛ he jua wa. Ligbi nɛ o gbo ɔ hi pe ligbi nɛ a fɔ mo.

Abɛ Womi 22:1

Biɛ kpakpa hi pe ní nami babauu. Bu hu hi pe sika hiɔ, loo sika tsu.

Nehemia 6:12

Benɛ i susu he bɔɔ ɔ, i na kaa Mawu tsɔ we Shemaya ke e ba de mi nɔ́ ko, se mohu Tobia kɛ Sanbalat nɛ a bɔ lɛ apaa ke e ba wo ye he gbeye ja.