Nehemia 6:11 - BAIBLO ALOO NGMAMI KLƆUKLƆU Ɔ

¹¹ I he nɔ ke, “Nɔmlɔ nɛ tuu fo ya laa e he ji mi lo? Imi nɛ ɔ, ma ya laa ye he ngɛ sɔlemi we ɔ kɛ he ye yi wami lo? Dɛbi, i be yae.”

Nehemia 6:11 ပူးပေါင်းရင်းမြစ်များ

Ni Tsumi 21:13

Se e he nɔ ke, “Mɛni nyɛ ngɛ pee nɛ ɔ; nyɛ ngɛ ya foe kɛ ma tsɔ ye tsui kpa? Imi lɛɛ, pi fimi nɛ a maa fi mi ngɛ Yerusalem ɔ kɛkɛ nɛ i ngɛ blɔ hyɛe, se mohu i pee klaalo nɛ ma gbo ngɛ Nyɔmtsɛ Yesu he ngɛ lejɛ ɔ.”

Abɛ Womi 28:1

Yayami peelɔ tuɔ fo be mi nɛ nɔ ko nyɛɛ we e se. Nihi nɛ peeɔ nɔ́ nɛ da a, mɛɛ lɛɛ a peeɔ kã kaa jata.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

La 112:8

E yi tsui, nɛ e yi gbeye hulɔ. E hɛ ngɛ nɔ kaa e maa ye e he nyɛli ɔmɛ a nɔ kunimi kɛ̃.

La 112:6

Nɔ nɛ peeɔ nɔ́ nɛ da a, nɔ́ ko nɔ́ ko be lɛ pee; a ma kai lɛ daa.

Hebribi 11:27

Hemi kɛ yemi lɛ ha nɛ Mose je Egipt nɛ e yi matsɛ ɔ mi mi fumi ɔ gbeye. E kpale we e se, ejakaa Mawu nɛ e nɛ́ kɛ e hɛngmɛ ɔ, e pɛtɛ e he wawɛɛ kaa nɔ́ nɛ e ngɛ lɛ hyɛe paa.

Filipibi 2:30

Ejakaa Kristo ní tsumi ɔ he ɔ, e piɛ nguɛ nya nɛ e sake e he lo ngɔ fɔ he. Se e pee enɛ ɔ tsuo kɛ sɔmɔ mi ngɛ nyɛ nane mi.

Fiɛlɔ 10:1

Anunu gbogboe haa nɛ tsopa kɛ e he via jeɔ fu. Jã kɛ̃ kuasia jemi bɔɔ gbeɔ nile kɛ hɛ mi nyami a he guɛ.

Nehemia 6:9

Mɛ tsuo a susu kaa a maa wo wa he gbeye, konɛ wa nine mi nɛ jɔ̃, nɛ wa kpa ní ɔ tsumi. Lɔ ɔ he ɔ, i sɔle ke, “Jehanɛ Mawu, moo wo mi he wami koo!”

Nehemia 6:3

I tsɔ ya de mɛ ke, I ngɛ ní tsumi nɛ he hia tsue, nɛ i be nyɛe ma ba. “I be ní tsumi kaa kikɛ nɛ ɔ he ngmɛɛe kɛ fɔ si, nɛ ma ba na nyɛ!”

Samuel I, 19:5

E ngɔ e wami ngɔ ke, benɛ e gbe Filisti no ɔ, nɛ Yawɛ ye kunimi nguaa kɛ ha Israel tsuo. O na, nɛ o bua jɔ he. Mɛni he je mɔ nɛ o ngɛ hlae nɛ o gbe David yaka gu nɛ e pee we mo yayami ko ɔ?”

Ni Tsumi 8:1

Stefano gbemi ɔ ngɔ Saulo nya. Jamɛ a ligbi ɔ nɔuu ɔ, a bɔni asafo ɔ nɛ ngɛ Yerusalem ɔ yi mi wami wawɛɛ. Nihi nɛ he ye ɔ tsuo gbɛ fĩa Yudea, kɛ Samaria kpokpa amɛ a nɔ; nɛ e piɛ bɔfo ɔmɛ pɛ.

Yesaya 10:18

Hue kpakpa amɛ, kɛ ngmɔhi nɛ baa ní saminya a, a hɛ mi ma kpata pɛsɛpɛsɛ kaa bɔ nɛ gbenɔ hiɔ kpataa nɔmlɔ adesa hɛ mi ɔ.

Nehemia 6:12

Benɛ i susu he bɔɔ ɔ, i na kaa Mawu tsɔ we Shemaya ke e ba de mi nɔ́ ko, se mohu Tobia kɛ Sanbalat nɛ a bɔ lɛ apaa ke e ba wo ye he gbeye ja.

Mose IV, 3:10

Ngɔɔ osɔfo ní tsumi ɔ ngɔ wo Aaron, kɛ e binyumu ɔmɛ pɛ a dɛ mi; nɔ kpa ko nɛ maa hɛ lɛ kɛ su ní tsumi nɛ ɔ he ɔ, a gbe lɛ.”