Nehemia 6:10 - BAIBLO ALOO NGMAMI KLƆUKLƆU Ɔ

¹⁰ Jamɛ a be ɔ mi nɔuu nɛ i ya slaa Delaya binyumu Shemaya, Mehetabel bibi ɔ nɛ lɛɛ e tlɔ we mi ɔ. E de mi ke, “I kɛ mo wa ya laa ngɛ sɔlemi we ɔ he klɔuklɔu ɔ, nɛ waa ngmɛ sinya amɛ ngɔ wo wa yi, ejakaa a ma nɛ a ba gbe mo. Nyɔ nɛ ɔ mi nɛ a ma ba gbe mo ɔ nɛ.”

Nehemia 6:10 ပူးပေါင်းရင်းမြစ်များ

Yeremia 36:5

Jehanɛ, i de Baruk ke, “A ha we mi blɔ kaa ma ya Yawɛ we ɔ hu.

Ni Tsumi 21:30

Ma a mi tsuo pee gidigidi; ni ɔmɛ tu kɛ ba kɛ fo, nɛ a ba nu Paulo; kɛkɛ nɛ a gbla lɛ kɛ je sɔlemi we ɔ kɛ je kpo. Amlɔ nɔuu ɔ, a nga sinya amɛ.

Yohane 3:20

Nɔ tsuaa nɔ nɛ peeɔ yayami ɔ, e nyɛɔ la a; nɛ e sume nɛ e baa la a nya, ejakaa e sume nɛ a naa e ní yayami ɔmɛ.

Mateo 7:15

“Nyɛɛ hyɛ saminya ngɛ lakpa gbali a he. Ke a ba nyɛ ngɔ ɔ, a naa mɛ kaa jijɔ, se anɔkuale mi ɔ, a ngɛ kaa ogbeteehi;

Malaki 1:10

Yawɛ Tabohiatsɛ ɔ ke, “I ná nɛ nyɛ ti nɔ ko ya nga ye we klɔuklɔu ɔ nya, bɔ nɛ pee nɛ nyɛ ko ya slɛ la ngɛ ye bɔ sami la tɛ ɔ nɔ yaka gu hu. I be nyɛ he bua jɔmi; nyɛ nike ní ɔmɛ hu, i be ngɔe.

Ezekiel 3:24

Se Mawu mumi ɔ ba sɛ ye mi, nɛ e wo ye nɔ kɛ da si. E kɛ mi tu munyu, nɛ e de mi ke, “Yaa o we ɔ mi, nɛ o nga sinya kɛ wo o yi.

Abɛ Womi 11:9

Nɔmlɔ nɛ li Mawu ɔ, e kɛ e nya mi munyu puɛɔ e nyɛmi. Se nɔ nɛ peeɔ nɔ́ nɛ da a, e juɛmi ma he e yi wami.

La 37:12

Yayami peelɔ soɔ kpakpa peelɔ yi nɔ; e hyɛɛ lɛ too kɛ ninyɛ hɛngmɛ.

La 12:2

Nɔ tsuaa nɔ ngɛ e nyɛmi lakpa yee. Nɔ tsuaa nɔ kɛ munyu ngɔngɔɛ ngɛ e nyɛmi sisie.

Nehemia 6:12

Benɛ i susu he bɔɔ ɔ, i na kaa Mawu tsɔ we Shemaya ke e ba de mi nɔ́ ko, se mohu Tobia kɛ Sanbalat nɛ a bɔ lɛ apaa ke e ba wo ye he gbeye ja.

Ezra 10:31

Harim we puɔ nya: Eliezer, Ishiya, Malkiya, Shemaya, Shimeon, Benyamin, Maluk, kɛ Shemaria.

Ezra 8:16

Lɔ ɔ he ɔ, i tsɔ nɛ a ya tsɛ ma nimeli nɛ ɔmɛ kɛ ba: Eliezer, Ariel, Shemaya, Elnatan, Yarib, Elnatan, Natan, Zakaria, kɛ Meshulam. Yoyarib kɛ Elnatan nɛ a juɛmi mi kuɔ saminya a hu piɛ a he.

Kronika II, 29:7

A nga Yawɛ we ɔ sinya amɛ, nɛ a gbe kane ɔmɛ. Tsopa kɛ e he via, kɛ sami bɔ pohu a kpa sami ngɛ Yawɛ, Israel Mawu ɔ we ɔ.

Kronika II, 29:3

Benɛ Hezekia bɔni matsɛ yemi ɔ, jamɛ a jeha a we kekleekle nyɔhiɔ ɔ mi ɔ, e bli Yawɛ we ɔ agbo ɔmɛ ekohu, nɛ e ha nɛ a dla mɛ.

Kronika II, 28:24

Ahaz bua Yawɛ we ɔ mi ní ɔmɛ tsuo a nya, nɛ e ywia mɛ dukuduku. E ngmɛ Yawɛ we ɔ nya; nɛ e ma bɔ sami la tɛhi ngɛ he tsuaa he ngɛ Yerusalem.

Matsɛmɛ II, 11:3

Yehosheba ngɔ jokuɛ nyumuyo ɔ kɛ laa ngɛ Yawɛ we ɔ jeha ekpa, be mi nɛ Atalia ngɛ manyɛ yee ngɛ zugba a nɔ ɔ.

Matsɛmɛ II, 9:8

Ahab weku kɛ nina tsuo pɛpɛɛpɛ a hɛ mi ma kpata; nɛ ma gbe binyumuyo tsuaa binyumuyo ngɛ Ahab we ɔ mi ngɛ Israel, odehe jio, nyɔguɛ jio.

Matsɛmɛ I, 6:5

E ma tsu wawihi kɛ wo gbogbo ɔmɛ a he ngɛ kpo nɔ je, ngɛ we ɔ kasa hiɛ kɛ hiɛ, kɛ se ɔ tsuo.