Nehemia 5:7 - BAIBLO ALOO NGMAMI KLƆUKLƆU Ɔ

⁷ nɛ i to ye yi mi kaa ma pee he nɔ́ ko amlɔ. I kuɛ wo ma nimeli ɔmɛ, kɛ ma ní tsuli ɔmɛ, nɛ i kã a hɛ mi ke, “Nyɛ ngɛ nyɛ nitsɛmɛ nyɛ nyɛmimɛ ɔmɛ yi mi wae!” Jehanɛ i tsɛ ma a kpe, konɛ waa hyɛ munyu nɛ ɔ mi.

Nehemia 5:7 ပူးပေါင်းရင်းမြစ်များ

Mose III, 25:36

Ke o pa nɔ́ ko ha o nyɛmi ɔ, ko he nɔ́ ko kɛ bɔ he; ye o Mawu ɔ gbeye, konɛ o ha nɛ o nyɛmi ɔ nɛ hi o kasa nya.

Mose II, 22:25

“Ke o pa sika ha ye ma mi bi ɔmɛ a ti ohiatsɛ ko nɛ kɛ mo ngɛ ɔ, mo ko he lɛ hekpa kaa sika palɔ peeɔ.

Ezekiel 22:12

Nyɛ ti ni komɛ heɔ nyɔ mi ní nɛ a kɛ pueɔ muɔ si. Ni komɛ paa sika kɛ haa a nyɛmimɛ Israel fɔfɔɛhi, nɛ a heɔ hekpa fuu ngɛ a dɛ kɛ naa a he kpɔtɔɔ. Nɛ a hɛ je ye nɔ.” Nyɔmtsɛ Yawɛ lɛ de.

La 15:5

Nɔ nɛ ke e pa sika ha nihi ɔ, e he we hekpa. Nɔ nɛ he we nyɔ mi ní nɛ e kɛ ye odase ngɔ si nihi nɛ yi fɔ. Nɔ nɛ peeɔ ní nɛ ɔmɛ ɔ, nɔ́ ko nɔ́ ko be e he sae.

Mose III, 19:15

“Nyɛɛ ye dami sane ngɛ kojomi mi; nyɛ ko hyɛ nɔ ko hɛ mi, ohiatsɛ ji lɛ jio, niatsɛ ji lɛ jio.

Tito 2:15

Tsɔɔ o we bi ɔmɛ ní nɛ ɔmɛ, nɛ o ngɔ he blɔ nɛ o ngɛ ɔ tsuo kɛ wo mɛ he wami, nɛ o kɛ ka a hɛ mi hulɔ. Ko ha nɛ nɔ ko nɛ gbe o he guɛ.

1 Timoteo 5:20

Nihi nɛ peeɔ yayami ɔ, ka a hɛ mi ngɛ asafo ɔ tsuo hɛ mi, kɛkɛ ɔ, ni nɛmɛ nɛ piɛ ɔ maa ye gbeye.

Galatabi 2:11

Benɛ Petro ba Antiokia a, i ka e hɛ mi ngɛ ma hɛ mi; ejakaa nɔ́ nɛ e pee ɔ dɛ kulaa.

2 Korintobi 5:16

Kɛ je be nɛ ɔ mi kɛ yaa a, wa kojo we nɔ kaa bɔ nɛ adesa to blɔ nya a hu. E ngɛ mi kaa be ko nɛ be ɔ, jã lɛ wa kojo Kristo; se piɔ lɛɛ wa pee we jã hu.

Mateo 18:17

Se ke e bui mɛ hu tue ɔ, yaa sɛɛ ha asafo ɔ. Ke e bɛɛe bui asafo ɔ hu tue ɔ, buu lɛ kaa wɔ jalɔ, loo tó tsulɔ.

Ezekiel 45:9

Yawɛ ke, “Nyɛ Israel ganɔhi, e hiɛ oo e hiɛ! Nyɛ kpa amimi kɛ awi yemi! Nyɛɛ ye dami sane, nɛ nyɛɛ pee nɔ́ nɛ da. Nyɛ ko fie ye ma a kɛ je a zugba nɔ hu. Imi, Nyɔmtsɛ Yawɛ lɛ i de.

Abɛ Womi 27:5

Ke nɔ ko ka o hɛ mi ngɛ gua mi ɔ, e hi pe nɔ́ nɛ e suɔ mo ngɛ laami tso mi.

La 27:8

O de ke, “Nyɛɛ ba ye ngɔ.” Imi hu i kɛ bua jɔmi he nɔ ke, “Yawɛ, i ma;

La 15:1

Yawɛ, mɛnɔ maa hi o bo tsu ɔ mi? O yoku klɔuklɔu ɔ nɔ ɔ, mɛnɔ maa hi lejɛ ɔ?

La 4:4

Ke nyɛ mi mi fu ɔ, nyɛ ko pee yayami. Ke nyɛ hwɔɔ si ɔ, nyɛɛ pee dii, nɛ nyɛɛ ya nyɛ yi mi.

La 109:11

E hiɔtsɛmɛ nɛ a ba kpɔ e níhi tsuo ngɛ e dɛ; nɛ níhi tsuo nɛ e gbo dengme kɛ na a, nibwɔhi nɛ a ba ha.

Mose II, 22:24

nɛ ye mi mi ma fu wawɛɛ, nɛ ma gbe nyɛ ngɛ ta mi. Nyɛ yi ɔmɛ maa pee yalɔyihi, nɛ nyɛ bimɛ ɔmɛ maa pee awusahi.

La 94:16

Mɛnɔ maa piɛ ye he nɛ waa te si kɛ wo yiwutsotsɛmɛ? Mɛnɔ maa piɛ ye he, nɛ waa kɛ yayami peeli ya to ní?

Abɛ Womi 28:4

Nɔ nɛ bui mlaa a, e kɛ nimli yayamihi lɛ bɔɔ. Se nɔ nɛ yeɔ mlaa nɔ ɔ, lɛɛ e kɛ mɛ toɔ ní.