Nehemia 5:6 - BAIBLO ALOO NGMAMI KLƆUKLƆU Ɔ

⁶ Benɛ i nu ní nɛ ɔmɛ nɛ a ngɛ mɛ pee ɔ, ye mi mi fu wawɛɛ,

Nehemia 5:6 ပူးပေါင်းရင်းမြစ်များ

Nehemia 13:25

Lɔ ɔ he ɔ, i ka nyumu ɔmɛ a hɛ mi, nɛ i gbiɛ mɛ; i fia ni komɛ ní, nɛ i hiaa a yi bwɔmi. Jehanɛ, i ha a kɛ Mawu biɛ ka kita ke mɛ nitsɛmɛ, kɛ a binyumu ɔmɛ be nibwɔhi a biyi ɔmɛ ngɔe, nɛ a biyi ɔmɛ hu be nibwɔhi gbae kɔkɔɔkɔ hu.

Nehemia 13:8

nɛ i kɛ hɛdɔ ya je Tobia ní ɔmɛ tsuo kpo ngɔ hɛ pue he.

Nehemia 5:7

nɛ i to ye yi mi kaa ma pee he nɔ́ ko amlɔ. I kuɛ wo ma nimeli ɔmɛ, kɛ ma ní tsuli ɔmɛ, nɛ i kã a hɛ mi ke, “Nyɛ ngɛ nyɛ nitsɛmɛ nyɛ nyɛmimɛ ɔmɛ yi mi wae!” Jehanɛ i tsɛ ma a kpe, konɛ waa hyɛ munyu nɛ ɔ mi.

La 119:53

Se ke i na yiwutsotsɛmɛ nɛ a ngɛ o mlaa a tɔ̃e ɔ, ye mi mi woɔ la wawɛɛ nitsɛ.

Mose II, 11:8

O tsɔli ɔmɛ tsuo ma ba kpla si ha mi, nɛ a ma kpa mi pɛɛ ma de ke, ‘Nyɛɛ ho, nyɛɛ kɛ nihi nɛ nyɛɛ nyɛ se ɔ tsuo.’ Lɔ ɔ se ɔ, ma je.” Nɛ Mose kɛ mi mi la nɛ nya wa je Farao ɔ hɛ mi.

Mose IV, 16:15

Mose mi mi fu wawɛɛ nitsɛ, nɛ e de Yawɛ ke, “Ko he bɔ ɔmɛ nɛ a ba sã a! I he we teji kake po ngɛ a dɛ, nɛ i yi a ti nɔ ko nɔ ko sane yayami ko hulɔ.”

Marko 3:5

Yesu kɛ abofu hyɛ a hɛ mi kɛ kpe; e dɔ lɛ kaa a tsui wa kikɛ nɛ ɔ. Kɛkɛ nɛ e de nyumu ɔ ke, “Kpã o nine mi!” E pee ja; nɛ a tsa e nine ɔ.

Efesobi 4:26

Ke e ba mi kaa nyɛ ti nɔ ko mi mi fu e nyɛmi ɔ, e ko ngmɛ blɔ nɛ lɔ ɔ nɛ ha nɛ e pee yayami. E bɔ mɔde nɛ e tsui he nɛ jɔ loko pu nɛ nɔ si.