Nehemia 5:4 - BAIBLO ALOO NGMAMI KLƆUKLƆU Ɔ

⁴ Ni komɛ hu ke, “Wa pa sika kɛ wo wa zugba amɛ, kɛ wa wai ngmɔ ɔmɛ a he tó ha nɔ yeli ɔmɛ.

Nehemia 5:4 ပူးပေါင်းရင်းမြစ်များ

Ezra 4:13

Nɛnɛ, ná nɛ o le kaa ke a po ma a gbe nya a, a be tó, loo sika ko woe hu, nɛ sika be matsɛ nito he ɔ bae bɔ nɛ sa.

Ezra 4:20

Jehanɛ hu, a na kaa matsɛ nguahi hi Yerusalem sa a, nɛ a ye ma a nɔ kɛ ya pue Yufrate pa a se tsuo; nɛ Yerusalem he tó, kɛ sika kpahi ngɛ ma amɛ a dɛ.

Ezra 7:24

I ngɛ hae nɛ nyɛɛ le hu kaa mlaa ngmɛ́ blɔ kaa nyɛ heɔ tó ko kulaa ngɛ nimli nɛ ɔmɛ a dɛ: osɔfohi, Levi bi, Mawu we ɔ lali, agbo nya buli, sɔmɔli ngɛ Mawu we ɔ, loo tsɔli kpahi ngɛ Mawu we ɔ.

Nehemia 5:3

Ni komɛ hu de ke, “Hwɔ nɛ ba a he je ɔ, wa ngɔ wa zugba amɛ, wa wai ngmɔ ɔmɛ, kɛ wa we ɔmɛ kɛ to awaba, bɔ nɛ pee nɛ wa na blɛfo nɛ waa ye.”

Nehemia 9:37

Zugba a baa ní babauu ha matsɛmɛ ɔmɛ nɛ a ngɔ to wa nya a mohu, se akɛnɛ wa pee yayami kɛ si mo ɔ, a pee wɔ nimli ɔmɛ, kɛ wa lohwe ɔmɛ yayami bɔ nɛ a suɔ, nɛ wa yi fi wawɛɛ nitsɛ!”

Abɛ Womi 22:7

Niatsɛ nyɔguɛ ji ohiatsɛ. Ke o pa sika ngɛ nɔ ko dɛ kɛkɛ o plɛ pee e nyɔguɛ.

Yoshua 16:10

Efraim bi ɔmɛ fie we Kanaan bi ɔmɛ kɛ ji Gezer; lɔ ɔ he ɔ, Kanaan bi ɔmɛ ngɛ Efraim bi ɔmɛ a kpɛti kɛ ba si mwɔnɛ ɔ; se a plɛ pee Efraim bi ɔmɛ a nyɔguɛhi, nɛ a sɔmɔɔ mɛ.