Nehemia 5:16 - BAIBLO ALOO NGMAMI KLƆUKLƆU Ɔ

¹⁶ I ngɔ ye he wami tsuo kɛ wo gbogbo fiami ní tsumi ɔ mi, nɛ i he we zugba ko ha ye he. Imi nitsɛ ye tsɔli po, i haa mɛ tsuo a ba fiaa gbogbo ɔ.

Nehemia 5:16 ပူးပေါင်းရင်းမြစ်များ

Nehemia 5:15

Amlaalo ɔmɛ tsuo nɛ hi sɛ ɔ nɔ loko e ba su ye nɔ ɔ ngɔ tlomi agbo ngɔ fɔ ni ɔmɛ a nɔ. A biɔ, nɛ a haa mɛ niye ní, kɛ wai kɛ piɛɔ sika hiɔ nyingmi eywiɛ he daa ligbi. A tsɔli ɔmɛ hu waa ma a yi mi. Se imi lɛɛ i pee we ja; ejakaa i yeɔ Mawu gbeye.

Nehemia 5:17

Jehanɛ, Yuda bi ɔmɛ kɛ a hɛ mi nyɛɛli ɔmɛ a kpɛti nihi lafa kɛ nyingmi enuɔ yeɔ ní ngɛ ye okplɔɔ he daa ligbi; slo nihi babauu nɛ jeɔ je ma amɛ nɛ bɔle wɔ ɔ a mi kɛ baa ye ngɔ ɔ.

Mose IV, 16:15

Mose mi mi fu wawɛɛ nitsɛ, nɛ e de Yawɛ ke, “Ko he bɔ ɔmɛ nɛ a ba sã a! I he we teji kake po ngɛ a dɛ, nɛ i yi a ti nɔ ko nɔ ko sane yayami ko hulɔ.”

Luka 8:15

Wuhi nɛ ya pue zugba kpakpa mi ɔ daa si ha nihi nɛ a tsui mi hi, nɛ a yeɔ anɔkuale. Mɛɛ lɛɛ ke a nu Mawu munyu ɔ, a tsuɔ he ní hluu kɛ ya siɔ e woɔ yiblii.

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

Galatabi 6:9

Lɔ ɔ he ɔ, wa ko ha nɛ kpakpa peemi nɛ gbe wa nya; ejakaa ke wa kɔni mi wui nyu ɔ, ní kpami be ɔ, wa ma na he se.