Nehemia 5:13 - BAIBLO ALOO NGMAMI KLƆUKLƆU Ɔ

¹³ Jehanɛ hu i je ye mlɛ mi fimi nɔ́ nɛ i huanya, nɛ i de mɛ ke, “Nɔ tsuaa nɔ nɛ be si womi nɛ ɔ nɔ yee ɔ, bɔ nɛ Mawu ma huanya lɛ kɛ je e we, kɛ e ní tsumi he ji nɛ ɔ nɛ; Mawu ma kpɔ nyɛ we ɔmɛ, kɛ nyɛ nɔ́ tsuaa nɔ́ ngɛ nyɛ dɛ, nɛ nyɛ maa pee pasaa.” Ni ɔmɛ tsuo nɛ kpe ngɛ lejɛ ɔ de ke, “Amen”, nɛ a je Mawu yi. Ma nimeli ɔmɛ ye a siwo ɔ nɔ.

Nehemia 5:13 ပူးပေါင်းရင်းမြစ်များ

Matsɛmɛ II, 23:3

E ya da titima a kasa nya, nɛ e kɛ Yawɛ so. E ka lɛ kita ke e maa bu lɛ tue, nɛ e maa ye e mlaa amɛ a nɔ kɛ e tsui tsuo, kɛ e klaa tsuo; nɛ níhi nɛ a ngma ngɛ mlaa womi ɔ mi ɔ, e maa pee lɛ tsuo pɛpɛɛpɛ. Kɛkɛ nɛ ma a tsuo wo si kaa a maa ye somi ɔ nɔ.

Kronika I, 16:36

Nyɛ je Yawɛ yi; nyɛ je Israel Mawu ɔ yi! Nyɛ je e yi mwɔnɛ ɔ, kɛ daa! Kɛkɛ nɛ ma a tsuo he nɔ ke, “Amen”, nɛ a je Yawɛ yi.

Nehemia 8:6

Jehanɛ Ezra de ke, “Nyɛ je Yawɛ Mawu kpetekpleenyɛ ɔ yi!” Ma a tsuo wo a nine nɔ nɛ a he nɔ ke, “Amen! Amen”. Kɛkɛ nɛ a kpla si nɛ a kɛ a hɛ mi bu si nɛ a ja Yawɛ.

La 119:106

O mlaa amɛ da saminya, lɔ ɔ he ɔ, imi hu i ngɛ mo si woe veveeve ke ma ye a nɔ sisiisi.

La 50:14

Nyɛɛ sã bɔ nɛ nyɛ kɛ na Mawu si, konɛ si nɛ nyɛ wo Hiɔwe No ɔ, nyɛɛ ye nɔ.

La 76:11

Nyɛɛ wo Yawɛ, nyɛ Mawu ɔ si, nɛ nyɛɛ ye siwo ɔmɛ a nɔ. Nyɛ nihi tsuo nɛ nyɛ bɔle Nyɔmtsɛ ɔ, nɔ nɛ he ngɛ gbeye ɔ, nyɛɛ ngɔ nike ní ba ha lɛ.

Abɛ Womi 28:4

Nɔ nɛ bui mlaa a, e kɛ nimli yayamihi lɛ bɔɔ. Se nɔ nɛ yeɔ mlaa nɔ ɔ, lɛɛ e kɛ mɛ toɔ ní.

Fiɛlɔ 5:5

Afani nɛ o wui si kulaa, pe kaa o maa wo si, nɛ o be nɔ yee.

Mose IV, 5:22

Nyu nɛ ɔ nɛ kɛ gbiɛmi baa nɔ nɔ ɔ, e sɛ o mi mi, nɛ e ha nɛ o mi nɛ fu, nɛ o mi si nɛ nɔ mi.’ Kɛkɛ, yo ɔ ma he nɔ ke, ‘E ba mi! E ba mi!’

Mateo 10:14

Ke we, loo ma ko mi bi he we nyɛ atuu, nɛ nyɛ sɛ gbi ɔ hu, a bui tue ɔ, nyɛ blɛ nyɛ nane si zu ngɔ pue lejɛ ɔ, nɛ nyɛɛ je.

Ni Tsumi 13:51

Bɔfo ɔmɛ blɛ a nane si bunyuku ngɔ pue ni ɔmɛ a nɔ, nɛ a je kɛ ho Ikoniom ya.

Ni Tsumi 18:6

Enɛ ɔ he ɔ, a te si wo lɛ, nɛ a tu musu bɔmi munyuhi kɛ si lɛ. Lɔ ɔ he ɔ, e huanya e tade mi mu kɛ pue a nɔ, nɛ e de mɛ ke, “Nyɛ musu tloo nyɛ! Imi lɛɛ ye nya be mi. Kɛ je be nɛ ɔ kɛ yaa a, ma je li ɔmɛ a ngɔ ma ya.”

1 Korintobi 14:16

Ke o ngɛ Mawu si nae ngɛ mumi mi kɛkɛ ɔ, nɔ ko nɛ hii si ngɛ lejɛ ɔ, nɛ lɛɛ e li mi eko ɔ, kɛ e maa pee kɛɛ nɛ e ma de “Amen” ngɔ si o sina sɔlemi ɔ nɔ? Blɔ ko blɔ ko be nɛ e kɛ maa le nɔ́ nɛ o ngɛ dee ɔ.

Samuel I, 15:28

Nɛ Samuel de lɛ ke, “Yawɛ hía Israel matsɛ yemi ɔ kɛ je o he mwɔnɛ ɔ, nɛ e ngɔ kɛ ha o nyɛmi ko nɛ hi pe mo.