Nehemia 5:12 - BAIBLO ALOO NGMAMI KLƆUKLƆU Ɔ

¹² Ma nimeli ɔmɛ kplɛɛ, nɛ a de ke, “Wa maa pee bɔ nɛ o de ɔ. Wa maa kpale nɔ́ tsuaa nɔ́ kɛ ha mɛ. Wa be nɔ́ ko nɔ́ ko hee ngɛ a dɛ.” Kɛkɛ nɛ i tsɛ osɔfo ɔmɛ kɛ ba, nɛ i ha ma nimeli ɔmɛ ka kita kɛ fɔ nɔ ngɛ a hɛ mi kaa a maa pee bɔ nɛ a wo si ɔ.

Nehemia 5:12 ပူးပေါင်းရင်းမြစ်များ

Ezra 10:12

Kɛkɛ nɛ ma a tsuo he nɔ kɛ ngmlaa ke “Saminya! Bɔ nɛ o de ɔ, wa maa pee jã.”

Ezra 10:5

Kɛkɛ nɛ Ezra te si, nɛ e ha nɛ osɔfo ɔmɛ a hɛ mi nyɛɛli ɔmɛ, Levi bi ɔmɛ, kɛ Israel ma a tsuo ka kita kaa a maa pee nɔ́ nɛ Shekania de ɔ.

Nehemia 10:29

wa piɛ wa ma nimeli ɔmɛ a he kɛ ngɛ kita kae ke gbiɛmi nɛ ba wa nɔ ke wa tɔ kita a. Wa ngɛ kita kae ke Mawu mlaa a nɛ e wo wɔ kɛ gu e tsɔlɔ Mose nɔ ɔ, wa maa ye nɔ. Wa ngɛ kita kae ke níhi tsuo kulaa nɛ Yawɛ, wa Mawu ɔ fa wɔ ke waa pee ɔ, wa maa pee. Wa ngɛ kita kae ekohu ke wa maa ye e mlaa amɛ, kɛ blɔ nya tomi ɔmɛ tsuo a nɔ.

Nehemia 10:30

Waa kɛ wa biyi ɔmɛ be nibwɔhi nɛ ngɛ wa zugba a nɔ ɔ gba hae, nɛ wa binyumu ɔmɛ hu be a biyi ɔmɛ ngɔe.

Nehemia 10:31

Ke nibwɔhi ba jua niye ní, loo nɔ́ kpa ko ha wɔ ngɛ Hejɔɔmi ligbi ɔ nɔ, loo nyami be kpa ko mi ɔ, wa be hee. Daa jeha kpaago ɔ, wa be ngmɔ hue. Jehanɛ hu, hiɔhi nɛ nihi hɛɛ wɔ ɔ tsuo wa be jee hu; wa maa ngɔ kɛ ke mɛ.

Nehemia 13:25

Lɔ ɔ he ɔ, i ka nyumu ɔmɛ a hɛ mi, nɛ i gbiɛ mɛ; i fia ni komɛ ní, nɛ i hiaa a yi bwɔmi. Jehanɛ, i ha a kɛ Mawu biɛ ka kita ke mɛ nitsɛmɛ, kɛ a binyumu ɔmɛ be nibwɔhi a biyi ɔmɛ ngɔe, nɛ a biyi ɔmɛ hu be nibwɔhi gbae kɔkɔɔkɔ hu.

Nehemia 5:11

Hiɔhi tsuo nɛ a hɛɛ nyɛ ɔ, nyɛ ngɔ ke mɛ: sika jio, blɛfo jio, wai jio, oliv nu jio; nɛ nyɛɛ kpale a ngmɔ ɔmɛ, a wai ngmɔ ɔmɛ, oliv abɔɔ ɔmɛ kɛ a we ɔmɛ kɛ ha mɛ amlɔ!”

Mateo 26:63

Se Yesu pɛ̃ e nya mi. Osɔfo nɔkɔtɔma pe kulaa a kɛ lɛ tu munyu ekohu ke, “I ngɛ mo kita kae ngɛ Mawu hɛ kalɔ ɔ biɛ mi kaa ke mo ji Kristo, Mawu Bi ɔ, de wɔ!”

Luka 19:8

Zakeo te da si nɛ e de Nyɔmtsɛ ɔ ke, “Nyɔmtsɛ, bu tue! Ma ngɔ ye níhi fa kɛ ha ohiatsɛmɛ. Ke i sisi nɔ ko ɔ, nɔ́ nɛ i kpɔ ngɛ e dɛ yaka a, ma ku ngɔ bɔ he si eywiɛ ha lɛ.”