Nehemia 5:10 - BAIBLO ALOO NGMAMI KLƆUKLƆU Ɔ

¹⁰ Imi nitsɛ i ha nɛ ma a pa sika kɛ blɛfo ngɛ ye dɛ, nɛ ye he piɛli ɔmɛ kɛ ye ní tsuli ɔmɛ hu pee ja. Lɔ ɔ he ɔ, nyɛ ha nɛ waa ngɔ hiɔ ɔmɛ tsuo kɛ ke mɛ.

Nehemia 5:10 ပူးပေါင်းရင်းမြစ်များ

Nehemia 10:32

Wa ngɛ si woe hu ke daa jeha a, wa ti nɔ tsuaa nɔ ma tsu sika hiɔ yi kake mi dlami etɛ mi kake, nɛ a kɛ wo wa Mawu ɔ we ɔ he hiɔ ɔmɛ.

Nehemia 5:11

Hiɔhi tsuo nɛ a hɛɛ nyɛ ɔ, nyɛ ngɔ ke mɛ: sika jio, blɛfo jio, wai jio, oliv nu jio; nɛ nyɛɛ kpale a ngmɔ ɔmɛ, a wai ngmɔ ɔmɛ, oliv abɔɔ ɔmɛ kɛ a we ɔmɛ kɛ ha mɛ amlɔ!”

Nehemia 5:7

nɛ i to ye yi mi kaa ma pee he nɔ́ ko amlɔ. I kuɛ wo ma nimeli ɔmɛ, kɛ ma ní tsuli ɔmɛ, nɛ i kã a hɛ mi ke, “Nyɛ ngɛ nyɛ nitsɛmɛ nyɛ nyɛmimɛ ɔmɛ yi mi wae!” Jehanɛ i tsɛ ma a kpe, konɛ waa hyɛ munyu nɛ ɔ mi.

Nehemia 5:9

Kɛkɛ nɛ i ngɔ pi a hɛ mi ke, “Nɔ́ nɛ nyɛ ngɛ pee ɔ dɛ! E sa kaa nyɛɛ ye Mawu gbeye, nɛ nyɛɛ pee nɔ́ nɛ da. Ke nyɛ pee nɔ́ nɛ da a, wa he nyɛli ɔmɛ, nɛ ji ma je li ɔmɛ be nɔ́ ko nae nɛ a maa da nɔ kɛ bɔ wɔ ahlua.

La 15:5

Nɔ nɛ ke e pa sika ha nihi ɔ, e he we hekpa. Nɔ nɛ he we nyɔ mi ní nɛ e kɛ ye odase ngɔ si nihi nɛ yi fɔ. Nɔ nɛ peeɔ ní nɛ ɔmɛ ɔ, nɔ́ ko nɔ́ ko be e he sae.

Yesaya 58:6

“Hwɔ hami nɛ maa sa ye hɛ mi ji nɛ ɔ nɛ. Nyɛ kpa yi wu tso ní peemi, nɛ nyɛɛ ye dami sane. Nyɛ kplɔ kuɛpã tso ngɛ ni nɛmɛ nɛ nyɛ ngɛ mɛ yi mi wae ɔ a kuɛ, nɛ nyɛɛ ku mɛ dukuduku, konɛ ni ɔmɛ nɛ a ye a he.

Ezekiel 18:13

nɛ e paa sika kɛ haa nɔ, nɛ e heɔ hekpa a, anɛ nɔmlɔ kaa kikɛ nɛ ɔ yi nɛ na wami lo? Dɛbi! E yi be wami nae kɔkɔɔkɔ! Ní hiemi ní nɛ ɔmɛ tsuo nɛ e pee ɔ a he ɔ, e ma gbo. E gbenɔ ɔ sa lɛ nitsɛ.

Ezekiel 18:7

E wɛ nɔ ko yi mi. Ke nɔ ko kɛ nɔ́ ko ba to lɛ awaba a, e kpaleɔ kɛ haa lɛ. Ke hwɔ ngɛ nɔ ko yee ɔ, e haa lɛ niye ní; nɛ ke nɔ ko hɛɛ e he gu ɔ, e haa lɛ he ha nɔ́.

Ezekiel 18:8

Ke e pa sika ha nɔ ko ɔ, e he we hekpa. E yɛ he nɛ a ngɛ yayami pee ngɛ, konɛ yayami ko sã lɛ. E kojoɔ nɔ kɛ e nyɛmi a kpɛti sane anɔkuale mi.

Mika 2:1

Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.

2 Korintobi 5:11

Lɔ ɔ he ɔ, wɔ nɛ waa kɛ bu yee Nyɔmtsɛ ɔ gbeye ɔ, wa bɔɔ mɔde tuɔ munyu tsɔɔ nihi. Wɔ nitsɛmɛ lɛɛ, Mawu le bɔ nɛ wa ngɛ ha. Nɛ i heɔ yeɔ kaa nyɛ hu nyɛ le wɔ kɛ pi si jã nɔuu.

2 Korintobi 5:20

Lɔ ɔ he ɔ, wa ji bɔfohi ngɛ Kristo biɛ mi ejakaa Mawu gu wa nɔ nɛ e kɛ nihi ngɛ munyu tue. Waa kɛ Kristo biɛ ngɛ nyɛ pɛɛ kpae ke nyɛ ha nɛ a dla nyɛɛ kɛ Mawu nyɛ kpɛti.

2 Korintobi 6:1

Akɛnɛ waa kɛ Mawu ngɛ ní tsue ɔ, wa kpa nyɛ pɛɛ, dloomi nɛ nyɛ na kɛ je Mawu dɛ mi ɔ, nyɛ ko ha nɛ e pee yaka.

Mose V, 15:2

Bɔ nɛ o maa pee ji nɛ ɔ nɛ: nɔ tsuaa nɔ nɛ pa Israel fɔfɔɛ ko sika a, e kɛ ke lɛ; e ko je hiɔ ɔ hu. Yawɛ nitsɛ nɛ de ke a kɛ hiɔ ɔ nɛ ke.