Nehemia 4:7 - BAIBLO ALOO NGMAMI KLƆUKLƆU Ɔ

⁷ Sanbalat, Tobia, Arabia bi ɔmɛ, Amon bi ɔmɛ, kɛ Ashdod bi ɔmɛ nu kaa wa ngɛ Yerusalem gbogbo ɔ fiae mlamlaamla, nɛ wa ngɛ puɔ ɔmɛ tsie. Kɛkɛ nɛ a mi mi fu wawɛɛ nitsɛ.

Nehemia 4:7 ပူးပေါင်းရင်းမြစ်များ

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Matsɛmɛ II, 24:2

Yawɛ tsɔ Babilonia, Siria, Moab, kɛ Amon ta buli kɛ ho Yehoyakim ngɔ ya, konɛ a ya kpata Yuda zugba a hɛ mi kaa bɔ nɛ Yawɛ gu e tsɔli gbali ɔmɛ a nɔ de to ke e maa pee ɔ.

Kronika II, 20:1

Pee se ɔ, Moab bi kɛ, Amon bi, kɛ a huɛmɛ nɛ ji Meun bi ɔmɛ ba tua Yuda ma a.

Ezra 5:8

“Nɛnɛ, wa ngɛ hae nɛ o le kaa wa ya Yuda, he nɛ Mawu kpetekpleenyɛ ɔ we ɔ ngɛ ɔ. Wa na kaa a ngɔ tɛ agboagbohi kɛ ngɛ gbogbo ɔ fiae, nɛ a ngɛ tso toe kɛ ngɛ nɔ puee. Ni ɔmɛ ngɛ ní tsumi ɔ tsue kɛ hɛdɔ, nɛ nɔ́ tsuaa nɔ́ ngɛ nɔ yae bɔ nɛ sa.

Nehemia 2:10

Se benɛ Sanbalat nɛ je Bet Horon, kɛ Tobia, ma ní tsulɔ ko nɛ je Amon zugba a nɔ ɔ nu kaa nɔ ko ba nɛ e ba ngɛ nɔ́ kpakpa hlae ha Israel bi ɔmɛ ɔ, e dɔ mɛ wawɛɛ nitsɛ.

Nehemia 2:19

Se benɛ Sanbalat nɛ je Bet Horon, Tobia, ma ní tsulɔ ɔ nɛ je Amon zugba a nɔ, kɛ Arabia no ɔ nɛ a tsɛɛ lɛ Geshem ɔ nu he ɔ, a muɔ wɔ, nɛ a ye wa he fɛu, nɛ a de ke, “Mɛni sane nyɛ ngɛ yee nɛ ɔ? Nyɛ ma tsɔ matsɛ ɔ hɛ mi atuã lo?”

Nehemia 4:1

Benɛ Sanbalat nu kaa wɔ Yuda bi ɔmɛ, wa bɔni gbogbo ɔmɛ fiami ɔ, e mi mi fu wawɛɛ nitsɛ, nɛ e ye wa he fɛu.

Nehemia 4:6

Wa ya nɔ wa fia gbogbo ɔ ekohu. E kɛ we kulaa nɛ wa fia kɛ ta gbogbo ɔ kpɛti; ejakaa ma a hɛ dɔ kɛ wo ní tsumi ɔ he.

Nehemia 4:8

Lɔ ɔ he ɔ, mɛ tsuo a so kaa a kɛ Yerusalem maa hwu ta nɛ a gudu lejɛ ɔ.

Nehemia 6:16

Benɛ wa he nyɛli nɛ ngɛ je mahi nɛ bɔle wɔ kɛ kpe ɔ a mi ɔ nu enɛ ɔ, a ye gbeye, nɛ a nini je a nɔ; ejakaa mɛ tsuo a le kaa wa Mawu ɔ piɛ wa he kɛ tsu ní ɔ.

Yeremia 41:10

Jehanɛ Ishmael nuu nihi tsuo nɛ piɛ ngɛ Mizpa a kɛ je. Matsɛbiyi ɔmɛ, kɛ nihi tsuo nɛ tatsɛ Nebuzaradan ngɔ kɛ wo Ahikam bi Gedalia dɛ mi po, Ishmael nuu mɛ, nɛ e kɛ mɛ pue nɔ kɛ yaa Amon bi ɔmɛ a zugba a nɔ.

Amos 1:13

Yawɛ ke, “Amon ma mi bi ɔmɛ pee yayamihi nɔtonɔto babauu. Benɛ a ngɛ ta hwue ngɛ Gilead nɛ a kɛ kpɔ nihi a zugba a, a pee yi wu tso níhi fuu; a kɛ klaate tsɔtslɔɔ yihɔyihi po a mi mi. Enɛ ɔ he je ɔ, ja i gbla a tue kokooko.

Amos 1:8

Ma gbe ma nɔ yeli ɔmɛ ngɛ Ashdod kɛ Ashkelon. Ma gbla Ekron ma a tue, nɛ Filisti bi nɛ a he maa je tue gblami nɛ ɔ mi ɔ ma gbo.” Yawɛ lɛ de.

Amos 3:9

Mawu de gbalɔ ɔ ke e tsɔ nɛ a ya de nihi nɛ a ngɛ mɔ nguanguahi a mi ngɛ Egipt kɛ Ashdod ke, “Nyɛ ya bua nyɛ he nya ngɛ yo ɔmɛ nɛ bɔle Samaria a nɔ, nɛ́ nyɛɛ hyɛ yayamihi nɛ a ngɛ pee ngɛ lejɛ ɔ, kɛ bɔ nɛ lejɛ ɔ pee basabasa ha.”

Ni Tsumi 5:33

Benɛ kpe ngua a mi bi ɔmɛ nu munyu nɛ ɔ, e wo a mi mi la wawɛɛ nitsɛ, nɛ e pee mɛ kaa a gbe bɔfo ɔmɛ.

Kpojemi 12:17

Sinɔ nguaa a mi mi fu yo ɔ, nɛ e pue nɔ kɛ ho, konɛ e kɛ yo ɔ nina nɛ piɛ ɔ, nihi tsuo nɛ yeɔ Mawu mlaa amɛ a nɔ, kɛ ni nɛmɛ hu nɛ fiɛɔ sɛ gbi ɔ nɛ kɔɔ Yesu he ɔ ya hwu ta.

Samuel I, 11:2

Se Nahash de mɛ ke, “Loko i kɛ nyɛ maa so ɔ, ma ta nɔ tsuaa nɔ hiɔ hɛngmɛ, nɛ i kɛ nɔ́ nɛ ɔ ma pue Israel tsuo hɛ mi si.”