Nehemia 4:4 - BAIBLO ALOO NGMAMI KLƆUKLƆU Ɔ

⁴ I sɔle ke, “Wa Mawu lee, moo bu bɔ nɛ a ngɛ wa he fɛu yee ɔ tue. Ha nɛ zo nɛ gbe mɛ ngɛ nɔ́ nɛ a pee ɔ he. Ha nɛ a kpɔ a nɔ́ tsuaa nɔ́ ngɛ a dɛ; nɛ a nuu mɛ nyɔguɛ kɛ ya ma se.

Nehemia 4:4 ပူးပေါင်းရင်းမြစ်များ

La 79:12

Nyɔmtsɛ, je mahi tsuo nɛ ye o he fɛu ɔ, gbla a tue si kpaago kɛ to nɔ́ nɛ a pee ɔ nya.

Abɛ Womi 3:34

Yawɛ kɛ he nɔ woli bɔɛ; se nihi nɛ baa a he si lɛɛ e naa mɛ mɔbɔ.

Hosea 12:14

Israel ma a wo Yawɛ mi mi la wawɛɛ nitsɛ. Yi wu tso níhi nɛ a pee he je ɔ, a sa gbenɔ. Yawɛ maa gbla a tue ngɛ e hɛ mi si nɛ a pue ɔ he.

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Nehemia 5:9

Kɛkɛ nɛ i ngɔ pi a hɛ mi ke, “Nɔ́ nɛ nyɛ ngɛ pee ɔ dɛ! E sa kaa nyɛɛ ye Mawu gbeye, nɛ nyɛɛ pee nɔ́ nɛ da. Ke nyɛ pee nɔ́ nɛ da a, wa he nyɛli ɔmɛ, nɛ ji ma je li ɔmɛ be nɔ́ ko nae nɛ a maa da nɔ kɛ bɔ wɔ ahlua.

Kɔmɔ Yemi 1:22

“Yayami tsuo nɛ a pee ɔ, hyɛ nɛ o kɛ mɛ nɛ to ní ngɛ he kaa bɔ nɛ o pee imi hu ngɛ ye yayami ɔmɛ tsuo a he ɔ. Ye kɛmɛmi ɔ nya ba wa tsɔ, nɛ ye he wami ta.”