Nehemia 4:23 - BAIBLO ALOO NGMAMI KLƆUKLƆU Ɔ

²³ Enɛ ɔ he ɔ, i kɛ ye nyɛmimɛ ɔmɛ, ye we bi ɔmɛ, kɛ ye he buli ɔmɛ nɛ ngɛ ye se ɔ, wa je we wa tade ɔmɛ ngɛ wa he; mohu nɔ tsuaa nɔ hɛɛ e tahwu ní ngɛ e dɛ.

Nehemia 4:23 ပူးပေါင်းရင်းမြစ်များ

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

Nehemia 7:2

I ngɔ nihi enyɔ ngɔ to Yerusalem kaa ma a nɔ hyɛli. Mɛ ji ye nyɛmi Hanani, kɛ Hanania, mɔ nɔ hyɛlɔ nɔkɔtɔma a. Hanania yeɔ anɔkuale, nɛ e yee Mawu gbeye pe nihi tsuo.

Nehemia 5:16

I ngɔ ye he wami tsuo kɛ wo gbogbo fiami ní tsumi ɔ mi, nɛ i he we zugba ko ha ye he. Imi nitsɛ ye tsɔli po, i haa mɛ tsuo a ba fiaa gbogbo ɔ.

Manyadali 9:48

Abimelek kɛ e we bi ɔmɛ tsuo kuɔ Zalmon yo ɔ. Abimelek ya ngɔ gbiɛ nɛ e kɛ po tso kɔni, nɛ e kɛ fɔ e konɔ. Kɛkɛ nɛ e de e we bi ɔmɛ ke, “Nɔ́ nɛ nyɛ na nɛ i pee nɛ ɔ, nyɛ he nɛ sɔ, nɛ nyɛ hu nyɛɛ pee ja nɔuu.”

Manyadali 5:11

Nyɛɛ bu tue! Nimli asafo ɔ nɛ pueɔ si ngɛ nyɛ nyu yɛmi he ɔmɛ ɔ, a ngɛ lae, nɛ a ngɛ gbae bɔ nɛ Yawɛ ye manye ha Israel. Kɛkɛ nɛ Yawɛ ma a kɛ gɛjɛmi nyɛɛ kɛ ba agbo ɔmɛ a nya.

Nehemia 4:22

Jamɛ a be ɔ, i de ní tsumi ɔ nɔ hyɛli ɔmɛ ke a kɛ ní tsuli ɔmɛ tsuo nɛ a ba hi Yerusalem, bɔ nɛ pee nɛ waa bu ma a he nyɔ mi, nɛ ke je na a, wa tsu ní.

Nehemia 5:1

Be ko se ɔ, ma mi bi ɔmɛ ekomɛ, nyumuhi kɛ yihi tsuo ba bɔni ngmlaa kpami kɛ ngɛ a nyɛmimɛ Yuda bi ɔmɛ woe.

Yoel 2:8

nɛ nɔ ko be e nyɛmi hlami poe hulɔ. A maa gblee níhi a mi kɛ be slɔkee, nɛ nɔ́ ko nɔ́ ko be mɛ blɔ tsie.