Nehemia 4:21 - BAIBLO ALOO NGMAMI KLƆUKLƆU Ɔ

²¹ Lɔ ɔ he ɔ, bɔ nɛ wa tsu ní ɔ ji nɛ ɔ nɛ. Daa ligbi ɔ, kɛ je makɛ futɛfutɛ kɛ ya si gbɔkuɛ be nɛ dodoe ɔmɛ maa je kpo ɔ, wa ti ni fa hii gbogbo ɔ fiae, nɛ ni fa hu hɛɛ akplɔhi kɛ daa si kɛ ngɛ bue.

Nehemia 4:21 ပူးပေါင်းရင်းမြစ်များ

Nehemia 4:20

Ke nyɛ nu titimati ɔ pɛmi pɛ, nyɛ bua nyɛ he nya kɛ ba wa ngɔ ngɛ lejɛ ɔ. Wa Mawu ɔ maa hwu ha wɔ.”

Nehemia 4:22

Jamɛ a be ɔ, i de ní tsumi ɔ nɔ hyɛli ɔmɛ ke a kɛ ní tsuli ɔmɛ tsuo nɛ a ba hi Yerusalem, bɔ nɛ pee nɛ waa bu ma a he nyɔ mi, nɛ ke je na a, wa tsu ní.

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

Galatabi 6:9

Lɔ ɔ he ɔ, wa ko ha nɛ kpakpa peemi nɛ gbe wa nya; ejakaa ke wa kɔni mi wui nyu ɔ, ní kpami be ɔ, wa ma na he se.

Kolosebi 1:29

Enɛ ɔ he ɔ, i kɛ Kristo he wami kpetekpleenyɛ ɔ nɛ ngɛ ye mi ɔ gboɔ dengme wawɛɛ kɛ tsuɔ ní.