Nehemia 4:20 - BAIBLO ALOO NGMAMI KLƆUKLƆU Ɔ

²⁰ Ke nyɛ nu titimati ɔ pɛmi pɛ, nyɛ bua nyɛ he nya kɛ ba wa ngɔ ngɛ lejɛ ɔ. Wa Mawu ɔ maa hwu ha wɔ.”

Nehemia 4:20 ပူးပေါင်းရင်းမြစ်များ

Kronika I, 19:12

Yoab de lɛ ke, “Ke e ba mi kaa i ya nyɛ we Siria bi ɔmɛ ɔ, lɛɛ o ba nɛ o ba piɛ ye he. Se ke Amon bi ɔmɛ ngɛ mo gbee ɔ, lɛɛ imi hu ma ba piɛ o he.

Nehemia 4:19

I de ni ɔmɛ, ma nimeli ɔmɛ, kɛ ma ní tsuli ɔmɛ ke, “Ní tsumi ɔ yi bli kɛ ya se lokoo, nɛ e ha waa kɛ wa sibi wa kpɛti kɛ tsɔ ngɛ gbogbo ɔ nɔ.

Nehemia 4:21

Lɔ ɔ he ɔ, bɔ nɛ wa tsu ní ɔ ji nɛ ɔ nɛ. Daa ligbi ɔ, kɛ je makɛ futɛfutɛ kɛ ya si gbɔkuɛ be nɛ dodoe ɔmɛ maa je kpo ɔ, wa ti ni fa hii gbogbo ɔ fiae, nɛ ni fa hu hɛɛ akplɔhi kɛ daa si kɛ ngɛ bue.

Mose II, 14:14

Yawɛ maa hwu ha nyɛ; nyɛɛ lɛɛ nyɛɛ buɛ dii!”

Mose II, 14:25

Yawɛ ha nɛ Egipt bi ɔmɛ a ta zugba lɛ ɔmɛ a nanehi pu zu, nɛ a nyɛɛmi pee dengme. Egipt bi ɔmɛ a nya hé gbi nɛ a de ke, “Nyɛ ha waa tu fo ngɛ Israel bi ɔmɛ a nya; ejakaa Yawɛ piɛ a he nɛ e kɛ wɔ Egipt bi ɔmɛ ngɛ fiae.”

Zakaria 14:3

Jehanɛ, Yawɛ kɛ je ma amɛ maa to ní kaa bɔ nɛ e peeɔ ngɛ ta nga nɔ ɔ.

Mose V, 1:30

Yawɛ, nyɛ Mawu ɔ nɛ nyɛɛ nyɛ hɛ mi ɔ, lɛ nitsɛ e maa hwu ha nyɛ kaa bɔ nɛ e pee ha nyɛ ngɛ Egipt,

Mose V, 20:4

Yawɛ, nyɛ Mawu ɔ nitsɛ kɛ nyɛ yaa, nɛ e ma ha nyɛ maa ye kunimi.’

Mose V, 3:22

Nyɛ ko ye mɛ gbeye, ejakaa Yawɛ, nyɛ Mawu ɔ maa hwu ha nyɛ.’ ”

Yoshua 23:10

Nyɛ ti nɔ kake ma nyɛ wo nihi akpe fo, ejakaa Yawɛ, nyɛ Mawu ɔ ngɛ ta hwue ha nyɛ kaa bɔ nɛ e wo si ɔ.