Nehemia 4:17 - BAIBLO ALOO NGMAMI KLƆUKLƆU Ɔ

¹⁷ Nihi nɛ ngɛ gbogbo ɔ fiae, kɛ nihi nɛ ngɛ tɛhi kɛ níhi tlooe ɔ, nɔ tsuaa nɔ kɛ e nine kake ngɛ ní ɔ tsue, nɛ e kɛ e nine kake hu hɛɛ ta hwumi níhi.

Nehemia 4:17 ပူးပေါင်းရင်းမြစ်များ

2 Timoteo 4:7

Ta kpakpa a, i hwu; i tu fo ɔ tsuo gbe nya. I pɛtɛ hemi kɛ yemi ɔ he.

2 Timoteo 2:3

Mia o hɛ mi kɛ na nɔ́ kaa Kristo Yesu ta bulɔ kpakpa.

2 Korintobi 6:7

anɔkuale munyu tumi, kɛ Mawu he wami nɛ ngɛ ní tsue ngɛ wa mi ɔ tsɔɔ kaa Mawu tsɔli ji wɔ. Wa peeɔ nɔ́ nɛ da, nɛ lɔ ɔ ji wa ta hwumi ní nɛ waa hɛɛ hiɔ kɛ muɔ nɛ wa kɛ faa wa he.

Filipibi 1:28

Nyɛ ko ha nɛ nihi nɛ teɔ si woɔ nyɛ ɔ a ní peepee nɛ wo nyɛ he gbeye. Nyɛɛ pee kã be tsuaa be. Lɔ ɔ ma ha nɛ a maa na paa kaa a hɛ mi ma kpata, se nyɛɛ lɛɛ a ma he nyɛ yi wami. Ejakaa enɛ ɔ lɛɛ Mawu dɛ mi e je.

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

1 Korintobi 16:9

Blɔ bli ha mi ngɛ hiɛ ɔ nɛ ma tsu ní saminya, se kɛ̃ ɔ, nihi nɛ teɔ si woɔ mi ɔ, mɛ hu a ngɛ hiɛ ɔ babauu.

1 Korintobi 9:12

Ke ni kpahi ngɛ he blɔ kaa a hyɛɔ níhi kaa kikɛ nɛ ɔ blɔ kɛ jeɔ nyɛ dɛ ɔ, anɛ wɔɔ lɛɛ wa be he blɔ kulaa pe mɛ lo? Se waa kɛ he blɔ nɛ ɔ tsu we ní. Mohu ɔ, wa to wa tsui si ngɛ nɔ́ tsuaa nɔ́ mi, konɛ wa ko pee nɔ́ ko nɛ maa tsi Kristo he sane kpakpa a fiɛmi ɔ nya.

Daniel 9:25

Lɔ ɔ he ɔ, na nɛ o le kaa kɛ je be nɛ a ma fa ke a kpale ma Yerusalem ekohu, kɛ yaa si be nɛ ganɔ ɔ nɛ Mawu hla a maa ba a, jeha kpaago totoe kpaago maa be. A maa kpale ma Yerusalem ma a ekohu. A ma je gbɛjegbɛhi kɛ wo ma a mi; nɛ a maa fia gbogbo kɛ wo he, nɛ ma a maa hi si jeha kpaago totoe nyingmi ekpa kɛ enyɔ. Se jamɛ a be ɔ maa pee fimi be.

Nehemia 4:13

Lɔ ɔ he ɔ, i ngɔ nihi nɛ hɛɛ klaatehi, akplɔhi, kɛ kɛ̃ɛ̃hi ngɔ to gbogbo ɔmɛ a se hehi nɛ a gbi a fiami nya lolo ɔ. I ha buli nɛ ɔmɛ ya da si weku nya weku nya.

Nehemia 4:16

Kɛ je jamɛ a ligbi ɔ kɛ yaa a, i dla ye we bi ɔmɛ a mi enyɔ; be nɛ ni fa ngɛ gbogbo ɔ fiae ɔ, ni fa hu mia kɛ gbaja, nɛ a hɛɛ akplɔhi, tsɛ̃ihi, kɛ kɛ̃ɛ̃hi kɛ daa si, ngɛ bue. Wa ma nimeli ɔmɛ tsuo fí Yuda ma a se kpɛii.

Nehemia 4:18

Ní tsuli ɔmɛ tsuo nɛ ngɛ gbogbo ɔ he ní tsue ɔ fi klaate ngɛ a mlɛ mi. Titimati kpalɔ ɔ ngɛ ye kasa nya.

La 149:6

Á la kɛ he wami kɛ je Mawu yi. Jamɛ a be ɔ mi ɔ, á hɛɛ klaate nya enyɔtsɛ ngɛ a dɛ mi,

Lahi 3:8

A ti nɔ tsuaa nɔ mia kɛ klaate nɛ e kɛ ma fa e he ke a ma ba tua mɛ nyɔ mi.

Yoel 2:8

nɛ nɔ ko be e nyɛmi hlami poe hulɔ. A maa gblee níhi a mi kɛ be slɔkee, nɛ nɔ́ ko nɔ́ ko be mɛ blɔ tsie.