Nehemia 4:12 - BAIBLO ALOO NGMAMI KLƆUKLƆU Ɔ

¹² Se be tsuaa be ɔ, Yuda bi nɛ kɛ wa he nyɛli ɔmɛ ngɛ he kake ɔ ba woɔ wa tue nɔ ngɛ gahi nɛ he nyɛli ɔmɛ ngɛ toe ɔ a he.

Nehemia 4:12 ပူးပေါင်းရင်းမြစ်များ

Mose I, 31:41

Kikɛ nɛ ɔ i pee nɛ i kɛ ye jeha nyingmi enyɔ sɔuu ngɛ o ngɔ. I tsu ní jeha nyɔngma kɛ eywiɛ, nɛ i kɛ ngɔ o biyi enyɔ ɔmɛ. Jehanɛ, i hyɛ o to ɔmɛ jeha ekpa, se kɛ̃ o tsake ye hiɔwo ɔ si nyɔngma.

Mose I, 31:7

Nyɛ tsɛ sisi mi, nɛ e tsake ye hiɔwo ɔ si nyɔngma. Se Mawu ngmɛ́ lɛ blɔ nɛ e pee mi yayami ko.

Nehemia 4:11

Wa he nyɛli ɔmɛ susu kaa wa be mɛ nae, loo wa be nɔ́ nɛ ngɛ nɔ yae ngɛ a kpɛti ɔ lee kɛ yaa si be nɛ a ma ba tua wɔ tlukaa, nɛ a maa gbe wɔ, konɛ ní tsumi ɔ se nɛ po.

Nehemia 4:13

Lɔ ɔ he ɔ, i ngɔ nihi nɛ hɛɛ klaatehi, akplɔhi, kɛ kɛ̃ɛ̃hi ngɔ to gbogbo ɔmɛ a se hehi nɛ a gbi a fiami nya lolo ɔ. I ha buli nɛ ɔmɛ ya da si weku nya weku nya.

Hiob 19:3

Kpamisa nɛ ɔ, jɛmi kɛkɛ nyɛ ngɛ mi jɛe. Anɛ e pee we nyɛ zo kaa nyɛ ngɛ mi nisɛ ní pee lo?

Daniel 1:20

Be tsuaa be nɛ matsɛ ɔ ma bi a ga womi ngɛ sanehi nɛ hia yi mi susumi wawɛɛ, kɛ nɔ́ he buami nɛ nɔ́ jemi ko be he a he ɔ, e naa kaa nihewi eywiɛ nɛ ɔmɛ a juɛmi mi kuɔ si nyɔngma pe klaali kɛ kunya yeli tsuo nɛ ngɛ e matsɛ yemi he ɔmɛ tsuo.

Mose IV, 14:22

nihi tsuo nɛ na ye hɛ mi nyami, kɛ okadihi nɛ i pee ngɛ Egipt kɛ nga a nɔ, se kɛ̃ a ka mi si nyɔngma sɔuu, nɛ a bui ye gbi tue ɔ,