Nehemia 3:8 - BAIBLO ALOO NGMAMI KLƆUKLƆU Ɔ

⁸ Harhaya binyumu Uziel, sika tsu ga ní tsulɔ ɔ fia gbogbo ɔ nɔ tsami ɔ. Hanania, nu kɛ e he via peelɔ ɔ fia gbogbo ɔ kɛ tsa nɔ kɛ ya su he nɛ a tsɛɛ Gbogbo Gbajaa a he.

Nehemia 3:8 ပူးပေါင်းရင်းမြစ်များ

Mose I, 50:2

E fa e tsɔli nɛ peeɔ tsopa a ke a wo e tsɛ ɔ tsopa konɛ e ko puɛ; nɛ a pee ja.

Nehemia 12:38

Kuu enyɔne ɔ nyɛɛ muɔ nɔ ngɛ gbogbo ɔ nɔ, nɛ i kɛ ma a fa nyɛɛ a se. Wa to kɛ nyɛɛ kɛ ya gu Flɔɔnɔɔ Mɔ ɔ nɔ, kɛ ya su Gbogbo Gbajaa he.

Mose II, 30:25

Ngɔɔ tsopa nɛ ɔmɛ kɛ pee nɔ pɔmi nu klɔuklɔu, nɛ e hi kaa nɔ́ nɛ tsopa kɛ e he via he ní tsulɔ nitsɛ pee. E maa pee nɔ pɔmi nu klɔuklɔu.

Fiɛlɔ 10:1

Anunu gbogboe haa nɛ tsopa kɛ e he via jeɔ fu. Jã kɛ̃ kuasia jemi bɔɔ gbeɔ nile kɛ hɛ mi nyami a he guɛ.

Yesaya 46:6

Nihi jeɔ sika tsu babauu kɛ jee a kotoku mi, nɛ a ngmɛɛ sika hiɔ ngɛ sɛni tɛ nɔ. A bɔɔ sika tsu galɔ apaa, nɛ e kɛ peeɔ amaga ha mɛ; kɛkɛ ɔ, a kplaa si nɛ a jaa amaga a!