Nehemia 3:7 - BAIBLO ALOO NGMAMI KLƆUKLƆU Ɔ

⁷ Melatia nɛ je Gibeon, Yadon nɛ je Meronot, Gibeon bi ɔmɛ, kɛ Mizpa bi ɔmɛ fia gbogbo ɔ he nɛ tsa nɔ ɔ. A fia kɛ ya su he nɛ amlaalo ɔ nɛ hyɛɛ Yufrate pa a bonyoku je ɔ hii ɔ.

Nehemia 3:7 ပူးပေါင်းရင်းမြစ်များ

Samuel II, 21:2

Lɔ ɔ he ɔ, matsɛ ɔ tsɛ Gibeon bi ɔmɛ nɛ e kɛ mɛ tu munyu. Gibeon bi nɛ ɔmɛ ɔ, pi Israel bi ji mɛ; Amor bi nɛ piɛ ɔ ekomɛ ji mɛ. Jinɛ Israel bi ɔmɛ ka Gibeon bi kita kaa a maa baa a yi; se be mi nɛ Saul hɛ dɔ ngɛ Israel kɛ Yuda he ɔ, e hla kaa e ma kpata a hɛ mi.

Nehemia 3:19

Yeshua binyumu Ezer, Mizpa zugba a nɔ yelɔ ɔ fia gbogbo ɔ fa nɛ ngɛ he nɛ a guu kɛ kuɔɔ kɛ yaa ta hwumi níhi a to he ɔ hanɔ ɔ; e fia gbogbo ɔ kɛ ya su kɔ̃ ɔ nya.

Kronika II, 16:6

Pee se ɔ, Matsɛ Asa bua nihi a nya kɛ je Yuda tsuo, nɛ a ya muɔ tɛhi, kɛ tsohi nɛ Baasha kɛ ba ngɛ ní tsue ngɛ Rama a. Asa ngɔ ní nɛ ɔmɛ kɛ ya po Geba kɛ Mizpa ma amɛ.

Ezra 4:11

Womi nɛ a ngma a mi munyu ji nɛ ɔ nɛ: “O tsɔli nɛ ngɛ Yufrate pa a se ɔ nɛ a ngɛ mo, Matsɛ Artaherhes womi nɛ ɔ ngmae.