Nehemia 3:4 - BAIBLO ALOO NGMAMI KLƆUKLƆU Ɔ

⁴ Hakoz binyumu Uria binyumu Meremot ɔ fia gbogbo ɔ kɛ tsa nɔ. Nɔ nɛ fia kɛ tsa nɔ ji Meshezabel binyumu Berekia e binyumu Meshulam. Baana binyumu Zadok ji nɔ nɛ fia kɛ tsa nɔ.

Nehemia 3:4 ပူးပေါင်းရင်းမြစ်များ

Ezra 8:33

Ligbi eywiɛne ɔ, wa ya Mawu we ɔ, nɛ wa ya ngmɛ sika tsu ɔ, sika hiɔ ɔ, kɛ ní kpa amɛ; nɛ wa tu mɛ kɛ wo osɔfo Meremot, Uria bi ɔ dɛ. Nihi nɛ piɛ e he ji Finehas bi Eleazar, kɛ Levi bi enyɔ, Yozabad, Yeshua bi ɔ, kɛ Noadia, Binui bi ɔ.

Nehemia 3:21

Uria binyumu Meremot, Hakoz bibi ɔ fia gbogbo ɔ he nɛ tsa nɔ ɔ kɛ ya su osɔfo nɔkɔtɔma pe kulaa Eliashib we ɔ nyagbe he ɔ tɔɔ.

Nehemia 3:3

Hasenaa binyumu ɔmɛ ma Lo Agbo ɔ, nɛ a kɛ tso sɛu nɔ, nɛ a ma sinya amɛ, nɛ a dadehi kɛ a se lami níhi wo a nya.

Nehemia 3:5

Gbogbo ɔ he nɛ tsa nɔ ɔ, Tekoa bi nɛ fia. Se Tekoa ma nimeli ɔmɛ lɛɛ, ní tsumi nɛ a nɔ hyɛli ɔmɛ ha mɛ ke a tsu ɔ, a kua tsumi.

Ezra 2:61

Osɔfo ɔmɛ a nina nɛ ɔmɛ a biɛ be womi ko mi nɛ tsɔɔ a weku kpa: Habaya, Hakoz, kɛ Bazilai. A bimɛ ɔmɛ nyɛ we nɛ a tsɔɔ a weku kpa tutuutu kaa osɔfohi a nina. A hla a biɛ ngɛ weku kpa womi ɔmɛ a mi, se a nɛ́. Enɛ ɔ he je ɔ, a ngɔɛ mɛ kɛ piɛ we osɔfo ɔmɛ a he; a bu mɛ kaa nihi nɛ a he tsɔ we. Bazilai ngɔ Gilead no ko nɛ a tsɛɛ lɛ Bazilai e biyo; enɛ ɔ he je nɛ a wo lɛ biɛ Bazilai ɔ nɛ.

Nehemia 3:30

Shelemia binyumu Hanania, kɛ Zalaf binyumu ekpane ɔ nɛ a tsɛɛ Hanun ɔ fia gbogbo ɔ he nɛ tsa nɔ ɔ; enɛ ɔ ji he enyɔne nɛ a fia. Berekia binyumu Meshulam fia e nɔ tsami nɛ ngɛ e we ɔ hanɔ ɔ.

Nehemia 6:18

Yuda bi ɔmɛ babauu ngɛ Tobia se, ejakaa Ara binyumu Shekania ngatsɛ ji lɛ. Tsa pi lɔ ɔ he kɛkɛ, se e binyumu Yehohanan hu ngɔ Berekia binyumu Meshulam biyo.

Nehemia 7:63

Jã kɛ̃ osɔfohi a weku nɛ ɔmɛ hu a biɛ be womi ko mi nɛ tsɔɔ a weku kpa: Hobaya, Hakoz, kɛ Barzilai. Osɔfohi a weku nɛ a tsɛɛ Barzilai ɔ na a biɛ ɔ kɛ je osɔfohi a weku nɛ ngɛ Gilead ɔ mi; nyumu ko ya ngɔ Barzilai biyo, lɔ ɔ he ɔ, a ngɔ biɛ ɔ ngɔ wo lɛ kɛ e nina tsuo. Akɛnɛ a nɛ womi nɛ tsɔɔ a sipoku saminya he je ɔ, a bui mɛ ngɔ si osɔfo ɔmɛ a nɔ.