Nehemia 3:25 - BAIBLO ALOO NGMAMI KLƆUKLƆU Ɔ

^25-26 Uzai binyumu Palal fia gbogbo ɔ he nɛ tsa nɔ ɔ, kɛ je gbogbo ɔ kɔ nya kɛ yiti mɔ yi mi pinoo ɔ nɛ ngɛ buli ɔmɛ a kue ɔ hanɔ ɔ. Parosh binyumu Pedaya fia kɛ tsa nɔ kɛ ya ta he ko ngɛ Nyu Agbo ɔ, kɛ mɔ ɔ nɛ ngɛ sɔlemi we ɔ a hanɔ ɔ. (Hiɛ ɔ kɛ ma a he nɛ a tsɛɛ Ofel ɔ kɛ we. Lejɛ ɔ nɛ Yawɛ we ɔ he ní tsuli ɔmɛ hii.)

Nehemia 3:25 ပူးပေါင်းရင်းမြစ်များ

Yeremia 32:2

Jamɛ a be ɔ mi ɔ, Babilonia matsɛ ɔ tabo ɔ ya sa Yerusalem ma a yi, be mi nɛ imi, Yeremia lɛɛ a wo mi tsu ngɛ kue ɔ mi ngɛ Yuda matsɛ we ɔ.

Yeremia 37:21

Kɛkɛ nɛ Matsɛ Zedekia fa, nɛ a ya wo mi tsu ngɛ matsɛ we ɔ kue ɔ mi. Daa ligbi ɔ a jeɔ abolo sali ɔmɛ a hi he ɔ, ba haa mi abolo bɔbɔɛ kake. Nɔ́ nɛ ɔ ya nɔ hluu kɛ ya si abolo ta ma a mi tsuo.

Yeremia 33:1

Benɛ i ngɛ tsu ɔ mi ngɛ kue ɔ mi kɛ mwɔɔ ɔ, i ná Yawɛ sɛ gbi ekohu.

Nehemia 12:39

Wa tsa nɔ kɛ ya gu Efraim Agbo ɔ nɔ, Yeshana Agbo ɔ nɔ, Lo Agbo ɔ nɔ, Hananel Mɔ ɔ he, kɛ Lafa Mɔ ɔ he, hluu kɛ ya su To Agbo ɔ nɔ. Wa ba gbe nya ngɛ Buli Agbo ɔ nya.

Ezra 2:3

Parosh nina 2,172 Shefatia nina 372 Ara nina 775 Pahat Moab (Yeshua kɛ Yoab a) nina 2,812 Elam nina 1,254 Zatu nina 945 Zakai nina 760 Bani nina 642 Bebai nina 623 Azgad nina 1,222 Adonikan nina 666 Bagvai nina 2,056 Adin nina 454 Ater (e biɛ kpa ji Hezekia) nina 98 Bizai nina 323 Yora nina 112 Hasham nina 223 Gibar nina 95

Yeremia 39:8

Babilonia bi ɔmɛ sã matsɛ we ɔ, kɛ ma mi bi ɔmɛ a wehi, nɛ a ku Yerusalem gbogbo ɔmɛ ngɔ pue si.

Yeremia 22:14

Nɔmlɔ nɛ deɔ ke, “Ma ma mɔ nguaa kɛ e mi hiɔwe tsu agboagbohi”; kɛkɛ nɛ e jeɔ saflɛhi ngɛ tsu ɔmɛ a mi, nɛ e kaa seda tso kɛ woɔ gbogbo ɔmɛ a he, nɛ e saa we ɔ he tsopa tsu saminyayoo ɔ, musu tloo lɛ!

Nehemia 8:4

Mlaa tsɔɔlɔ Ezra ya da si ngɛ kpoku ko nɔ. Kpoku nɛ ɔ, a je blɔ nɛ a kɛ tso pee kɛ ha kpe ɔ peemi. Jamɛ a be ɔ mi ɔ, Matitia, Shema, Anaya, Uria, Hilkia, kɛ Maaseya hiɔ daa si ngɛ e hiɔ nɔ, nɛ Pedaya, Mishael, Malkiya, Hashum, Hashbadana, Zekaria kɛ Meshulam daa si ngɛ e muɔ nɔ.

Nehemia 7:8

Israel bi a wekuhi nɛ kpale kɛ je ma se kɛ ba a, a hiɛhi kɛ a yibɔ ji nɛ ɔmɛ nɛ: Parosh - 2,172 Shefatia - 372 Ara - 652 Pahat Moab nɛ ji Yeshua kɛ Yoab a nina - 2,818 Elam - 1,254 Zatu - 845 Zakai - 760 Binui - 648 Bebai - 628 Azgad - 2,322 Adonikam - 667 Bigvai - 2,067 Adin - 655 Ater nɛ e biɛ kpa ji Hezekia a - 98 Hashum - 328 Bezai - 324 Harif - 112 Gibeon - 95

Yeremia 38:13

kɛkɛ nɛ a kɛ tangme kpa gbla mi kɛ je vu ɔ mi, nɛ a ya wo mi tsu ngɛ matsɛ we ɔ kue ɔ mi.

Mika 4:8

Nɛ mo Yerusalem, he nɛ Mawu hii nɛ e kɛ hyɛɛ e ma a nɔ kaa to hyɛlɔ ɔ, o he wami kɛ o blɔ nya nɛ o hɛɛ kaa matsɛ ma a, o maa kpale na ekohu. Mawu lɛ de.