Nehemia 3:20 - BAIBLO ALOO NGMAMI KLƆUKLƆU Ɔ

²⁰ Zabai binyumu Baruk fia gbogbo ɔ nɔ tsami ɔ kɛ ya su osɔfo nɔkɔtɔma pe kulaa Eliashib we ɔ nya blɔ tɔɔ.

Nehemia 3:20 ပူးပေါင်းရင်းမြစ်များ

Nehemia 3:1

Bɔ nɛ a pee kɛ fia Yerusalem gbogbo ɔ ekohu ji nɛ ɔ nɛ. Osɔfo nɔkɔtɔma pe kulaa Eliashib, kɛ e nyɛmimɛ osɔfo ɔmɛ ya ma To Agbo ɔ ekohu, nɛ a tsukɔ he; nɛ a ma agbo ɔmɛ ngɛ a blɔ hehi. A tsukɔ gbogbo ɔ he kɛ ya su Lafa Mɔ ɔ kɛ Hananel Mɔ ɔ a he.

Romabi 12:11

Nyɛ ko pee hejɔ, mohu nyɛɛ kɛ hɛdɔ nɛ tsu ní. Nyɛ sɔmɔ Nyɔmtsɛ ɔ kɛ nyɛ tsui tsuo.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Nehemia 13:28

Osɔfo nɔkɔtɔma pe kulaa Eliashib bi ji Yoyada; se Yoyada bimɛ ɔmɛ a ti nɔ kake ya ngɔ Sanbalat nɛ je Bet Horon ɔ biyo. Lɔ ɔ he ɔ, i fie Yoyada kɛ je Yerusalem.

Nehemia 13:4

Osɔfo Eliashib, nɔ nɛ hyɛɛ wa Mawu ɔ we ɔ nito he tsu ɔmɛ a nɔ ɔ, e huɛ ji Tobia.

Nehemia 3:21

Uria binyumu Meremot, Hakoz bibi ɔ fia gbogbo ɔ he nɛ tsa nɔ ɔ kɛ ya su osɔfo nɔkɔtɔma pe kulaa Eliashib we ɔ nyagbe he ɔ tɔɔ.

Ezra 10:28

Bebal we puɔ nya Yehohanan, Hanania, Zabai, kɛ Atlai.