Nehemia 3:19 - BAIBLO ALOO NGMAMI KLƆUKLƆU Ɔ

¹⁹ Yeshua binyumu Ezer, Mizpa zugba a nɔ yelɔ ɔ fia gbogbo ɔ fa nɛ ngɛ he nɛ a guu kɛ kuɔɔ kɛ yaa ta hwumi níhi a to he ɔ hanɔ ɔ; e fia gbogbo ɔ kɛ ya su kɔ̃ ɔ nya.

Nehemia 3:19 ပူးပေါင်းရင်းမြစ်များ

Kronika II, 26:9

Uzia fia gbogbo ngɔ wo Yerusalem he, nɛ e ma mɔ gagaagahi ngɛ kɔ̃ nya agbo ɔ, kɛ kɔ̃ agbo ɔ a nɔ, kɛ he nɛ gbogbo ɔ lɔgɔ si ngɛ ɔ.

Nehemia 12:8

Levi bi: Nihi nɛ hyɛɛ nɛ a la sina lahi ji Yeshua, Binui, Kadmiel, Sherebia, Yuda, kɛ Matania.

Nehemia 3:15

Kolhoze binyumu Shalum, Mizpa zugba a nɔ yelɔ ɔ dla Nyu Vu Agbo ɔ. E fia ekohu, nɛ e tsi e yi mi ɔ. E ma sinya amɛ, nɛ e wo a nya dadehi kɛ a se lami níhi. Gbogbo ɔ nɛ tsa matsɛ abɔɔ ɔ nɔ ngɛ Shela Taku ɔ he ɔ, lɛ kɛ̃ nɛ e fia jamɛ a gbogbo ɔ kɛ ya su kpoku ɔmɛ nɛ a kɛ kpleɔ si kɛ jee David ma a mi ɔ a he.

Nehemia 3:18

Henadad binyumu Bavai, Keila zugba a mi dlami fa nɛ piɛ ɔ nɔ yelɔ ɔ hu fia gbogbo ɔ nɔ tsami ɔ.

Nehemia 3:24

Henadad binyumu Binui fia he nɛ tsa nɔ ɔ, kɛ je Azaria we ɔ nya kɛ ya su gbogbo ɔ kɔ nya.