Nehemia 3:15 - BAIBLO ALOO NGMAMI KLƆUKLƆU Ɔ

¹⁵ Kolhoze binyumu Shalum, Mizpa zugba a nɔ yelɔ ɔ dla Nyu Vu Agbo ɔ. E fia ekohu, nɛ e tsi e yi mi ɔ. E ma sinya amɛ, nɛ e wo a nya dadehi kɛ a se lami níhi. Gbogbo ɔ nɛ tsa matsɛ abɔɔ ɔ nɔ ngɛ Shela Taku ɔ he ɔ, lɛ kɛ̃ nɛ e fia jamɛ a gbogbo ɔ kɛ ya su kpoku ɔmɛ nɛ a kɛ kpleɔ si kɛ jee David ma a mi ɔ a he.

Nehemia 3:15 ပူးပေါင်းရင်းမြစ်များ

Yohane 9:7

Yesu de lɛ ke, “Yaa Siloam pa a mi nɛ o ya fɔ o he.” (Siloam sisi ji a tsɔ lɛ.) Kɛkɛ nɛ nyumu ɔ pue nɔ kɛ ho, nɛ e ya fɔ e he; nɛ benɛ e kpale kɛ ma a, e bɔni nɔ́ hyɛmi.

Yesaya 8:6

E ke, “Akɛnɛ ma nɛ ɔ sume Shiloa pa a nɛ mi nyu ɔ bee dii ɔ, se Matsɛ Rezin kɛ Matsɛ Peka mohu he a he ngɛ doe ngɛ ɔ,

Nehemia 12:37

A gu Nyu Vu Agbo ɔ nya kɛ kuɔ kpoku ɔmɛ nɛ yaa David ma a mi ɔ, kɛ ya be ngɛ David mɔ ɔ he, kɛ kpale kɛ ba Nyu Agbo ɔ nya, ngɛ ma a beleku je.

Luka 13:4

Ni nyɔngma kɛ kpaanyɔ ɔmɛ nɛ mɔ ɔ ku pue a nɔ ngɛ Siloam nɛ a gbo ɔ, mɛ nɛɛ? Anɛ nyɛ susu kaa lɔ ɔ tsɔɔ kaa mɛ kɛkɛ ji yayami peeli pe nihi tsuo nɛ ngɛ Yerusalem ɔ lo?

Nehemia 2:14

Jehanɛ, i po mi kɛ je ma a beleku je kɛ gu omleyi je ngɛ he nɛ Nyu Vu Agbo ɔ, kɛ Matsɛ Taku ɔ ngɛ ɔ. Akɛnɛ lohwe ɔ nɛ i hi nɔ ɔ nɛ́ blɔ nɛ e kɛ be ngɛ lejɛ ɔ he je ɔ,

Yeremia 40:6

Kɛkɛ nɛ i je kɛ ho Ahikam bi Gedalia ngɔ ya ngɛ Mizpa, nɛ i kɛ ma mi bi ɔmɛ nɛ piɛ ngɛ zugba a nɔ ɔ ya hi si.

Nehemia 3:14

Rekab binyumu Malkiya nɛ yeɔ Bet Hakerem zugba a nɔ ɔ dla Dwɔmi Agbo ɔ. E fia ekohu, nɛ e ma sinya amɛ, nɛ e wo a nya dadehi kɛ a se lami níhi.

Nehemia 3:12

Halohesh binyumu Shalum, Yerusalem zugba a mi dlami fa nɔ yelɔ ɔ fia gbogbo ɔ kɛ tsa nɔ. (E biyi ɔmɛ piɛ e he kɛ tsu ní ɔ.)

Nehemia 3:9

Hur bi Refaya nɛ hyɛɛ Yerusalem zugba a mi dlami fa nɔ ɔ fia gbogbo ɔ he nɛ tsa nɔ ɔ.

Nehemia 3:7

Melatia nɛ je Gibeon, Yadon nɛ je Meronot, Gibeon bi ɔmɛ, kɛ Mizpa bi ɔmɛ fia gbogbo ɔ he nɛ tsa nɔ ɔ. A fia kɛ ya su he nɛ amlaalo ɔ nɛ hyɛɛ Yufrate pa a bonyoku je ɔ hii ɔ.

Kronika II, 32:30

Matsɛ Hezekia nɛ ɔ nɔuu tsi Gihon pa a ngɛ yiti je nɛ e ha nɛ nyu ɔ ba be ngɛ David ma a bonyoku je. Nɔ́ tsuaa nɔ́ nɛ Hezekia pee ɔ, e ye manye ngɛ mi.

Matsɛmɛ II, 25:4

a ywia gbogbo ɔ nɛ a fia kɛ wo ma a he ɔ. Jamɛ a be ɔ mi ɔ, Babilonia bi ɔmɛ bɔle ma a kɛ kpe mohu, se matsɛ ɔ, kɛ ta buli ɔmɛ tsuo tu fo nyɔ ɔ mi. A gu matsɛ abɔɔ ɔ mi kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ nya; nɛ a ngɔ a yi ngɔ ka Yordan kɔ̃ ɔ mi blɔ.

Manyadali 20:3

Jamɛ a be ɔ mi ɔ, Benyamin bi ɔmɛ nu he kaa Israel bi ɔmɛ hia kɛ ho Mizpa ya. Israel bi ɔmɛ de ke, “Nyɛɛ gba wɔ bɔ nɛ a plɛ kɛ ye sane yaya nɛ ɔ ha.”

Manyadali 20:1

Israel ma kpekpemi ɔ tsuo hia, nɛ a ba bua a he nya ngɛ Yawɛ hɛ mi ngɛ Mizpa. A je Dan kɛ ya si Beersheba, kɛ Gilead zugba a hu nɔ.

Nehemia 2:17

Lɔ ɔ he ɔ, jehanɛ i de mɛ ke, “Nyɛ nitsɛmɛ nyɛ na haomi mi nɛ wa ngɛ, bɔ nɛ Yerusalem pee ma doku, nɛ a sã agbo ɔmɛ! Nyɛ ha nɛ waa fia Yerusalem gbogbo ɔmɛ ekohu, konɛ wa zo ɔ nɛ je.”

Nehemia 3:19

Yeshua binyumu Ezer, Mizpa zugba a nɔ yelɔ ɔ fia gbogbo ɔ fa nɛ ngɛ he nɛ a guu kɛ kuɔɔ kɛ yaa ta hwumi níhi a to he ɔ hanɔ ɔ; e fia gbogbo ɔ kɛ ya su kɔ̃ ɔ nya.

Fiɛlɔ 2:6

I gba nyu dɔhi nɛ i kɛ haa tso ɔmɛ nyu.

Samuel II, 5:9

David hi mɔ nguaa a mi, nɛ e wo lejɛ ɔ biɛ ke “David ma.” David po ma kɛ bɔle si; e to ma a sisi kɛ je he nɛ a tloo zu ngɔ pue ɔ, kɛ ba mi blɔ.