Nehemia 3:1 - BAIBLO ALOO NGMAMI KLƆUKLƆU Ɔ

¹ Bɔ nɛ a pee kɛ fia Yerusalem gbogbo ɔ ekohu ji nɛ ɔ nɛ. Osɔfo nɔkɔtɔma pe kulaa Eliashib, kɛ e nyɛmimɛ osɔfo ɔmɛ ya ma To Agbo ɔ ekohu, nɛ a tsukɔ he; nɛ a ma agbo ɔmɛ ngɛ a blɔ hehi. A tsukɔ gbogbo ɔ he kɛ ya su Lafa Mɔ ɔ kɛ Hananel Mɔ ɔ a he.

Nehemia 3:1 ပူးပေါင်းရင်းမြစ်များ

Nehemia 12:10

Yoshua bi ji Yoyakim; Yoyakim bi ji Eliashib, nɛ Eliashib hu bi ji Yoyada.

Nehemia 12:30

Osɔfo ɔmɛ, kɛ Levi bi ɔmɛ pee kusumi kɛ julaa mɛ nitsɛmɛ a he. A julaa ma a, kɛ agbo ɔmɛ, kɛ ma gbogbo ɔ hulɔ.

Nehemia 12:39

Wa tsa nɔ kɛ ya gu Efraim Agbo ɔ nɔ, Yeshana Agbo ɔ nɔ, Lo Agbo ɔ nɔ, Hananel Mɔ ɔ he, kɛ Lafa Mɔ ɔ he, hluu kɛ ya su To Agbo ɔ nɔ. Wa ba gbe nya ngɛ Buli Agbo ɔ nya.

Nehemia 13:28

Osɔfo nɔkɔtɔma pe kulaa Eliashib bi ji Yoyada; se Yoyada bimɛ ɔmɛ a ti nɔ kake ya ngɔ Sanbalat nɛ je Bet Horon ɔ biyo. Lɔ ɔ he ɔ, i fie Yoyada kɛ je Yerusalem.

Nehemia 13:4

Osɔfo Eliashib, nɔ nɛ hyɛɛ wa Mawu ɔ we ɔ nito he tsu ɔmɛ a nɔ ɔ, e huɛ ji Tobia.

Nehemia 3:20

Zabai binyumu Baruk fia gbogbo ɔ nɔ tsami ɔ kɛ ya su osɔfo nɔkɔtɔma pe kulaa Eliashib we ɔ nya blɔ tɔɔ.

Nehemia 3:21

Uria binyumu Meremot, Hakoz bibi ɔ fia gbogbo ɔ he nɛ tsa nɔ ɔ kɛ ya su osɔfo nɔkɔtɔma pe kulaa Eliashib we ɔ nyagbe he ɔ tɔɔ.

Nehemia 3:32

Sika tsu ga ní tsuli ɔmɛ kɛ jua yeli ɔmɛ fia gbogbo ɔ nyagbe mi dlami ɔ; a fia kɛ je hiɔwe tsu ɔ nɛ ngɛ kɔ nya a he kɛ ya su To Agbo ɔ nya tɔɔ.

Nehemia 6:1

Sanbalat, kɛ Tobia, kɛ Geshem, Arabia no ɔ, kɛ wa he nyɛli ɔmɛ nɛ piɛ a he ɔ nu kaa wa gbe gbogbo ɔ fiami nya, nɛ wa tsi hehi nɛ ku ɔ tsuo; pohu jamɛ a be ɔ mi ɔ, wa mɛ sinya amɛ ngɛ agbo ɔmɛ a nya lolo.

Nehemia 7:1

Jehanɛ, wa fia gbogbo ɔ gbe nya, nɛ wa ma agbo ɔmɛ a nya sinya amɛ. Wa to agbo nya buli, nɛ wa hla nihi nɛ ma la ngɛ he klɔuklɔu ɔ. Levi bi nɛ piɛ ɔ hu, wa ngɔ a ní tsumi ɔmɛ ngɔ wo a dɛ.

La 30:1

Ma je o yi Yawɛ, ejakaa o he ye yi wami. O ha we nɛ ye he nyɛli nɛ nya; o ngmɛ́ mɛ blɔ nɛ a ye ye he fɛu.

La 48:12

Mawu ma, nyɛɛ nyɛɛ kɛ bɔle Zion kɛ kpe, nɛ nyɛɛ kane mɔhi nɛ ngɛ lejɛ ɔ;

Abɛ Womi 3:6

Nɔ́ tsuaa nɔ́ mi ɔ, mo kai Yawɛ, nɛ e maa tsɔɔ mo blɔ nɛ da.

Abɛ Womi 3:9

Ngɔɔ o ní babauu ɔ kɛ wo Yawɛ hɛ mi nyami; ngɔɔ o niba ní tsuo mi kekleekle nɔ́ kɛ sã bɔ ha lɛ.

Yeremia 31:38

Yawɛ ke, “Be ma nɛ a maa ma Yerusalem ehe ekohu kɛ ha mi, kɛ je Hananel mɔ ɔ bonyoku je, kɛ yaa si kɔ̃ nya agbo ɔ he.

Daniel 9:25

Lɔ ɔ he ɔ, na nɛ o le kaa kɛ je be nɛ a ma fa ke a kpale ma Yerusalem ekohu, kɛ yaa si be nɛ ganɔ ɔ nɛ Mawu hla a maa ba a, jeha kpaago totoe kpaago maa be. A maa kpale ma Yerusalem ma a ekohu. A ma je gbɛjegbɛhi kɛ wo ma a mi; nɛ a maa fia gbogbo kɛ wo he, nɛ ma a maa hi si jeha kpaago totoe nyingmi ekpa kɛ enyɔ. Se jamɛ a be ɔ maa pee fimi be.

Zakaria 14:10

Zugba a tsuo, kɛ je Geba ngɛ omleyi je kɛ yaa su Rimon ngɛ Yerusalem leneyi je ɔ maa pee kplanaa. Se Yerusalem lɛɛ bɔ nɛ e maa si gojoo ɔ, ja nɔuu e maa hi, kɛ je Benyamin agbo ɔ he kɛ ya agbo momo ɔ, kɛ Kɔ nya agbo ɔ he; jehanɛ kɛ je Hananel mɔ ɔ he kɛ ya su matsɛ dã ngami he ɔmɛ tsuo.

Yohane 5:2

Taku ko kɛ e he kue enuɔ ngɛ To Agbo ɔ nɛ ngɛ Yerusalem ɔ kasa nya. Hebri gbi mi ɔ, a tsɛɛ taku nɛ ɔ Betesda.

Mose V, 20:5

“Lɔ ɔ se ɔ, asafoatsɛmɛ ɔmɛ nɛ a de ta buli ɔmɛ ke, ‘Anɛ nɔ ko ngɛ hiɛmɛ nɛ ɔ nɛ po we he, se e gbaa we nɔ lolo kɛ ha Yawɛ lo? Ke nɔ ko kaa ja ngɛ hiɛ ɔ, e kpale kɛ ho we mi ya. Ke pi ja a, ke e ba mi kaa e ya nɔ ta a, nɔ kpa ma ba gbaa we ɔ nɔ.