Nehemia 2:8 - BAIBLO ALOO NGMAMI KLƆUKLƆU Ɔ

⁸ I bi hu ke a ha mi womi kɛ ya ha Asaf, nɔ nɛ hyɛɛ matsɛ ɔ hue ɔmɛ a nɔ ɔ, konɛ e ha mi tso nɛ ma kɛ kpɛ agbohi ha mɔ ɔ nɛ ngɛ Yawɛ we ɔ kasa nya a, kɛ gbogbo nɛ a fia kɛ bɔle ma a, kɛ imi nitsɛ ye we nɛ ma hi mi ɔ. Mawu ngɛ ye se, lɔ ɔ he ɔ, matsɛ ɔ ha mi níhi nɛ i bi lɛ ɔ tsuo.

Nehemia 2:8 ပူးပေါင်းရင်းမြစ်များ

Mose I, 32:28

Nyumu ɔ de lɛ ke, “A be o biɛ tsɛe ke Yakob hu. O kɛ Mawu kɛ nimlihi nɔ kunɔ, nɛ o ye kunimi; lɔ ɔ he ɔ, jehanɛ a ma tsɛ mo ke Israel.”

Ezra 5:5

Se Mawu piɛ Yuda ma nimeli ɔmɛ a he, nɛ Persia bi ɔmɛ tsi we ní tsumi ɔ nya ha mɛ. Mohu ɔ, Persia bi ɔmɛ to a yi mi kaa a maa ngma womi ya ha Darius, nɛ a maa mlɛ kɛ yaa si a nine maa su heto nɔ.

Ezra 6:22

A kɛ bua jɔmi ye Abolokplolo nyami be ɔ ligbi kpaago. A bua jɔ saminya kaa Yawɛ ha Asiria matsɛ ɔ ná a he bua jɔmi, nɛ e piɛ a he nɛ a kɛ ma Yawɛ, Israel Mawu ɔ we ɔ.

Ezra 6:8

Jehanɛ, nɔ́ nɛ i ngɛ fae nɛ nyɛɛ pee ha Yuda ma nimeli ɔmɛ ngɛ ní tsumi ɔ he ji nɛ ɔ nɛ. Tó nɛ a ma na kɛ je Yufrate pa a se kɛ wo matsɛ nito he ɔ, hiɔ nɛ a maa bɔ ngɛ ní tsumi ɔ he ɔ, a jé tó ɔ mi eko kɛ ha Yuda ma nimeli ɔmɛ nɛ a kɛ wo hiɔ ɔ tsuo ngɛ be nɛ sa mi.

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

Nehemia 7:2

I ngɔ nihi enyɔ ngɔ to Yerusalem kaa ma a nɔ hyɛli. Mɛ ji ye nyɛmi Hanani, kɛ Hanania, mɔ nɔ hyɛlɔ nɔkɔtɔma a. Hanania yeɔ anɔkuale, nɛ e yee Mawu gbeye pe nihi tsuo.

Abɛ Womi 21:1

Matsɛ juɛmi ngɛ kaa nyu dɔ ngɛ Yawɛ dɛ mi. He nɛ lɛɛ e suɔ nɛ e haa e guɔ.

Fiɛlɔ 2:5

I pee ngmɔhi kɛ abɔɔhi, nɛ i du tsohi nɛ woɔ yiblii slɔɔtohi ngɛ mi.

Fiɛlɔ 2:6

I gba nyu dɔhi nɛ i kɛ haa tso ɔmɛ nyu.

Yesaya 66:14

Ke enɛ ɔ ba mi ɔ, nyɛ ma na bua jɔmi. Nyɛ ma na he wami he. Lɔ ɔ loko nyɛ maa le kaa imi Yawɛ ɔ, nihi nɛ buɔ mi tue ɔ, i piɛɔ a he, nɛ i kɛ abofu gblaa ye he nyɛli a tue.”

Daniel 1:9

Mawu ha nɛ Ashpenaz na lɛ mɔbɔ.

Ni Tsumi 26:22

Se Mawu piɛ ye he kɛ ba su mwɔnɛ ligbi nɛ ɔ, nɛ i daa si ngɛ nyɛ hɛ mi kɛ ngɛ odase yee kɛ ngɛ nimli tsuo tsɔɔe, nimli wawi kɛ nimli nguahi tsuo. Nɔ́ nɛ Mose kɛ gbali ɔmɛ de to kaa e maa ba mi ɔ, lɔ ɔ nɔuu nɛ i ngɛ dee.

Ni Tsumi 7:10

nɛ e je lɛ kɛ je dengmehi tsuo a mi. Yosef hɛ mi ba nyami ngɛ Egipt matsɛ ɔ hɛ mi. Matsɛ ɔ na kaa e nɔ bɔ tsɔ, nɛ Mawu dloo lɛ nile nɛ mi kuɔ. Lɔ ɔ he ɔ, matsɛ ɔ tu Egipt zugba a, kɛ matsɛ we ɔ tsuo ngɔ wo Yosef dɛ mi.

2 Korintobi 8:16

Wa naa Mawu si kaa e ha Tito suɔmi kɛ gɛjɛmi nɛ e kɛ maa ye bua nyɛ kaa bɔ nɛ i ngɛ pee ɔ.