Nehemia 2:7 - BAIBLO ALOO NGMAMI KLƆUKLƆU Ɔ

⁷ Jehanɛ i kpale bi matsɛ ɔ ke e ha mi womi kɛ ya ha amlaalo ɔmɛ nɛ ngɛ Yufrate pa a bonyoku je zugba a nɔ ɔ, konɛ a ha mi blɔ kɛ gu a zugba amɛ a nɔ kɛ ya Yuda zugba a nɔ.

Nehemia 2:7 ပူးပေါင်းရင်းမြစ်များ

Ezra 7:21

“Imi Matsɛ Artaherhes, i ngɛ nyɛ matsɛ nito he ɔ nɔ hyɛli tsuo nɛ ngɛ Yufrate pa a se ɔ mlaa woe ke nɔ́ tsuaa nɔ́ nɛ osɔfo Ezra, Mawu nɛ ngɛ hiɔwe ɔ mlaa tsɔɔlɔ ɔ ma bi nyɛ ɔ, nyɛ ha lɛ esɔ.

Nehemia 2:9

Matsɛ ɔ ha mi asafoatsɛmɛ, kɛ okpɔngɔ ta buli komɛ nɛ a bu ye he kɛ hia blɔ kɛ ya Yufrate pa a bonyoku je. Benɛ wa su lejɛ ɔ, i ngɔ matsɛ ɔ womi ɔmɛ ngɔ ha amlaalo ɔmɛ.

Ezra 8:36

Jehanɛ se hu, a ngɔ matsɛ ɔ nine nya womi ba ha amlaalo ɔmɛ, kɛ ma nimeli nɛ a ngɛ Yufrate pa a se ɔ. Nɛ enɛ ɔ he je ɔ, a piɛ ma a he, nɛ a tsu Mawu we ɔ ní tsumi hulɔ.

Ezra 6:6

Kɛkɛ nɛ Matsɛ Darius tsɔ kɛ heto nɛ ɔ kɛ mane ke, “Mo amlaalo Tatenai, kɛ Sheta Bozenai, kɛ nyɛ nyɛmimɛ tsɔli nɛ nyɛ ngɛ Yufrate pa a se! “Nyɛ je nyɛ nine ngɛ ní tsumi ɔ he.

Ezra 8:22

Kaa pe i ya bi matsɛ ɔ ke e ha wɔ ta buli nɛ hi okpɔngɔhi a nɔ nɛ a bu wa he kɛ je he nyɛli a dɛ mi ngɛ blɔ ɔ nɔ ɔ, jinɛ e ko pee mi zo; ejakaa i ha nɛ e nu sisi momo kaa nɔ tsuaa nɔ nɛ ngɔɔ e hɛ ngɔ fɔɔ wa Mawu ɔ nɔ ɔ, e gbaa lɛ; se nɔ tsuaa nɔ nɛ kuaa lɛ wa Mawu ɔ, lɛ hu e bua jɔɛ jamɛatsɛ he; e gblaa nɔ ɔ tue wawɛɛ mohu.

Nehemia 3:7

Melatia nɛ je Gibeon, Yadon nɛ je Meronot, Gibeon bi ɔmɛ, kɛ Mizpa bi ɔmɛ fia gbogbo ɔ he nɛ tsa nɔ ɔ. A fia kɛ ya su he nɛ amlaalo ɔ nɛ hyɛɛ Yufrate pa a bonyoku je ɔ hii ɔ.