Nehemia 2:6 - BAIBLO ALOO NGMAMI KLƆUKLƆU Ɔ

⁶ Matsɛ ɔ kplɛɛ nɔ́ nɛ i bi lɛ ɔ nɔ; jamɛ a be ɔ mi ɔ, manyɛ ɔ hii si ngɛ e kasa nya. Matsɛ ɔ bi mi be nɛ ma ya ye, kɛ be nɛ ma kpale kɛ ba; nɛ i de lɛ.

Nehemia 2:6 ပူးပေါင်းရင်းမြစ်များ

Nehemia 13:6

Be nɛ ɔ mi tsuo ɔ, i be Yerusalem; ejakaa Babilonia matsɛ, Artaherhes yi nɔ jeha nyingmi etɛ kɛ enyɔne ɔ mi ɔ, i ya e ngɔ nɛ i ya bɔ lɛ amaniɛ. Pee se ɔ, e ngmɛ mi blɔ,

Yesaya 65:24

Loko a ma tsɛ mi ɔ, i he nɔ momo; benɛ a ngɛ kue fae ha mi nɛ a gbi nya lolo ɔ, i nu momo.

Nehemia 5:14

Imi Nehemia, i ye amlaalo ngɛ Yuda zugba a nɔ jeha nyɔngma kɛ enyɔ, ngɛ Persia matsɛ, Artaherhes yi nɔ. Kɛ je e matsɛ yemi jeha nyingmi enyɔne ɔ mi kɛ ya si nyingmi etɛ kɛ enyɔne ɔ mi nɛ i ye amlaalo ɔ nɛ. Jamɛ be ɔ mi tsuo ɔ, i kɛ ye we bi ɔmɛ wa yi amlaalo blɔ nya niye ní ɔ.

Yesaya 58:12

Nyɛ maa fia gbogbo he ngɛ blema tsu kokoe ɔmɛ a nane mi. A maa fia kɛ ma sisi tomi momo ɔmɛ a nɔ. Sisi tomi ɔmɛ nɛ a to blema a, nyɛ ma tle mɛ si kɛ ma si ekohu. Lɔ ɔ he ɔ, a ma tsɛ nyɛ ke nihi nɛ ba fia gbogbo ɔmɛ ekohu, nihi nɛ ba dla ma doku ɔmɛ.”

Nehemia 2:4

Matsɛ ɔ bi mi ke, “Mɛni ji nɔ́ nɛ o ngɛ hlae?” I sɔle nɛ i bi Mawunɛ ngɛ hiɔwe ɔ gbi,

Yesaya 61:4

Ma dokuhi tsuo nɛ pueɔ si kɛ je blema lokoo ɔ, a maa fia mɛ kɛ ma si ekohu.

Nehemia 1:11

I kpa mo pɛɛ Nyɔmtsɛ, moo ba o tue si nɛ o nu ye kue fami, kɛ tsɔli ɔmɛ tsuo nɛ suɔ kaa a maa wo o biɛ ɔ hɛ mi nyami ɔ a kue fami ɔmɛ. Ha ma ye manye mwɔnɛ ɔ, nɛ o ha matsɛ ɔ nɛ na mi mɔbɔ.” Jamɛ a be ɔ mi ɔ, imi ji matsɛ ɔ dã wolɔ.

Nehemia 2:5

kɛkɛ nɛ i de matsɛ ɔ ke, “Nɛnɛ, ke e sa o hɛ mi, nɛ o suɔ kaa o ma ha mi nɔ́ nɛ ma bi mo ɔ, lɛɛ ha ma ya Yuda zugba a nɔ ngɛ ma mi he nɛ a pu ye nɛmɛ ngɛ ɔ, konɛ ma ya ma ma a ekohu.”

Daniel 9:25

Lɔ ɔ he ɔ, na nɛ o le kaa kɛ je be nɛ a ma fa ke a kpale ma Yerusalem ekohu, kɛ yaa si be nɛ ganɔ ɔ nɛ Mawu hla a maa ba a, jeha kpaago totoe kpaago maa be. A maa kpale ma Yerusalem ma a ekohu. A ma je gbɛjegbɛhi kɛ wo ma a mi; nɛ a maa fia gbogbo kɛ wo he, nɛ ma a maa hi si jeha kpaago totoe nyingmi ekpa kɛ enyɔ. Se jamɛ a be ɔ maa pee fimi be.