Nehemia 2:5 - BAIBLO ALOO NGMAMI KLƆUKLƆU Ɔ

⁵ kɛkɛ nɛ i de matsɛ ɔ ke, “Nɛnɛ, ke e sa o hɛ mi, nɛ o suɔ kaa o ma ha mi nɔ́ nɛ ma bi mo ɔ, lɛɛ ha ma ya Yuda zugba a nɔ ngɛ ma mi he nɛ a pu ye nɛmɛ ngɛ ɔ, konɛ ma ya ma ma a ekohu.”

Nehemia 2:5 ပူးပေါင်းရင်းမြစ်များ

Ezra 5:17

“Nɛnɛ, lɔ ɔ he ɔ, ke o suɔ ɔ, ha nɛ a hyɛ matsɛmɛ ɔmɛ a yi nɔ sanehi womi ɔmɛ a mi ngɛ Babilon kaa e ngɛ mi niinɛ kaa Matsɛ Sirus fa ke a ma Mawu we ɔ ekohu ngɛ Yerusalem lo. Ke o na anɔkuale ɔ, konɛ o ha nɛ waa le bɔ nɛ o susu ngɛ sane nɛ ɔ he.”

Abɛ Womi 3:4

Ke o pee ja a, o hɛ mi maa ba nyami, nɛ Mawu, kɛ nimli adesahi tsuo ma na o he bua jɔmi.

Ester 8:5

“Ke nɛnɛ suɔ ye sane, nɛ e sa nɛnɛ hɛ mi, nɛ e da ha lɛ ɔ, lɛɛ i kpa nɛnɛ pɛɛ, nɛ e ha nɛ a fiɛ kɛ tsi mlaa yaya nɛ Agag nina, Hamedata bi Haman wo ɔ nya. Mlaa a ke a kpata Yuda bi tsuo a hɛ mi ngɛ nɛnɛ nɔ yemi he ɔmɛ tsuo.

Ester 7:3

Manyɛ Ester he nɔ ke, “I kpa nɛnɛ pɛɛ, ke e sa nɛnɛ hɛ mi kaa e ma ha mi nɔ́ nɛ i kɛ he si bami ngɛ lɛ bie ɔ, lɛɛ nɛnɛ, nɔ́ nɛ i suɔ ji kaa ye yi nɛ na wami, nɛ ye ma mi bi ɔmɛ hu a yi nɛ na wami.

Ester 5:8

Ke e sa nɛnɛ hɛ mi kaa nɛnɛ ma ha mi nɔ́ nɛ ma bi lɛ ɔ, lɛɛ nɛnɛ kɛ Haman kɛ mi nɛ ba ye ní ekohu hwɔɔ. Jamɛ a be ɔ mi ɔ, ma tsɔɔ nɛnɛ nɔ nɛ i ngɛ hlae.”

Samuel II, 14:22

Yoab ba kpla si nɛ e kɛ e hɛ mi bu si kɛ tsɔɔ bumi, nɛ e de ke, “Mawu nɛ e gbaa mo! Nɛnɛ, i yɔse kaa o ngɛ ye he bua jɔmi; ejakaa nɔ́ nɛ i bi mo ɔ, o pee ha mi.”

Rut Womi 2:13

Rut he nɔ ke, “I naa mo si, ye nyɔmtsɛ. Hyɛ bɔ nɛ o munyu ngɔngɔɛ ɔmɛ wo mi gɛjɛmi, nɛ ye nɔ gbagba te ha, pohu tsa pi o mawayi ɔmɛ a ti nɔ kake ji mi.”

Ester 1:19

Lɔ ɔ he ɔ, nɛnɛ, ke e sa o hɛ mi ɔ, wo mlaa ngɛ o he wami ɔ nya ke Vashti kó ba matsɛ ɔ hɛ mi gblegbleegble hu. Fa nɛ a ngma ngɔ wo Persia kɛ Media mlaa amɛ a mi, konɛ a ko tsake mlaa nɛ ɔ kɔkɔɔkɔ. Lɔ ɔ se ɔ, ngɔɔ e blɔ nya kaa manyɛ ɔ ngɔ ha yo kpa nɛ ngɛ subai kpakpa pe lɛ.

Mateo 23:27

“Nyɛ mlaa tsɔɔli, kɛ Farisi bi! Musu tloo nyɛ! Osatotsɛmɛ! Nyɛ ngɛ kaa yɔkɔhi nɛ a sa a he nɛ a he pee fɛu, se a mi hyi tɔ kɛ ni gbogboehi a wuhi, kɛ ní sasɛhi.

Nehemia 2:4

Matsɛ ɔ bi mi ke, “Mɛni ji nɔ́ nɛ o ngɛ hlae?” I sɔle nɛ i bi Mawunɛ ngɛ hiɔwe ɔ gbi,

Nehemia 2:6

Matsɛ ɔ kplɛɛ nɔ́ nɛ i bi lɛ ɔ nɔ; jamɛ a be ɔ mi ɔ, manyɛ ɔ hii si ngɛ e kasa nya. Matsɛ ɔ bi mi be nɛ ma ya ye, kɛ be nɛ ma kpale kɛ ba; nɛ i de lɛ.

Daniel 9:25

Lɔ ɔ he ɔ, na nɛ o le kaa kɛ je be nɛ a ma fa ke a kpale ma Yerusalem ekohu, kɛ yaa si be nɛ ganɔ ɔ nɛ Mawu hla a maa ba a, jeha kpaago totoe kpaago maa be. A maa kpale ma Yerusalem ma a ekohu. A ma je gbɛjegbɛhi kɛ wo ma a mi; nɛ a maa fia gbogbo kɛ wo he, nɛ ma a maa hi si jeha kpaago totoe nyingmi ekpa kɛ enyɔ. Se jamɛ a be ɔ maa pee fimi be.