Nehemia 2:3 - BAIBLO ALOO NGMAMI KLƆUKLƆU Ɔ

³ nɛ i he nɔ ke, “Nɛnɛ, o yi nɛ na wa daa! Mɛni he je e sɛ kaa ye hɛ mi nɛ pee mɔbɔmɔbɔ, be mi nɛ ma nɛ a pu ye nɛmɛ ngɛ mi ɔ ku kɛ pueɔ si, nɛ la sã agbo ɔmɛ ɔ?”

Nehemia 2:3 ပူးပေါင်းရင်းမြစ်များ

Matsɛmɛ I, 1:31

Batsheba kpla si ngɛ matsɛ ɔ hɛ mi, nɛ e de ke, “Ye nyɔmtsɛ matsɛ yi nɛ na wami kɛ ya neneene!”

Matsɛmɛ II, 25:8

Babilonia matsɛ, Nebukadnezar yi nɔ jeha nyɔngma kɛ nɛɛ ɔ mi, nyɔhiɔ nɛ ji enuɔ ɔ we ligbi nɛ ji kpaago ɔ nɔ ɔ, Nebukadnezar tatsɛ kɛ tsɔlɔ nɛ a tsɛɛ lɛ Nebuzaradan ya Yerusalem.

Kronika II, 21:20

Yehoram ye jeha nyingmi etɛ kɛ enyɔ benɛ e bɔni tsɛ yemi, nɛ e hi Yerusalem kɛ ye matsɛ jeha kpaanyɔ. Benɛ e gbo ɔ, nɔ ko nɔ ko yi lɛ kɔmɔ. A pu lɛ ngɛ David ma a mi mohu, se a pu we lɛ ngɛ matsɛmɛ ɔmɛ a gɔ ɔ mi.

Kronika II, 28:27

Matsɛ Ahaz ba gbo, nɛ a pu lɛ ngɛ Yerusalem; se a pu we lɛ ngɛ matsɛmɛ ɔmɛ a pu he ɔ. E bi Hezekia ba ye matsɛ ngɛ e se.

Kronika II, 32:33

Hezekia ba gbo, nɛ a pu lɛ ngɛ matsɛmɛ ɔmɛ a gɔ ɔ mi, ngɛ yiti je ɔ. Benɛ e gbo ɔ, Yuda kɛ Yerusalem tsuo wo e hɛ mi nyami. Hezekia bi Manase ba ye matsɛ ngɛ e se.

Kronika II, 36:19

E sã Yawɛ we ɔ, kɛ Yerusalem ma a kɛ e mi mɔ ɔmɛ; e kpata ní kpakpahi tsuo a hɛ mi, nɛ e ku Yerusalem gbogbo ɔ ngɔ pue si.

Nehemia 1:3

A de mi ke nihi nɛ piɛ ngɛ zugba a nɔ, nɛ mɛɛ lɛɛ a nuu we mɛ nyɔguɛ ɔ, a ngɛ nɔ́ nami, kɛ ahlua bɔmi nguaa mi. A de hu ke Yerusalem gbogbo ɔmɛ nɛ a hule pue si ɔ, kɛ agbo ɔmɛ nɛ a sã a tsuo ngɛ ja.

Nehemia 2:13

Nyɔ mi ɔ nɔuu ɔ, i gu Kɔ̃ Agbo ɔ nɛ ngɛ bonyoku je ɔ mi kɛ je kpo kɛ gu Ogbetee Vu ɔ nya kɛ ya su Dwɔmi Agbo ɔ he. I hyɛ bɔ nɛ Yerusalem gbogbo ɔmɛ ngɛ ha, bɔ nɛ a ku kɛ pueɔ si, kɛ bɔ nɛ a kɛ la sã agbo ɔmɛ.

Ester 8:6

Ke amanehlu nɛ ɔ ba ma a nɔ, nɛ́ a ma kpata imi nitsɛ ye nyɛmimɛ a hɛ mi ɔ, kɛ ma pee kɛɛ?”

La 102:14

Ejakaa o tsɔli ɔmɛ suɔ Zion tɛ ɔmɛ; nɛ lejɛ ɔ zu ɔ po, a mi mi sãã mɛ ngɛ he.

La 102:15

Je ma amɛ tsuo maa ye Yawɛ gbeye. Zugba a nɔ matsɛmɛ ɔmɛ tsuo maa ye e hɛ mi nyami ɔ gbeye.

La 137:6

Ke i kaii we mo Yerusalem, nɛ ke i bui mo kaa nɔ nɛ haa mi bua jɔmi pe kulaa a, lɛɛ ye lilɛ nɛ mɛtɛ ye nya mi.

La 38:7

Ye se fɛ, nɛ e ngɛ mi sããe hɛii kaa la; ye he mi tsuo puɛ.

Yeremia 52:12

Babilonia matsɛ, Nebukadnezar yi nɔ jeha nyɔngma kɛ nɛɛ ɔ mi, nyɔhiɔ nɛ ji enuɔ ɔ we ligbi nɛ ji nyɔngma a nɔ ɔ, Nebukadnezar tatsɛ, kɛ tsɔlɔ nɛ a tsɛɛ lɛ Nebuzaradan ɔ ya Yerusalem.

Kɔmɔ Yemi 2:9

Zu ha agbo ɔmɛ a nɔ; a ku a se lami ní ɔmɛ a mi dukuduku. A nuu matsɛmɛ ɔmɛ, kɛ ganɔ ɔmɛ kɛ ho ma se ya. Nɔ ko tsɔɔ we mlaa a hu. Yawɛ je we nina kɛ ha we gbali ɔmɛ hu.

Daniel 2:4

Nyɔhiɔ mi hyɛli ɔmɛ kɛ matsɛ ɔ tu munyu ngɛ Aram gbi mi ke, “Nɛnɛ, o yi nɛ na wami kɛ ya neneene! Wa kpa mo pɛɛ, moo sɛɛ o nlami ɔ ha wɔ, konɛ waa tsɔɔ mo sisi.”

Daniel 3:9

A de Matsɛ Nebukadnezar ke, “Nɛnɛ, o yi nɛ na wa kɛ ya neneene!

Daniel 5:10

Benɛ manyɛ ɔ nu matsɛ ɔ, kɛ ma nimeli ɔmɛ la he ɔ, e ba asa a nɔ he nɛ a ngɛ ní ɔ yee ngɛ ɔ. E de ke, “Nɛnɛ, o yi nɛ na wami kɛ ya neneene! I kpa mo pɛɛ, koo hao, nɛ o tsui ko po.

Daniel 6:21

Daniel he nɔ ke, “Nɛnɛ, o yi nɛ na wami kɛ ya neneene!

Daniel 6:6

Lɔ ɔ he ɔ, amlaalo ɔmɛ, kɛ nikɔtɔma enyɔ ɔmɛ ba matsɛ ɔ ngɔ, nɛ a ba de lɛ ke, “Nɛnɛ Darius, o yi nɛ na wami kɛ ya neneene!

Mose III, 26:31

Ma kpata nyɛ ma nguangua amɛ a hɛ mi kɛ yaa si a ma plɛ pee ma dokuhi. Nyɛ jami he ɔmɛ hu ma puɛ mɛ, nɛ i be nyɛ bɔ ɔmɛ hee hu.