Nehemia 2:19 - BAIBLO ALOO NGMAMI KLƆUKLƆU Ɔ

¹⁹ Se benɛ Sanbalat nɛ je Bet Horon, Tobia, ma ní tsulɔ ɔ nɛ je Amon zugba a nɔ, kɛ Arabia no ɔ nɛ a tsɛɛ lɛ Geshem ɔ nu he ɔ, a muɔ wɔ, nɛ a ye wa he fɛu, nɛ a de ke, “Mɛni sane nyɛ ngɛ yee nɛ ɔ? Nyɛ ma tsɔ matsɛ ɔ hɛ mi atuã lo?”

Nehemia 2:19 ပူးပေါင်းရင်းမြစ်များ

Nehemia 6:6

Bɔ nɛ a ngma ji nɛ ɔ nɛ: “Geshem ba de ke huitihuiti ngɛ pɛe ngɛ je ma amɛ a mi kaa o kɛ Yuda bi ɔmɛ to nɛ nyɛ ma tsɔ atuã, nɛ enɛ ɔ he je nɛ o ngɛ gbogbo ɔ fiae ɔ nɛ. E de hu ke o to o yi mi kaa o maa wo o he matsɛ,

Marko 5:40

Se ni ɔmɛ muɔ lɛ. Kɛkɛ nɛ e fie mɛ tsuo kɛ je kpo, nɛ e ngɔ jokuɛ ɔ tsɛ kɛ e nyɛ, kɛ nihi nɛ piɛ e he ɔ kɛ sɛ tsu mi he nɛ jokuɛ ɔ hwɔɔ si ngɛ ɔ.

Hebribi 11:36

A ye ni komɛ a he fɛu; a fia ni komɛ kpa, nɛ ni komɛ lɛɛ a bɔ mɛ pã, nɛ a wo mɛ tsu.

Ni Tsumi 24:5

Wa na nyumu nɛ ɔ kaa ma ywialɔ. E woɔ Yuda bi a yi mi ngɛ he tsuaa he ke a tsɔ atuã. Jehanɛ hu, kuu nɛ a tsɛɛ Nazaree ɔ a nyatsɛ kpanaku ji lɛ.

Yohane 19:12

Kɛ je enɛ ɔ se ɔ, Pilato hla kaa e maa ngmɛɛ Yesu he. Se Yuda bi ɔmɛ kpa ngmlaa ke, “Ke o ngmɛɛ e he ɔ, o pi Kaisare ɔ huɛ. Nɔ tsuaa nɔ nɛ peeɔ e he matsɛ ɔ, Kaisare ɔ e te si ngɔ si ɔ nɛ.”

Luka 23:2

Nɛ a bɔni e nya pomi ke, “Wa nu nyumu nɛ ɔ nɛ e ngɛ wa ma mi bi ɔmɛ a tue puɛe. Wa nu nɛ e ngɛ mɛ dee ke a ko tsu tó ha Kaisare ɔ, se lɛ nitsɛ ji Kristo, matsɛ ɔ nɛ.”

Yeremia 20:8

Daa nɛ ɔ, munyuhi nɛ maa je ye nya a, haomi kɛ yi wu tso níhi a he e kɔɔ. Yawɛ, daa nɛ ɔ, a ngɛ mi ahlua bɔe, nɛ a ngɛ ye he fɛu yee ngɛ o munyu ɔ nɛ i ngɛ fiɛe ɔ he.

La 80:6

Je mahi nɛ bɔle wɔ ɔ, o haa nɛ a kɛ wɔ ba pleeɔ wa zugba a he, nɛ wa he nyɛli ɔmɛ muɔɔ wɔ bɔ nɛ a suɔ.

La 79:4

Je ma amɛ nɛ bɔle wɔ ɔ bɔ wɔ ahlua; a muɔ wɔ, nɛ a ye wa he fɛu.

Hiob 30:1

Se mwɔnɛ ɔ, nihi nɛ i wa pe mɛ po ngɛ mi muɔe. Nimli nɛ ɔmɛ a tsɛmɛ nɛ fɔ mɛ ɔ, i bui mɛ fɛɛ; gbehi nɛ buu ye tohi a he pohu i kɛ mɛ be gbe ɔmɛ futue.

Nehemia 6:9

Mɛ tsuo a susu kaa a maa wo wa he gbeye, konɛ wa nine mi nɛ jɔ̃, nɛ wa kpa ní ɔ tsumi. Lɔ ɔ he ɔ, i sɔle ke, “Jehanɛ Mawu, moo wo mi he wami koo!”

Nehemia 4:1

Benɛ Sanbalat nu kaa wɔ Yuda bi ɔmɛ, wa bɔni gbogbo ɔmɛ fiami ɔ, e mi mi fu wawɛɛ nitsɛ, nɛ e ye wa he fɛu.

Nehemia 2:10

Se benɛ Sanbalat nɛ je Bet Horon, kɛ Tobia, ma ní tsulɔ ko nɛ je Amon zugba a nɔ ɔ nu kaa nɔ ko ba nɛ e ba ngɛ nɔ́ kpakpa hlae ha Israel bi ɔmɛ ɔ, e dɔ mɛ wawɛɛ nitsɛ.

Mateo 9:24

e de mɛ ke, “Nyɛɛ je hiɛ ɔ! Yiheyo ɔ gbo we; mahe kɛkɛ lɛ e ngɛ hwɔe.” Kɛkɛ nɛ ni ɔmɛ muɔ lɛ.

Nehemia 13:28

Osɔfo nɔkɔtɔma pe kulaa Eliashib bi ji Yoyada; se Yoyada bimɛ ɔmɛ a ti nɔ kake ya ngɔ Sanbalat nɛ je Bet Horon ɔ biyo. Lɔ ɔ he ɔ, i fie Yoyada kɛ je Yerusalem.

La 123:4

Nihi nɛ a he mi jɔ mɛ ɔ ye wa he fɛu babauu, nɛ he nɔ woli hu gbe wa he guɛ hluu kɛ ya si wa mumu nya ta.

Yeremia 41:10

Jehanɛ Ishmael nuu nihi tsuo nɛ piɛ ngɛ Mizpa a kɛ je. Matsɛbiyi ɔmɛ, kɛ nihi tsuo nɛ tatsɛ Nebuzaradan ngɔ kɛ wo Ahikam bi Gedalia dɛ mi po, Ishmael nuu mɛ, nɛ e kɛ mɛ pue nɔ kɛ yaa Amon bi ɔmɛ a zugba a nɔ.

La 80:7

Mawu Tabohiatsɛ, kpale wɔ kɛ ba o ngɔ ekohu. Naa wɔ mɔbɔ, konɛ wa yi nɛ na wami.

Yesaya 36:5

E bi lɛ ke, “Anɛ o susuu kaa nya puu peemi ji ga kɛ he wami nɛ a kɛ hwuɔ ta lo? Mɛnɔ nɔ po o ngɔ o hɛ kɛ fɔ loko o tsɔ ye hɛ mi atuã a?